Ndawi 136:2 - Ala Wone Peenok Peebi Mbanak

² Aakumi inayuk wukwi yi kugi ndi kugi Abok inirimbaga ti, Ala aret me, “Wa,” yogo logonip o. & Ninabuwa mbake ti, itok kunik wonage o.

Ndawi 136:2 ပူးပေါင်းရင်းမြစ်များ

2 Mbinineegwaarak 2:5

Yi kugi ndi kugi abu tebenak iigak, Aliku ninogoba Ala ti, abu nggwok ayuk warak lombok me, at awi an wuriyak ti, mondok nggwok abe lombok aret wurigin o.

Ndawi 82:1

O mbogut paga Ala awuri inom eeka nogo, Aakumi inanebunu lombok inagugi inom kuwak eeppunuk wonogwe me, Wone mbanikit nduk, Ala inenggela'me mi'nage, Inawone amburu mbanogo inowak loongge, Eerikit nduk, Yorage logonet,

Ndawi 97:7

It aap abok aret kugi inogut ogobakkigippiinok inalut eekwi, “Ninagugiwak iya o,” yinuk, tiyappiigwi, Eekwi nogo Inenggali arugun me, Kit yi kugi ndi kugi yi wae. Aliku ALA abu'me tebe yinuk alut eeko logonip o.

Wundeegwaarak 18:11

It aakumi Metit mendek iniki wogoppako logonet, aakumi Iterali eeppiigo mbareegwa, at Aliku ALA nen eeppiyareegerak ti paga, yi kugi ndi kugi inomaawi lek tebenak iigak, Aliku ALA alik mban omaawi ambik menggerak neenu agi o.”

Ndaniyen 2:47

Yorage mbareegi, at aap endagembogut nogo nen at Ndaniyen yoge logonet, “Wone nobarak yi, kin paga yo'negendak ti paga kat kogoba Ala ti, yi kugi ndi kugi tebenak iigak, at abu tiyanak lombok wonage, it aap inendagembogut inowe aret wonage, eeke logonet, wone abu nobarak mendek kin paga yorage menggerak ti abet aret kagi o,” yinuk, yoreegerak.

Pelaareegerak 10:17

Ndi, at Aliku kinogoba Ala ti, yi kugi ndi kugi at obaane'me punuk, alut eekwi nogo abok aret at abu'me iigak, at Ala alik aret irimbaga wonage o. Ndi, yi aap ndi aap yo'nggok tebenak iigak, at Aliku ALA alik tiyanak aret wonage o. At mondok tiyanak omaawi ambik mondok iya lombok me, at ambi iya, ambi meek mbake, ndi, at ambi eeppinanuwak nduk, wu wogogwi iinok wagangge, eekeelik o.

Yotuwa 22:22

“At mondok omaawi menggerak ti, at Aliku ALA alik aret o. At mondok omaawi menggerak ti, at Aliku ALA alik aret o. Nit eekoorak at Aliku ALA eenu aret me, nit Aliku ALA wone taganogo punuk, niniki worokot logonet, nineebi kinombakwi, at Aliku ALA nineebi ombakwi, eeppunuk, yi eekoorak kenok, Aliku ALA nen ninili yuurak lek kit nen ninooriyak op aret o.