Ndawi 137:1 - Ala Wone Peenok Peebi Mbanak

¹ Nit niyo Mbaben aa'nggi paga time kwi'na'nuk, O Tiyon nonggop wonage nogo Oba abeppunuk le nggwok yogwe,

Ndawi 137:1 ပူးပေါင်းရင်းမြစ်များ

Etara 8:21

Wogo mbareegwa, niyo Akawa mbininik aa'nggi paga time logonet, ninogoba Ala enggaanom paga niniki tebeppatinuk, nit inom, ninapuri inom, ninamindik-ninamendek inom, abok aret at Ala nen, Tu obeelom ndegenniren woraawak nduk, mbi nengga'lek ninambe mage negen logonet, Ala nggino yoruwok o, yinuk, yoragagirak.

Etara 8:31

Waganggo mbareegwa, nit abok aret o Yerutalem woraawok nduk, tut aa'nduk penenak tanggal 12 paga niyo Akawa mbininik aa'nggi paga nen wundi wogogurak. Wundi woraanuk, tu paga wogwe me, ninawim nen ninookwi, aap inogogun ambik nen ninamendek ndinggwi, eekwi iyo, ninogoba Ala eenggi nggorek paga nobappinanogo kagak kuuri'me aret

Nekemiya 2:3

Nagabiti mbake nagagirik, aap endagembogut yoge logonet, “Kendage mondok-mondok ki aret logogin o. An nombomini inowak paga inawi kota nogo yinik-minik aago wonage, ndi, pak ambe mbanak tungga kani nen abok aret nengge, eekerak kagak, an nonggop togon nenete ogum lek eya logorak mbaken?”

Ndawi 42:4

Aa'nduk lombok aakumi ambik inale'nggen paga Ala awi wurik me kuwak eeri nogwe me, An naa'nduk a'nuk ninom nage logonet, Ninale'nggen paga keekok yogwe, “Wa!” yogo logonet ndawi wakwi, Eeko nogogurak nogo Abeppunuk niniki abu puru agan nage agaarik o.

Yetaya 66:10

Togop me, kit o Yerutalem kiniki kunik eeko monggotak yi wae. O Yerutalem ti, agalo kwak logonet ale'nggen mbake me, kinom kinale'nggen mbakwi, Aagalogwe ambik ndarogo piigerak paga keekok yogwe, Yagan wake kagak kinom le yogo nogotak kit yi wae. At yogondak ale'nggen mbake me, kinom kiniki ale'nggen mondok alik negen mbakwi, Eeko logonip o.

Yeremiya 13:4

“Kobee'le kunogo yirikendak nogo niyo Eparat aa'nggi paga nage logomenggendik, kobee'le ti, yugum nggaganak me time kiraappu o.”

Yeremiya 15:17

It aakumi kuwak a'nuk inagi'ndok kambuurak agan nogo logonet, ugun-ugun eekwi, Wone i'ndok kambuurak mban yogwe, Eekwi me time An ninom kwi'nageelik o. Ata, koone eeke logokit nduk, keenggi pi'nake, It eekwi ti mendek neebi lombok mbarikit nduk, eeppanege, Eekendak paga Nalik mbeyok togon aret kwi'narit nege minggirak kwe,

Yeremiya 51:13

It aap ineenggi warak niyo nggwok nage aa'nggi paga menggaarak inendage tiyanak wonogwe nogo Inendage lek ariyak eyom ari wage, Obeelom mban logowok, mbakwi nogo lek ariyak eyom panggoni wage, Eeke agaarik o.

Yeremiya 8:19

It an nowe-nawot o nda nen le yogo logonet, “Aliku ALA o Tiyon wonage ilik lek a? O kota time inowe endagembogut wonage ilik?” Yinuk, inoone nggwok paga yogwe nogo karuk konenu o. Yoge mbaki, at Aliku ALA nen, “An niniki wariyak it nonggop nduk inagugi ogut eerogo pugwi, Nonggop nduk it aap inambik inagugiwak aanom warogo kagak mippit nogwe, Eekaarak?”

Leendawi 1:16

Togop aret me, nale yikkolage, Nale amburu niyo negen wambit wage, Eeke agaarik o. An niniki eyak wappanega ambi ninom wonage, Niniki teeluk eerogo panega ambi koorok wonage, Eerak lek aret o. An nawim nogo inomaawi ambik lombok me, naagalogwe inamindik-inamendek mondok lek agagerak wonogo agaarik o,” Yinuk, ari agaarik o.

Leendawi 2:18

It aakumi ti, inoone nggwok paga inogoba Ala yogwi me, O Tiyon Aagalukwe obak wurik kat yi wae. Tat yonggonggolage, kale yaga'lek puk wonage, eeka'lek niyo nage menggi kwak Liingge-oonikiya kali-kale mban nggininogo wurabit wage logot o.

Leendawi 3:48

An nanebunu mendek pup eerogo piigwi me, nale niyo wurik negen wurabit wage agaarik o.

Leendawi 3:51

Nagota aagalogwe komologwe eeginakerak wonogwe iinok, niniki andi lombok ee'nake agaarik o.

Yetikiyen 1:1

Tahun 29 eeppunuk, ambi eerak tut 3 penembunuk, ambi penenak tanggal 5 tut ti paga an aakumi mbo piya nagagerak ninom niyo Kebat aa'nggi paga wonogwe me, nabinggaanggo paga mbogut tu paarak kagak Ala nonggop aago wonage nogo nenegen kagagirak.

Yetikiyen 1:3

aap Mbuti aput Ala unde an Yetikiyen nogo, aap Mbaben inanggween niyo Kebat aa'nggi paga wonage me, Aliku ALA nen nabinggaanggo paga yo'nege, Aliku ALA omaawi noba pani wage, eeke kagagirak o.

Yetikiyen 3:15

it wogoren mbo piya nagagerak niyo Kebat aa'nggi paga o Ten-Abip wonogwe me nogome pani nagagerak. Pani nage mbareegi, it wonogwe me inenggela'me logonet, “Yi nonggop ee'naki,” yinuk, niniki piirik wonage neegak, nogo 7 aret yereegirak.

Ndaniyen 9:3

Kage nagagirik, mbi nengga'lek nambe mage negen logonet, nayum maluk mendek yikkolage, nenggaawak paga purok yikut eekkolage, eeppunuk, nena koonogo nogoba Ala pekkage logonet, tamban eeke, nggino yoge, eereegirak.

Lukat 19:41

Yorage nagagerik, o kota Yerutalem panggo yi wage nagagerik, enegen kage logonet, le yereegerak.

Wayu 11:3

Ndi, it aap ineebe mbere noone yorogo logowak nduk, nappiyaminggirak nogo nen aakumi iniki puru yogo logonet, inayum nibinik maluk mendek yiko mengga kwak yirik logonet, an noone yorogwe iigak, nogo seribu dua ratus enam puluh yogo logogun o,” yinuk, yo'nege kagarak.