Ndawi 138:2 - Ala Wone Peenok Peebi Mbanak

² Kat aakumi inabuwa nen kiniki kunik eeginake, Liirogon eeppiinet nage, Yi mendek ndi mendek tebenak iigak, kat kendage inom, Kat eeriyak koonogo pereegindak wone inom, abu tiyappege, Eereegindak me, Kawi wurik alik leenak me nena na'na'nuk, Kendage tiyappagage logogin o.

Ndawi 138:2 ပူးပေါင်းရင်းမြစ်များ

1 Endagembogut 8:15

“At Aliku aakumi Iterali inogoba Ala oone lombok paga nen nogoba Ndawut koonogo yoreegerak nogo, at nen aret a'me nggelok togon eerogo pereegerak me, endage tiyappuwok o.

1 Endagembogut 8:20

At Aliku ALA nen wone koonogo yoreegerak nogo, a'me nggelok ari logonet, at Aliku ALA yoreegerak ndak-ndak, an nogoba Ndawut obaane'me age nagarik, napuri Iterali nabu'me piinok, inawone koongge minggirak me, Aliku aakumi Iterali inogoba Ala endage ki logowak nduk an nen aret at awi wukirak yi o.

1 Endagembogut 8:24

Kat kayeloman nogoba Ndawut koonogo yoreegindak nogo, a'me nggelok eeke, ndi, koone paga lombok koonogo yoreegindak nogo, kat nen aret eerogo pege, eekendak nogo ti, o yogondak yi aret aga o.

Ndawi 115:1

Kaliku ALA wae. Kat nen aret kiniki kunik ee'ninake, Kat nen mban ko'lu-kii'me liirogon eeppinanege, Eeke menggendak me, Nit ninendage tiyappakwi, nit wogoppakwi, Eekwi lek o. Ata, kat mban kendage tiyanak logowak nduk eeko ogoorik o.

Ndawi 28:2

“Yeenggwa niru o,” yinuk, noone nggwok yokkege, Mage Lombok Menggim pa'nggwe neenggi nappege, “Nabuwa mbaru o,” yinuk, tamban eeke, Eeke neegak, Karuk konengge logot o.

Ndawi 5:7

Togop aret kwe, an perak, Nabuwa lombok nomba'nuk eeppanit wundi wage me, An nen kat kame unggwi nage, Kawi wurik alik leenak me nena na'na'nuk, Kayuk wuke logonet, nendobanggun yindumbunuk kalut eeke, Eerigin o.

Ndawi 5:8

Kaliku ALA wae. Ninom wim mbanak nen nookwi iyo, “Tu ndi paga nawak,” nomba'nuk, koonogo panege, Kat obeelom mban eeke menggendak ti paga wo'neren nage, Eeke logot o.

Ndawi 56:10

An koone tiyappege minggirak kat Ala paga, An kat ari tiyappege minggirak Kaliku ALA paga, Niniki panggombigirak wonage o.

Ndawi 56:4

Kat Ala koone yo'nege menggendak nogo tiyappege, Kat Ala niniki koba panggombagage, Niniki koba panggonak wonage me, nagabiti mbarigin lek niniki kwi'ndak wonage, Eeke minggirak me, It aakumi nggween paga mendek nen An nano eeppaniyak mbaken? Lek aret o.

Ndawi 85:10

At abuwa nen iniki kunik ee'ninake, Yo'niragaatak nogo li'luk eeppinanege, Eeriyak nogo imbirak lambuk ari, Iniki abe koonak logorak inom, Iniki ugun tayenak logorak inom, Keyage linggik-kambuk yogwe, Eeko agaarik o.

Ndawi 86:15

Nogoba o. Kat aakumi inabuwa mbake, Kiniki yanggo yinuk eeppiige, Kiniki aan aganggenggwi lek kwi'ndak wonage, Aakumi kiniki kunik aganakak mban eeke, Yoraga'ndak nogo li'luk eeppiige, Eeke menggendak o.

Ndawi 99:5

Togop me, Aliku ninogoba Ala tiyappugwi, At kikak nakeelik alik leenak menggerak me, At wone lengganinake menggim tebe yinuk alut eekwi, Eeko logonip o.

Ndawi 99:9

Togop aret me, Aliku ninogoba Ala tiyappugwi, At Aliku ALA ti, kikak nakeelik alik leenak me, At abuut abu abe alik leenak nogome ninendobanggun yindumbunuk alut eekwi, Eeko logowok o.

Yetaya 42:21

At Aliku ALA iniki abe koonak menggerak me, “An noone yugu ti, iya, yinuk, tiyappogo logowak nduk, Ao,” mbake menggerak kwe,

Yetaya 63:7

At Aliku ALA ninabuwa nen liirogon eeppinanege nogo paganogo yorage, At endage tiyappuwak nduk, eerogo pinanege menggerak nogo yoranet nage, Eeke logogin o. Aliku ALA nen eerogo pinanege, Nit at apuri Iterali paga wiganak obeelom mendek eeppinanege, At ninabuwa nen liirogon obeelom eeppinanege, Eereegerak abok aret nogo ndak-ndak at endage tiyappuwak nduk agan nage logogin o.

Ndaniyen 6:10

Wone liiru mbanogo punuk, wumbereegerak nogo, at Ndaniyen aruk konembunuk, ame nage nagagerik, ame irimbaga ko ambi ogoorak me, pugagi ena Yerutalem pa'nggwe mbanak nogo, pugagi paarak me time nen o ne ambit wege paga ne kenagan kuli tamban eeke menggerak nogo ndak-ndak, time ari unggunuk, endobanggun yindumbunuk, tamban eeke, Ala wa yoge, eeke nagagerak.

Matiyut 24:35

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yoragagerak.

Matiyut 5:18

Mbogut-nggween awo lek aga'lek kagak, Ala wone yugu Muta liiru mbaneegerak ando mbuuriluk ambi awo a'me lik yega'lek kagak, lek arigin lek o. Ata, mondok ndak-ndak aret arigin o, yinuk, abet aret yokkiragi o.

Yaya 1:17

Ala nen wone lengganogo yoge kenok, Muta nen yo'niragagerak kwe, Ala iniki kunik nen eeppinanege, “Ala ndogop menggerak o,” yinuk, liirogon paganogo yo'nirage, eereegerak nogo ti, Yetut Keritut aret o.

Yaya 10:35

Ala wone liiru mbanak ti, alik mbeyok ariilik nit nineenu me, Ala nen it aakumi at oone koneneegwaarak nogo, Kit an Ala pogom wonogwe o, yinuk, yoragagerak me,