Ndawi 14:2 - Ala Wone Peenok Peebi Mbanak

² At Aliku ALA mbogut paga nen Aakumi abok aret nggween paga wonogwe yi, Enegen wugiya wage logonet, “It ambi iniki warak a'nuk eerit nugwi, An mu'neren wogwe, Eekwi iyaamun ilik?”

Ndawi 14:2 ပူးပေါင်းရင်းမြစ်များ

Wakkagagerak 11:5

It aakumi o nggwok kirin nggorek wurit laganggwi nogo at Aliku ALA nen enegen iige nagagerik, “Nonggop eekwi iyaamun?” yinuk, pegiya wambi wagagerak.

Wakkagagerak 18:21

it yi maluk ndi maluk eekwi iinok, aakumi nen yogwe naruk konenggirak nogo abet aret eekwi a, lek a? yinuk, nenegen maloppiya nage agarik o.”

Wakkagagerak 6:12

Wonage kagak kwe, it aakumi nggween paga wonogwe nogo abok aret maluk eerit nugwi paga o nggween paga yime abok aret maluk etenggen wigak yereegerak at Ala nen kage nagagerik,

2 Mbinineegwaarak 19:3

Togop aret kwe, kat nen o yime kugigwe Atiyera ageyo yinit nogogwaarak nogo mbanogo mbo pege, ndi, Ala mban mugurok nage logokit o, yinuk, kiniki mondok nggaruk togon koongge, eekendak me, kiniki obeelom wonage keegi o,” yinuk, yoreegerak.

Ayup 15:14

Aap kikak naka'lek abu obeelom wonogwe, It kumi nen inaagalogwe nogo, iniki abe koonak aret ndaganakwi, Eeko menggaarak mbaken?

Ndawi 107:43

Aap ambi iniki warak wonage kenok, wone yi abok aret liippege, Aliku ALA aakumi inabuwa nen Iniki kunik lombok aganake menggerak nogo, Liirogon porogo wonage, Eeke logowak o.

Ndawi 11:4

Aliku ALA nogo at awi wurik alik leenak menggim nogome wonage, Ndi, Aliku ALA ti, wone lengganogo yorage menggim mbogut paga kwindak wonage, Eeke logonet, aakumi abok aret enegen wogonake, It eekwi nogo at enegen liippiige, Eeke menggerak.

Ndawi 69:32

It aap tebenak wonogwe nogo nen inoone yokkugwi iinok, Kaliku ALA konengge, Kapuri keele maarak kat mbo piigeelik inabuwa mbake, Eeke menggendak me, It aap tebenak menggaarak nen An andi logonet, kendage tiyappege, Kogo logomenggaarik inale'nggen aret mbakwi, It aap kat mukkeren nogo menggaarak abok aret inale'nggen logonet eerit nugwi, Eeko logogun o.

Ndawi 82:5

Yi wone ndi wone liippega'lek kineenggo'lek wonogwe, Kit o apit paga nugwi, Obeelom eeriyak koongga'lek O yi naalop-kaalop eerogo piinet nogwe, Eeko ogotik o.

Ndawi 92:6

It aap iniki apit nogo nen ineenu ogwe, It aap iniki lek wi negen nen liippugwi, Eeka'lek nogo yi o.

Kini Wuppiige 2:9

Togop eeke keenok, Abe koonak eeko logorak mendek inom, A'me nggelok eeko logorak wone inom, Wi-wi aganaka'lek ndak-ndak mban ko'net nogo logorak inom, Eerit nogo logorak wone ti abok aret liippumunggun o.

Kini Wuppiige 8:5

Kit kiniki yuundurak yi wae. Kiniki penenak eekkabuwak nduk mamunggologwe, Kit kiniki lek wi negen yi wae. Yi wone ndi wone alom liippakwi, Eeko logonip o.

Kini Wuppiige 9:16

“Aap iniki yuundurak kenok yime woraanip o. Niyo kumaarak ti, ombat abe kogwe, Mbi kumaat-kumaat nunggwi kenok, ombat abe kogwe, Eeko menggaarak o,” yinuk, It iniki lek wiiragaatak nogo nen ineenggo'lek kagak, “Yi abet yigi,” yinuk, mugurok namenggaarak kwe, Nomok togon aakumi kambit nogogwaarak wonogwe me, iya unggwogwe, Ndi, aakumi kanggo menggam aret unggwogwe, Eeko menggaarak o.

