Ndawi 139:2 - Ala Wone Peenok Peebi Mbanak

² An kwi'nage, mi'nage, eeke neegak, liippanege, Niniki koonit nage minggirak nogo O nda nen yelok na'neya wage, Eeke menggendak o.

Ndawi 139:2 ပူးပေါင်းရင်းမြစ်များ

Wakkagagerak 16:13

Yoge mbareegi, at Agat inikime nen mbake logonet, “At Liippanege Menggerak nogo ti, nenegen abet aret kagarak o,” ari nagagerik, at Aliku ALA endage, Liippanege Menggerak o, yinuk, tooneegerak.

2 Endagembogut 19:27

At togop eeppiinet nage nogo ti, Puk age, wundi nage, unggwi wage, anini mbake, Eeke nogo ti, Aliku ALA eenu aret o.

2 Endagembogut 6:12

Yorage mbareegi, at inom eeko menggaarak awot ambi nen at yoge logonet, “Lek o, nogoba kendagembogut! Nit yime togop ambi lek aret kwe, at Ala nen yoge kagak yoraga Elita Iterali inenggela'me wonage nogo nen kat nogo yege menggenom logonet, kote negen ari menggendak nogo aret aap Iterali endagembogut yoge menggerak.”

Ndawi 44:22

Nit kapuri ogogurak paga Kubondendok nen nok oonikiya ari nage kagak, “Ninooremengga ilik?” mbarit nugu monggoorak. Ndomba wariyak wonok nogo mengga kwak, “Togop aret eeppiyaawok,” ninombako menggaarak.

Ndawi 56:8

An mbaganit o ambime agak nege neegak Kat keenggi linggingge, Nale amburu wangge nogo kayiwa'na toologo pege, Eekendak nogo abok aret Liiru mbanogo pegendak nogo lek a? Liiru mbanak aret wonage me,

Ndawi 94:11

At Aliku ALA nen Aakumi eeriyak koonggwi nogo eenu age, It koonggwi ti, we aanom warogo aret koonggwi iige, Eeke menggerak o.

Kini Wuppiige 15:3

Aliku ALA enegen yi o ndi o abok aret wonage logonet, Aap maluk mendek inom, aap obeelom mendek inom, enegen liippiige menggerak o.

Yetaya 37:28

At togop eeppiinet nage nogo ti, Puk age, wundi nage, unggwi wage, anini mbake, Eeke nogo ti, Aliku ALA eenu aret o.

Yetikiyen 11:5

Kage mbareegi, Aliku ALA Aberiniki noba age nagagerik, yoroorak yo'nege kagagirak nogo yi aret. “At Aliku ALA nen ari logonet, It Iterali mendek yogwe ti, an muk konenggirak o. Ndi, inikime nen koonggwi kunduk, abu iigirak kwe,

Yetikiyen 38:17

At Aliku Itok Menggerak ALA nen yegerak nogo yi aret. “O aa'nduk lombok, Aap ambi nen ndogop eeri woraagin o, yinuk, nayeloman mini yorage neegak it Iterali yoraga nen yorogo nogogwaarak nogo, at aap yi aret nogo lek a? An napuri tebenogo piyaawak nduk, Aliku ALA nen aap ti wonok woraagin o, yinuk, it an yorage neegak yoraga nen ne ti paga yorogwe iigak, yi tahun ndi tahun eeke nagagerak.

Takariya 4:10

Togop me, It elaambirik wukwi yi, aret wurugun lek kogo o, yinuk, meek mbakwi ti, taani o? Keele wakkagak aap Terubaben eenggime wonage inigen kogo logonet, inale'nggen mbako logogun o,” yinuk, yo'nege kagarak. Ndi, “Ndi wuninggak 7 ti, Aliku ALA enegen o nggween paga yime abok aret looge wonage nogo aret o.”

Matiyut 9:4

It iniki mbakwi nogo at Yetut yelok iige nagagerik, yorage logonet, “Kit nonggop nduk kinikime maluk aret koonggo ogotik?

Lukat 9:47

It iniki mbako logonet, wone wakwi nogo at Yetut yelok iige nagagerik, wulaga mbuuluk ambi waganogo eraaninu mippunuk,

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

Pelaareegerak 31:21

aaninggin-paaninggin inoba kwi'nage, inawi maluk age, eeke kagak, ndawi liiru mbanak yi, it inapuri-inombowologwe nen mari eerogo pugun lek me, inikime logonet, aberiragak mban eeke logogin o. An nen nggween, Wokkiraagin o, yinuk, abuk nggaruk togon kumbuk mbanogo yoragagim time awo wogoren piya naga'lek neegak kwe, it iniki mba'nuk eeriyak nogo muk neenu aret me, yagi o,” yinuk, yoreegerak.