Ndawi 139:13 - Ala Wone Peenok Peebi Mbanak

¹³ An neebe nagalo inikime ogobakkigi'nake logonet, Niniki kunogo panege, Neebe yeregerak-peregerak abok aret abu li'luk eerogo panege, Eereegindak o.

Ndawi 139:13 ပူးပေါင်းရင်းမြစ်များ

Ayup 31:15

At nagalo inikime ogobakkigirogo paneegerak nogo nen It kunduk inagalomini inikime ogobakkigirogo piyoolik mbakop? Ninagalomini inikime ogobakkigirogo pinaneegerak ti, Eebe ambit Ala aret nogo lek a?

Ndawi 119:73

Keenggi paga ogobakkigirogo paneegindak me, Neebe op logokit nduk, narum wonage keegak, Koone, “Yogop ee'nu ndogop ee'nu,” yugu nogo Mamunggolaakit nduk, neenu eeppanu o.

Ndawi 71:6

Kat nen aret nagalo inikime nen wumbani wagagindak me, Nda'nagagirak nen nok, yogondak kuli niniki koba panggonak wonage agarik o. Togop me, an ko'lu-kii'me tiyappagage minggirak o.

Ndawi 95:6

Ninogoba Ala at aret o. Ndi, nit ti, aakumi at mendek aret me, At nen ndegenninake kagak wonogwe, Ndomba wogoren nogo mengga kwak, Wo'niren nege kagak wonogwe, Eeko monggoorak me, Ninendobanggun yindumbunuk at alut eekwi, Ogobakkigirogo pinaneegerak at Aliku ALA abu'me tebe yi unggwogwe, Eeruwok o.

Yetaya 44:2

Ogobakkigirogo pege, eenggi-iyok warak eerogo pege, yeenggwaage, Eereegirak an Naliku ALA nen wone ambi yori o. An nen nggween mbuk kenok, niyo kilirogo pege, Nggween woloonak wonage me, mayu lubu-lubu wuppi wage, Eerigin me, At paga wiganak an Naberiniki inoba wuppi wage, Ndi, ombowologwe paga nale'nggen inoba piige, Eerigin o. An nayeloman Yakup ti, An leenogo pereegirak Yetiyurun ti, agabiti mbarugurik o.

Yetaya 46:3

At Ala nen ari logonet, “Kit Yakup ombowologwe yi wae. Kit Iterali paga wiganak awo wonogwe yi wae. An wone yokkirage yi, kinaruk konenggo logonip o. Kit awo nda'naga'lek kinagalomini inikime kiigak, ndegengginake, Nda'nogo mbareegup, tawe eekkinake, Eereegirak an aret me,

Yeremiya 1:5

“Kagalo inikime awo keenggi-kiyok warak eerogo pagaga'lek logonet, keebe neenu wonage, Kagalo nen awo ndakkaka'lek kagak, keebe leenogo pagage, An nen yokkege neegak, it aakumi inanebunu lombok yoranet nege logonok nduk eerogo pagage, Eereegirak o.”

1 Korindut 12:17

Nineebe abok tigitogon ti, ninigen mban ogobakkigi'netak en nonggop togon ninaruk konenggo logonetak mbakop? Ndi, nineebe abok tigitogon ti, ninaruk mban ogobakkigi'netak en, nonggop togon yi mendek ndi mendek obari kogo logonetak mbakop? Togop logorak meek o.