Ndawi 140:2 - Ala Wone Peenok Peebi Mbanak

² It aap ti nogo, Aakumi maluk eeppiyoorak inikime koonogo pugwi, Ko'lu-kii'me wim wone mban mbanit nugwi, Eeko menggaarak o.

Ndawi 140:2 ပူးပေါင်းရင်းမြစ်များ

Ndawi 120:7

An aap lambunogo piiga aret me, “Ninom lambunuwok o,” yorage neegak kwe, It nen, “Ninom wim eeriyak,” mban mbako menggaarak o.

Ndawi 21:11

Inamborowak kin-kin mbaganuwak nduk, kat nen komaale mba'mbak irage keenok, Aaninggin koba pagawak nduk wone mbanogo pugwi, Kat maluk eeppagi woroorak koonogo pugwi, Eeremenggaarak kwe, Mbeyok yigin o.

Ndawi 36:4

It nogo yogo menggam logonet kunduk Maluk eeriyak mban koonggwi, It eerit nugwi nogo ti, Obeelom lek maluk mban aret eerit nugwi, Maluk eeriyak eerinake nogo Mbo puurak mbaka'lek aret eekwi, Eeko menggaarak o.

Ndawi 38:12

It nenggaawak lek eerogo paniyak mbakwi nen Keele pogo mengga kwak ee'nakwi, It maluk eeppaniyak mbakwi nogo nen, “Nonggop eerogo lek eeppuwok o,” yinuk, yogwe, O kubondendok nen nok oonikiya ari wage kagak, Nambokan laganuwok nduk, kote wone koonogo pugwi, Eeko agaarik o.

Ndawi 56:6

Nenggaawak mbet-mbet lek eerogo panuwok nduk, Wone kote koonogo pugwi, “Nonggop ari kaamun?” yinuk, molok nirit nugwi, An nage neegak, inigen wo'neren nogwe, Eeko menggaarak.

Ndawi 59:3

Kaliku ALA wae. An kat koone tagangge, maluk eeke, Eeka'lek neegak, Maluk eeppanuwok nduk it aap inogogun ambik iniki ambit eeppunuk, wone kote mbanggwi, Neebe lek eerogo panuwok nduk, Ambe nggagambunuk wonogwe, Eekwi yi, iyet o.

Ndawi 62:3

Aap ambi oba kwi'narumonggotak mugurok nugwi kiigak, Ne mande ari nagin o? An neebe yi, O kobat langgo agan nage kwak, Yugum yagat langgu-langgu wangge menggi kwak, Wonage neegak, Kit abok nen an lek eerogo paniyak eekwi kiigi o.

Kini Wuppiige 12:20

It aap maluk eeriyak koonogo pugwi nogo nen aakumi inambokan laganiyak mban inikime menggerak kwe, Aakumi iniki ugun tayenak logowak nduk yoranet nugwi ti perak, inikime inale'nggen mban wonage menggerak.

Oteya 7:6

Lako menggam kani wunuk mban ari menggi kwak wonogo logonet, Yogop eeruwok, ndogop eeruwok, iniki aganggen kerek togon koonggo nagaatik, It eeriyak koonggaatak nogo oonikiya paga nabu agan wangge, O kubondendok paga kani wunuk ari menggi kwak aganggen eeginake kenok, eekwi, Eeko menggaarak o.

Nakum 1:11

Aap ambi o Niniwe time mi'na'nuk Aliku ALA maluk eerogo puurak koongge, Maluk ndogop eeko logowok o, yinuk, koonogo punuk, yorage, Eeke me nduk, yagi o.