Ndawi 135:7 - Ala Wone Peenok Peebi Mbanak

⁷ At piirogo menggim nen Ndugwi o nggween irip-irip nen nippit wage, Mayu wage kagak o kimbik kilanogo nappit wage, O wiya warit woraawak nduk, wumbit wage, Eeke menggerak o.

Ndawi 135:7 ပူးပေါင်းရင်းမြစ်များ

1 Endagembogut 18:1

Ti'nuk peebi logonuk negen, tahun mbere eeppunuk, ambi eerak paga Aliku ALA nen Eliya yoge, “An o yime mayu wuppi woraagin me, aap Akap keyaawak nduk, pekka nak o,” yoreegerak.

Ayup 5:10

At nen o nggween paga mayu wuppi wage, Yabu yarak paga niyo kilirogo pit nage,

Ndawi 107:25

At Aliku ALA nen oone ari kenok, O wiya nabuninuk wage logonet, Niyo kilaarak-mogonik eerogo nippit wage paga

Ndawi 148:8

O yabok inom, mayu anggen inom, Ndugu-ndugu inom, iyaagi inom, at Ala nen yokkirage kenok eeka o wiya nabuninuk naga inom,

Ndawi 78:26

Oonegen lagi wage menggim pa'nggwe mbogut paga nen Wiya nabuninuk woraawak nduk teppege, At omaawi lombok paga wiya o ame pa'nggwe nen nappi wage,

Yeremiya 10:13

At oone ngguurubu negen ari kenok, niyo mbogut paga narak wonage nogo kilak-tamok eeke, Ameraakot o ilin-unggut nen nippit wage, O yabok pindanogo nappege logonet, mayu wuppit wage, O wiya kuwak eerogo pege menggim nen nappit wage, Eeke menggerak o.

Yeremiya 14:22

It yi aakumi ndi aakumi aanom warogo ayuk wuko menggaarak inagugi nogo nen o mayu wuppi wage, Ndi, mbogut alik nen o mayu lubu-lubu wurabit wage, Eeko menggaarak mbakop? Lek aret o! Kat ninogoba Kaliku Ala kalik nen mban aret eeke menggendak o. Ti abok aret eerit nage nogo ti, kat nen aret eeke menggendak me, nit niniki kat paga lunik aret ogoorik o.

Yeremiya 51:16

At oone ngguurubu negen ari kenok, niyo mbogut paga narak wonage nogo kilak-tamok eeke, Ameraakot o ilin-unggut nen nippit wage, O yabok pindanogo nappege logonet, mayu wuppit wage, O wiya kuwak eerogo pege menggim nen nappit wage, Eeke menggerak o.

Yunut 1:4

Inom nogwe me, Aliku ALA nen o wiya nggwok wuppi wagagerak oone pu warit yiiro nogo punggagak eeke logonet, yigirik-noonom eerogo pikit nduk eeke kagak,

Takariya 10:1

O mayu nggwok woraawak nduk, Aliku ALA nen ndugwi kuwak eerogo pege, It aakumi inalitak inake mayu nggwok wogorage, Mayu wogoramenggerak paga yi mendek ndi mendek yarak nogo obeelom eerogo pege, Eeke menggerak me, Yi mendek ndi mendek agarit larit nage eyom paga mayu woraawak nduk, Aliku ALA nggino yogo logonip o.

Yaya 3:8

O wiya iniki nen aret warit nage kagak, oonebu ari mban karuk konengge kwe, alom ngga nen warit wage, nggeeme warit nage, nogo ti, kat keenggo'lek ugun kobak menggendak nogo ndak-ndak, it aakumi Aberiniki nen ndaganake nogo ti, ti pogom aret o.”