Ndawi 139:21 - Ala Wone Peenok Peebi Mbanak

²¹ It aap kat ineebi lombok kombarit nugwi nogo an nen neebi inombake, It aap pilak yogo logonet, Maluk eeppagit nugwi nogo inogole inombake, Eeka'lek logorak op a? Meek aret me,

Ndawi 139:21 ပူးပေါင်းရင်းမြစ်များ

2 Mbinineegwaarak 19:2

aap abinggaanggo kaga Kanani aput Yeku nogo nen at Yotapat nogo ka wundi nage nagagerik, at yoge logonet, “It aap maluk lombok eekwi nogo yeenggwaarage, ndi, it Aliku ALA ineebi mbakwi nogo kiniki kunik aganake, eeke menggendak ti, op aret mbaken? Ti eekendak paga Aliku ALA anini koba aret wonage o.

Ndawi 119:136

Koone yugu Muta liiru mbaneegerak nogo It aakumi woppunuk eeka'lek paga Niyo wu'nuk wage menggi kwak Nale togop aret wambit wage menggerak o.

Ndawi 119:158

It aap koone ineebi mbaka nen Koone yugu porogo logonet eekulik iinok, Nenegen pegiyoorak neebi mbake minggirak o.

Ndawi 15:4

Aap maluk mban eerit noorak mbakwi nogo Ineebi inombako logonet kwe, Aap Ala inagabiti mbakwi nogo tiyappiigwi kenok, “Yogop eeppagagun o,” yinuk, Wone kumbuk mbanogo yoragaatak nogo Inamendek lek kwe, kagak eeppiigwi kenok,

Ndawi 26:5

Maluk eeka kuwak eekwi me ninom kuwak eeke, It maluk eeka ninom nege, Eeriyak neebi lombok mbake minggirak o.

Ndawi 31:6

Kugi nen ambi eeppiyoorak lek We aanom warogo kagak eeko menggaarak aap ti, “Neebi,” inombake minggirak o. Niniki Kaliku ALA koba panggonak aret agarik o.

Yeremiya 13:17

Kit an yokkirage kinaruk konengga'lek kiniki wogoppakwi paga nalik kumaarak logonet, le ari, Aliku ALA andomba kit keele maakkiren nagun me, Niniki wakkolage logonet, nale yi wurik kwak wurabit wage, Eeke logogin o.

Marakut 3:5

“Inogogun laakot yi, ai!” yinuk, at enegen abi inoorit nage nagagerik, aap eenggi kambak nogo yoge logonet, “Keenggi nggingget o,” yoge mbareegi, ngginggage nagagerik, eenggi obeelom aret agagerak.

Lukat 19:41

Yorage nagagerik, o kota Yerutalem panggo yi wage nagagerik, enegen kage logonet, le yereegerak.

Wayu 2:2

Ala apuri o Epetut eerit nogo menggaarak nogo an neenu aret o. It ndeyak aganake kagak mbo pega'lek mondok nabenak mban eerit nogwe, It aap maluk mendek nit ninenggela'me yime logorak mondok lek o, yinuk, ineebi mbakwi, it aap ando nappiigak mendek lek kwe, wogo nagaatik, Ala nen nappinani wagaarak o, yinuk, yorogwe iinok, inabut mbambunuk, Yi pilit agan wagaarak o, yinuk, mbo piigwi,

Wayu 2:6

Ndi, ambi op negen eekwi iigirak nogo ti, it aap Nikolawut oone mugurok nogo logonet, eerit nogo menggaarak ti, an neebi lombok mbake minggirak nogo, it ndak-ndak ineebi mbakwi iigirak me op aret o.