Kini Wuppiige 9:4

Nappiyareegerak nogo nogogwaarik, inoone nggwok paga yorogo logonet, “Kit aap yuundurak yi, woraanip o,” yorogwe, Ndi, iniki awo kole aga'lek nogo yorogo logonet,

Yetaya 27:11

Ndi, eyo eno'mbak ti mbuk age kenok, it kumi nen wogo logomenggaarik, Kalembunuk, wonok nanuk, kani kunggo logogun o. It aakumi yi ti, iniki lek kobak aret wonogwe me, at ogobakkigirogo piiga nen inabuwa mbake, At ogobakkigirinaka nen obeelom eeppiige, Eerigin lek aret o.

Yetaya 55:6

Aliku ALA nen, “Ninom lambuniyak op aret o,” yinuk, awo mbake me, mbet-mbet kinom lambuni wogwe, At awo koorok wonage me, kinoone nggwok paga yogwi, Ee'nip o.

Yetaya 63:15

Abeko nogogwaarik, Aliku ALA yogo logonet, “Ai, ninogoba Ala. Kat mbogut paga wone lengganogo yorage menggenom abu tiyanak alik leenak keenok, Wi! kugwi nogome nen kenegen wu'niya mok o. Kat keebabunik logonet, komaawi paga eeppinaniyak mbake nagagindak nogo nonggop aga o? Ninabuwa nen yanggorogon eeppinaniyak nogo eeppinanega'lek aret agandik o!

Yetaya 64:1

Ai, nogoba. Kat mbogut paga tu paarogo punuk, keebe aret wura wage keegak, Puut-puut na'ndo-wa'ndo ari kane!

Yetaya 8:19

Aakumi nen kit yokkirogo logonet, “It aakumi ambi mendek nen ambi age kenok, inagugi yoroorak lek mbakop? Eeriyak nonggop o? yinuk, it aakumi ineenik wonogwe nogo inake it kambeegwaarak yoroorak op nogo lek a? Yoroorak op aret me, it aap yagap wone yogwe, inoone mumun paga yogwe, eekwi nogo tili pagangga inom, aap inogoma nggiiraga inom, yoret o,” yinuk, yokkirogwe iinok,

Yeremiya 4:22

At Aliku ALA nen ari logonet, “An napuri ti, wi negen aret wonogwe, it an liippanega'lek wonogwe, Elege iniki lek pogom wonogwe, op ariyak maluk ariyak ineenggo'lek kobak aret wonogwe, Obeelom eeriyak mendek kobak logonet kwe, maluk eeriyak kenok perak, Iniki penenak logonet, aganggen kerek togon eerit nugwi, Eeko menggaarak,” yegerak o.

Yeremiya 5:1

Aliku ALA nen ari logonet, “Kat o kota Yerutalem yiru-ndiru yime pekkanet nage, Pekkanet nage logonet, kenegen li'lak yambonit nage, Wone mbanggo menggam nggween aagome abok aret yambik-yambek eeke, Eerit nage logot o. Eerit nage logonet, aap ambi iniki abe koonak a'me nggelok mban eeke menggerak ambi wonage kage kenok, Aakumi o kota yime menggaarak ineebe lek eerogo piyaagin lek, inomaluk lek eerogo piyaagin kwe, lek me meek o.

Ndaniyen 12:10

It aakumi apit aret iniki abe koonak wonogwe iyaawak nduk eeppiigwi, iniki kikak naka'lek iyaawak nduk eeppiigwi, iniki kole aruwak nduk inabut mbanggwi, eekwi iigak kwe, it maluk eeka nen perak, maluk aret eerit nogo logogun o. It maluk eeka ambiriluk ambi nen wone yi liippugun lek kwe, it aap iniki warak nen perak, wone yi, yelok kaagun o.

Oroma 3:11

It ambi iniki warak a'nuk, eerit nugwi, An mu'neren wogwe, eeka'lek aret iige agarik o.

Iberani 11:6

“Ala abet aret menggerak me, niniki abe paga at owagam nogwe niinok, onggo wo'niraagin,” abet aret mbako logonet, at owagam nagak eekwi niinok, inikilom ninombake menggerak kwe, aap ambit-ambi abet mbaka'lek kagak, at owagam nage kenok perak, Ala inikilom ombarigin abu lek o.