Ndawi 132:13 - Ala Wone Peenok Peebi Mbanak

¹³ Ti yoreegindak nogo ti, Kaliku ALA nen o Tiyon leenogo pege, “An o yime aret logokit o,” mba'nuk ari, Eeke logonet,

Ndawi 132:13 ပူးပေါင်းရင်းမြစ်များ

1 Endagembogut 11:13

Wogoriyak nogo ti, kaput abu'me piinok wonage menggim ti, abok aret ndinogo wogorigin lek o. Ata, nayeloman Ndawut niniki kunik eeke, ndi, o Yerutalem miirogo pake, eereegirak me, anebunu ambiriluk ambi at porogo wonage kagak, inanebunu Iterali mendek abok aret kawot ambi unde logowak nduk, wogorigin o,” yinuk, yoreegerak.

2 Mbinineegwaarak 7:16

An nendage mondok-mondok ki logowak nduk, nawi wurik yi, miike nagarik, leenogo pakirak me, nenegen wagangge logonet, niniki mondok-mondok yime aret logogin o.

Etara 1:3

at Ala o Yerutalem menggerak Iterali inogoba Aliku Ala nogo awi wuriyak nduk, aap at apuri kinenggela'me time o Yekura kota Yerutalem noorak mbake kenok, Ala imbirak aret nagin me, nawak aret o.

Ndawi 68:16

Kit puut-puut elaganggen yi wae. Ala wone lengganogo yorage logowam leenogo pake, Aliku ALA nen mondok-mondok logorak koonogo pake, Eereegerak puut ti kenok, kit nen yogo logonet, “Nit puut ti kokwak logowok lak, Ao,” yinuk, Pekkogo logonet, kineebi mbakwi ti, nonggop nduk o?

Ndawi 87:2

Aliku Ala nen it Yakup mendek wonogo menggam inikilom mbake kwe, Kota Tiyon tu unggwogo menggam perak, Iniki kundugu lombok mbake menggerak o.

Yetaya 14:32

It eeppiyamenggaarak nogo aakumi ambi nen, Pegiya nanip o, yinuk, Yoramenggaarak it yora wogwe iinok, It nen onggo ngge yoraagun? Lek o. Aliku ALA nen o Tiyon alom kwippereegerak me, nit at apuri yagan wako nogogurak nogo O time nineebe op logowok nduk, eeppinanggerak, yorogo logogun o, yinuk, ari kagarak me, yokkiragi o,” yoragagerak.

Iberani 12:22

Kit yogondak puut alik Tiyon abu'me at eenik menggerak Ala nogo agota Yerutalem mbogut paga nogome aret ka nogogutak negen aret wonogwe o. It yi malayikat ndi malayikat nineenggi lingginiyak meek mondok iya lombok kuwak eerak logonet, inale'nggen paga eekwi ineebe inom,