Ndawi 132:9 - Ala Wone Peenok Peebi Mbanak

⁹ It kat keebe unde nogo nen Inayum abe yirik kwak abe mendek mban eerit nogwe, It kapuri kake leenak inale'nggen nen keekok yogwe, Eeko logowak o,” Yinuk, yereegerak o.

Ndawi 132:9 ပူးပေါင်းရင်းမြစ်များ

2 Mbinineegwaarak 6:41

Kaliku Ala wae. O yogondak yi paga aret mi'nage logomenggendik, O kat yonggonggolage logowam komaawi wonage kogo menggam kaloobut mbanak wonage me, Yime mondok-mondok logonok nduk, wambi mok o. Kaliku Ala wae. It aap kat keebe unde nogo inayum li'luk yikkologo mengga kwak, it aakumi inagap ndarak logowak nduk, li'luk eerogo piigwi, Kat nen kapuri kake leenak obeelom eeppiige paga inale'nggen nen keekok yogwe, Eeko logowak o,

Ayup 29:14

Obeelom eeppiinet nage nagagirak ti, nayum kwak yirikkolage, Aap inawone liirogon amburu mbangge nagagirak ti, nayum nggorek kwak, nabetagi kwak, yikkolage, Eeke nagagirak.

Ndawi 104:1

Niniki yi wae. Aliku ALA tiyappege logot o. Kaliku nogoba Ala wae. Kat mondok nggwok lombok wonage, Kat abu tiyanak kayuk warak keenok, “Wi,” kugwi nogo Kobaanggi-kobaangge li'luk eerak kwak wonage,

Ndawi 132:16

It aap an neebe unde o yime wonogwe nogo Aakumi inake eerit nugwi paga aakumi nen, “Ninagap ndarak aret kogo o,” mbaruwak nduk, Yum yippiigo mengga kwak eeppiige, O Tiyon apuri an nake leenak nogo inale'nggen nen keekok yogo logowak nduk eerogo piige,

Ndawi 149:5

Aliku ALA nen at apuri kenok Togop aret tiyappiige menggerak me, Aap at ake leenogo piyareegerak nogo inale'nggen mbakwi, It wu nogo yega'lek inale'nggen nen ndawi mban wakwi, Eeko logowak o.

Ndawi 47:1

Kit yi aakumi ndi aakumi wae. Kiniki ale'nggen nen kineenggi telak eekwi, “Ala iya o,” yinuk, kinale'nggen nen keekok yogwe, Eeko logonip o.

Ndawi 68:3

Togop aret eeko logogun kwe, It aap iniki abe koonak perak, iniki ale'nggen ogwe, Ala enggaanom paga kwirabik-kwirabok yogwe, Inale'nggen mondok alik negen nggelok ari kenok, keekok piyanggogwe, Eeko logowak o.

Ndawi 70:4

It kat mukkeren nogwe perak, inale'nggen mbakwi, Kat eeke paga inale'nggen kani kunik negen wonogwe, “Ninagap ndakerak o,” yinuk, Iniki kunik eekkologwe nogo nen, “Ala tiyanak mban logowak,” mondok-mondok yogwe, Eeko logowak o.

Ndawi 93:1

At Aliku ALA ti, endagembogut aret o. Aap inendage tiyanak inayum yikwi iinok, “Wi!” irogo mengga kwak, At endage abu tiyanak me, “Wi,” ugo menggaarak o. Aap wakaa'ngget eegin-omaale li'luk aago kwak, At omaawi togop aret wonage menggerak o. At o nggween mondok nu'lek eerogo pereegerak wonage agaarik o.

Yetaya 61:10

O Tiyon nen ari logonet, “Aap kwe lambumbugwi paga aap nen anobak paga obaanggi-obaangge eekkolage menggi kwak, Kolaga nen alilibano eekkolage menggi kwak, Yum yippiigo mengga kokwak at nogoba Ala nen nagap ndarogo panege, Yum age langgumbiigo mengga kwak, an obeelom eerit nage logokit nduk eeppanege, Eekerak me, Aliku ALA eeppanegerak ti paga nale'nggen alik negen ee'nake, Nogoba Ala nen eekerak paga niniki ale'nggen kani negen wunuk ari, Eeke agaarik o.

Yetaya 65:14

It an nayeloman mini nogo iniki ale'nggen nen ndawi wako logonet, keekok yogo logogun kwe, It perak, iniki aaninggin ndugu aago logonet, inoone nggwok paga le yogwe, iniki wakkologo logonet, leenggu maakwi, Eeko logogun o.

Tepaniya 3:14

At Aliku ALA nen aaninggin kinoba pinagarak nogo lek eerogo pege, Kinom wim mbanak nogo wogwe iinok, munogo nappiige, Eeke logomenggerik, Kit Iterali mendek kinowe endagembogut Aliku ALA kinenggela'me logonet, kinarum wonage me, “Maluk ambi eeppinani wogwe iyo, iya!” yinuk, kinagabiti mbarumunggup lek o. Togop me, o Tiyon aagalogwe kit yi wae. Ndawi wakwi, Iterali mendek kit yi wae. Ndawi lubuk yogwe, Kota Yerutalem aagalogwe kit yi wae. Kinale'nggen nen keekok piyanggogwe, Eeko logonip o.

Takariya 9:9

O Tiyon aagalogwe kit yi wae. Kinale'nggen nen lubuk yogwe. O Yerutalem aagalogwe kit yi wae. Kinale'nggen nen kina'mit piyanggogwe, Eeko logonip o. A'me nggelok eeppinagit nage, kinagap ndake, Iniki yanggonak logonet yokkirage, Eeke menggerak kinowe endagembogut nogo keledai awo ndarak amborowak paga kwi'ndak kiya wage ti, kinigen kaanip o.

Oroma 13:14

Kiniki maan mendek nen maluk eeriyak eekkinake kenok, “Niniki nengge yi, noba tayok yuwak nduk, nonggop eeri?” yinuk, koonit nugu logogup o. Ata, kineegin-kinarege li'luk aago monggotak kwak, kinowe Yetut Keritut kiniki me liinik logonet, eerit nogo logonip o.

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.

Wayu 19:8

inoone yogwe iigak, akwe nogo wage mbaki, ayum ambi abu yawenak kikak naka'lek abe laambu yanggwi negen lan aago yikkolawak nduk, wogoge kagarak. Ndi, ayum abe yawenak nogo ti, it Ala apuri ake leenak nen maluk eeka'lek obeelom mban eerit nugwi nogo kwak aret kagarak.

Owak Loongga 5:31

Togop aret me, Kaliku nogoba ALA wae. Kawim togop aret lek eerugun kwe, Oonegen komeninuk lagi wage kenok, Ia! yinuk, pi wakwi kwak, Kat kinom kiniki kunik nogo, togop aret logowak o.” Yinuk, ndawi pege nagagerik, wonogwe iigak, o nogo abolok lek wonage kagak, tahun 40 aret eereegerak o.