Ndawi 139:12 - Ala Wone Peenok Peebi Mbanak

¹² O yumaak age, o eya age, kat togop mbakeelik o. O yumaak wonage ti, o mo pege kwak kage, Ndi, o apit ti, o eya kwak kage, Eerumunggun o.

Ndawi 139:12 ပူးပေါင်းရင်းမြစ်များ

Ayup 26:6

It kambunuk nogo menggam wonogwe nogo, At Ala nen abok aret iige menggerak o. Kambeegwaarak wonogo menggam nogo, Tu narak lek paarak aret wonage agaarik o.

Ayup 34:22

It maluk eeko menggaarak nogo, o apit me kumaa'nari unggwogwe, O yumaak paga kunduk, kumaa'nogwe, Eeriyak meek o.

Wundeegwaarak 14:20

it Metit mendek ineegin warak inom, aakumi Iterali ineegin warak inom, oolo ogoorogo piinok, wonage logonet, it Metit mendek wonogwe me, o apit eerogo pege, ndi, it Iterali wonogwe me, o eya eerogo pege, eereegerak me, oonikiya paga it ambi nen it ambi inowagam wagak eeka'lek aret wonogogwaarak.

Wundeegwaarak 20:21

Yorage nagagerik, it aakumi Iterali nogo tayorogon taati mi'ndak iigak, at Muta alik aret ameraakot yumak-lumak aago Ala wonage me panggorogon taati aret ari nagagerak.

Ndaniyen 2:22

Wone nobarak ineenu ariyak meek mendek nogo, yelok kaawak nduk, kin eeppege, O yumaak paga wonage abok aret at eenu wonage, Eeke menggerak me, At eebe paga eya mban ndak warak menggerak o.

Iberani 4:13

Nit aakumi inom, yi mendek ndi mendek ogobakkigirik inom, abok aret at Ala enegen kage menggerak me, ambit-ambi at enegen neega'lek me nduk, kumaa'nariyak abu meek o. At enggaanom paga yi mendek ndi mendek abok aret kin paga wonage me, at abok aret enegen kage menggerak o. Togop aret me, nit eeko monggoorak nogo ambi kumaappugun lek abok aret mbininogo at yorugun o.