Ndawi 135:21 - Ala Wone Peenok Peebi Mbanak

²¹ It o Tiyon wonogwe nogo nen Aliku ALA tiyappugwi, At Yerutalem mondok menggerak nogo tiyappugwi, Eeko logonip o. Aliku ALA tiyappogo logowok o!

Ndawi 135:21 ပူးပေါင်းရင်းမြစ်များ

1 Mbinineegwaarak 23:25

At Ndawut nen ari logonet, “Aliku Iterali inogoba Ala nen at apuri iniki ugun tayenak logowak nduk, eerogo piige nagagerik, o Yerutalem yime mondok-mondok ari wagagerak wonage me,

2 Mbinineegwaarak 6:6

yogondak perak, nendage ki logowam kota Yerutalem aret leenogo pege, ndi, napuri Iterali inarum logowak nduk, at Ndawut aret leenogo mippege, eereegirak o, yinuk, yereegerak nogo o.

Etara 7:16

it aakumi o Mbaben mendek abok nen mbuti perak-emas kuwak eekaarak nogo wagangge, ndi, it aakumi Iterali inom, aap Ala unde inom, nen o Yerutalem inogoba Ala awi wuriyak ake iniki nen onggo lek we aret pegaarak ti kunduk wagangge, ee'nuk nak o.

Ndawi 128:5

Kit nda'nogogutak kuli yobok yi wage kagak, Aliku ALA o Tiyon logonet, Ale'nggen kinoba pinagage logowak o. O Yerutalem abu obeelom eerogo pege kinigen kogwe, Ndi, kinapuri nen ndaganabemenggaarak kinombowologwe nogo kinigen iigwi, Eerumunggup nduk, Kineenik nggorek eerogo pinagage logowak o. It Iterali iniki ugun tayenak aret logowak o.

Ndawi 134:3

O mbogut-nggween wakkagagerak Aliku ALA nen O Tiyon logonet ale'nggen kinoba pinagage logowak o.

Ndawi 48:1

Aliku ALA abuut alik leenak menggim ninogoba Ala agota paga wonage nogo, Mondok iya aret me, at tiyappogo logorak ti, op aret o.

Ndawi 48:2

Ninogoba Ala abuut ti, abu tiyarogon wonage me, Kigirikwe lombok wonage agaarik o. Abe kigirikwe lombok wonage kenok, It aakumi nggween paga abok aret puut ti nogo Iniki ale'nggen mbako menggaarak o. Puut alik leenak Tiyon o omarip paga pa'nggwe wonage nogo ti, Aap endagembogut mondok iya lombok agota aret o.

Ndawi 48:3

Aap inowe endagembogut awi o nggwok abe eegu pak enegen kunik me wurik wonage nogome Ala wonage, Kota ti, pak wurik kwak, at eebe aret wonage, Eeke agaarik o.

Ndawi 48:9

Ala wae. Kiniki kunik lombok ee'ninabit wundi wage menggendak nogo Nit kat kawi wurik me logonet, Ninikime mbininit nogo monggoorak o.

Ndawi 76:2

At awooliya wurik ti, kota Talem wonage, Ndi, at wonage menggim ti, puut Tiyon wonage, Eeke menggerak o.

Yetaya 12:6

Kit o Tiyon monggotak yi wae. At Kikak Nakeelik Alik Leenak kit Iterali kinogoba kinenggela'me wonage ti, mondok iya me, Kiniki ale'nggen nen keekok yogwe, ndawi wakwi, Eeko logonip o,” yinuk, yorogo logomunggup o.

Linggineegwaarak 23:21

At Aliku inogoba Ala nen it inenggela'me wonage, It inowe endagembogut inenggela'me wonage kenok iniki ale'nggen nen keekok yogwe, Eeko menggaarak me, At Yakup ombowologwe wiganak paga aaninggin mendek inoba age, Iterali nogo nen, Nonggop eekkolaawi, yinuk, yogwe, Eekwi iyoolik o.