Ndawi 132:17 - Ala Wone Peenok Peebi Mbanak

¹⁷ O yime aap Ndawut nogo Endage nggwok wigak ari logowak nduk eerogo pege, An amburu eerogo mippereegirak ndi wuninik kwak At endage ki logowak nduk, eeppege,

Ndawi 132:17 ပူးပေါင်းရင်းမြစ်များ

1 Endagembogut 15:4

Togop aret eeke nagagerak kwe, at Ndawut eerit nage nagagerak paga, Ndawut ogoba Aliku ALA nen ndi wuninik kwak Ndawut endage o Yerutalem time ki logowak nduk, obaane'me aput wiganak mendek ambi mippege, ndi, o Yerutalem omaawi eerogo pege, eereegerak.

2 Endagembogut 8:19

At togop aret maluk eeke nagagerak kwe, Aliku ALA nen, “Ndi mondok-mondok wuninik menggi kwak, Ndawut inom, apuri-ombowologwe inom, inendage mondok-mondok ki logowak o,” yinuk, abuk nggaruk togon yoreegerak me, at ayeloman Ndawut kenok, it aakumi Yekura mendek pup eerogo piyoorak meek aret mbareegerak.

2 Mbinineegwaarak 21:7

At togop aret maluk eeke nagagerak kwe, Aliku ALA nen, “Ndi mondok-mondok wuninik menggi kwak, Ndawut inom, apuri-ombowologwe inom, inendage mondok-mondok ki logowak o,” yinuk, wone abuk nggaruk togon yoreegerak me, Ndawut paga wiganak nogo pup eerogo piyoorak meek mbareegerak.

Ndawi 148:14

Aakumi at apuri ake leenogo piyareegerak iniki kunik Iterali abok aret at endage tiyappugwi nogo, Inarum logowak nduk, pak wurik kwak, Aap ambi endage abu tiyanak lombok mippereegerak me, Aliku ALA endage tiyappogo logowak o. At Aliku ALA tiyappogo logowok o.

Ndawi 89:25

At eenggi paga yi kole yenggenak unde logowak nduk eeppege, Ndi, eenggi abe'nggan paga yi niyo ndi niyo nage nogo unde logowak nduk eeppege, Eerigin o.

Ndawi 92:10

Ndi, an perak, Lembu nggwiya eyak pilanak menggi kwak, an nomaawi togop aret eerogo panege, Amburu ngget toolak paga noba kilirogo panege, Eereegindak o.

Yetikiyen 29:21

“Ne ti eyom paga an nen it Iterali inomaawi arit nage logowak nduk, eerogo piige, ndi, kat inenggela'me nen wone yorage keenok, Abet aret yo'nirage kogo o, yinuk, konenggo logowak nduk, eerogo pagage, eerigin o. Ti eeppagage neenok, Naliku ALA an aret ineenu arugun o,” yinuk, yegerak me, an yo'nereegerak.

Lukat 1:69

Ninagap nda'ninabuwak nduk, at ayeloman Ndawut ombowologwe wiganak omaawi warak lombok ambi mippereegerak o.

1 Tamuwen 2:10

It Kaliku ALA kinom ogoorak wonogwe nogo, Yigirik-noonom eerogo piige, Ngguurubu oone eeke menggi kwak, Kaliku ALA mbogut paga koone ari, It aakumi o irip-irip abok aret inowak loongge, Eerumunggun me, At aap inowe endagembogut logowak nduk, Mippereegindak nogo omaawi wogoge, Kat leenogo punuk, amburu eeppereegindak nogo, Omaawi kaawak nduk tiyappege, Eerumunggun o,” yinuk, tamban eereegerak.