Ndawi 139:4 - Ala Wone Peenok Peebi Mbanak

⁴ Kaliku ALA wae. Wone nambe paga awo wumbega'lek neegak, An yuurak nogo kat abok keenu wonage, Eeke menggendak o.

Ndawi 139:4 ပူးပေါင်းရင်းမြစ်များ

Ayup 38:2

“Aap wone eenggo'lek logonet, An eeriyak koongge nogo kagaarogo pit nage ti ta o?

Ayup 42:3

Kat nen ari logonet, Aap wone eenggo'lek logonet an eeriyak koongge nogo, Kagaarogo pit nage ti ta o, yinuk, yo'negendak nogo ti, An liippega'lek logonet wone ari, Iya eeriyak mendek an neenggo'lek kwe kagak ari, Eekirak o, nogoba.

Ayup 8:2

“Kat ne mande paga koone togop mban ari logomunggun? Kat koone ari nogo ti, O wiya oone pu ari kwak aret ari agandik.

Ndawi 19:14

Kaliku ALA wae. Nayugum kwak inom, nili yaga inom, kat aret me, Noone ari minggirak inom, Ninikime koonit nage minggirak inom, Obeelom aret neyaanok lak, Ao, kombake minggirak o.

Yeremiya 29:23

It aap mbere ti, Iterali inenggela'me wonogo logonet, eeriyak lek mendek eerit nugwi, it inoreewi inakuwi aret kwe, kagak wuginakwi, ndi, an nen wone yoroolik neegak nendage kunogo inoone pilit agan nugwi, eeko menggaarak nogo an neenu wonage, ndi, yorogwe nogo nenegen iige, eeke minggirak me, it togop aret eerogo piyaagin o,” yinuk, Aliku ALA nen aret yegerak me, liiru yi mbanggiragi o, yinuk, liiru mbanogo nappiyareegerak ti aret.

Tepaniya 1:12

Ne ti eyom paga an nen ndi wuninik wonok o Yerutalem maleninabit nage logonet, Anggur amburu abe tookwi iigak, ogogwe o'luwam linogo pege menggi kwak, it aap togop aago wonogo logonet, Aliku ALA nen obeelom eeppinanege, maluk eerogo pinanege, Eerigin lek, mba'nuk, Iniki ugun kobak aago wonogwe nogo, kwaappiinok, aaninggin inoba kwippiyaagin o

Yakobut 1:26

Kit ambi nen, “An Ala wone liippunuk eeke agarik o,” yinuk, yogo monggotak kwe, kinambe liirogon arum wonaga'lek kinamili irip paga ugun agan nugwi kiinok, kit aret kinambokan laganggologwe, ndi, “An Ala wone liippunuk eeke agarik o,” yogo monggotak nogo ti, aanom warogo aret yogwe, eeko monggotak kiigi o.