Ndawi 130:5 - Ala Wone Peenok Peebi Mbanak

⁵ Kaliku ALA nen an yeenggwa nenok nduk tokkeege, Niniki nen mbet-mbet eeppani woraawak lak, “Ao,” mbake, Koone yereegindak nogo niniki lunik wonage, Eeke agarik o.

Ndawi 130:5 ပူးပေါင်းရင်းမြစ်များ

Wakkagagerak 49:18

Kaliku ALA wae! Nagap ndarogo panenok nduk, tokkake agarik o!

Ndawi 119:114

Keebe ti, noba'naka nanggeemu kwak aret me, Koone yugu ndak-ndak eeppaniyak Ti mban niniki lunik minggirak o.

Ndawi 119:42

Ti ee'nabi wage keenok, Koone yugu niniki panggombunuk abet mbake me, It an meek eerogo panugwi nogo Wone onggo an op aret yoraagin o.

Ndawi 119:49

Niniki ambi lunik logokit nduk Wone koonogo pereegindak me, An kayeloman yo'nireegindak nogo aberu o.

Ndawi 119:74

Koone yugu nogo mban niniki lunik minggirak me, It aap kayuk wuka nen an eerit nage nogo Neego logomenggaarik, inale'nggen aret nombarugun o.

Ndawi 119:81

“At nen nagap ndari woraawak lak, ao,” Mbake logonet, niniki lek-lek ee'nake kwe, Kat koone yugu nogo niniki lunik mban wonage,

Ndawi 27:14

Togop aret me, Kit nogo Aliku ALA tokkogwe, Kinogogumbuk eekkologwe, Kiniki nu'lek eeppatinuk wonogwe, Eeko logomonggotik, At Aliku ALA tokkogo logonip o.

Ndawi 33:20

At Aliku ALA nen aret yeenggwa nirage, Nit ninanggeemu kwak wonage, Eeke menggerak me, Niniki at paga lunik logonet tokkogwe,

Ndawi 40:1

“At Aliku ALA nen yeenggwa niruwak o,” yinuk, Niniki yungguppunuk tokkagarak me, at ena logu yinuk pe'neege, Noone nggwok paga yogirak nogo konengge, Eekerak o.

Ndawi 62:1

Nagap ndaka ti, Ala aret me, At nen mban eeppaniyak niniki lunik logonet, Niniki ugun tayenak aret agarik o.

Ndawi 62:5

Togop aret me, niniki yi wae. Ala nen mban eeppaniyak mba'nuk lunik logonet, Oba panggombunuk, ugun tayenak logot o.

Yetaya 26:8

Kaliku ALA wae. Ninawone amburu mbani woraanok nduk, tokkeego ogoorik o. “Kat kendage kunggwi, koba abekwi, eeruwok lak, ao,” lombok mbako monggoorak.

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yetaya 8:17

At apuri Yakup paga wiganak nen enete kogwe iyo, kumaappatinuk wonage Aliku ALA nogo an tokkage, Niniki at paga panggonak wonage, Eeke agarik o.

Lukat 2:25

Aap Yerutalem mendek ambi endage Timeyon aret wonagagerak. At aap ti, iniki mondok abe koonak Ala wone liirogon aret eeke nagagerak. Eeke logonet, it aakumi Iterali mendek iniki eyak wappiya woroorak nogo tokkage nagagerak me, Aberiniki at oba wonagagerak.

Lukat 2:38

Ne ti eyom paga lombok kwe nogo wage nagagerik, “Nogoba Ala wa!” yinuk, at ambi nen aakumi Yerutalem mendek piinogo piya woroorak tokkogwe nogo, elege ndarak abok paganogo yorage nagagerak.

Iberani 6:18

At Ala nen wone ambi iniki koombunuk Abarakam abok yoge, ndi, ti'nuk ambi, pilit mbarukwak at endage inom kunogo yoge, eereegerak nogo ti, at pilit puguniyak abu meek me, wone yugu alom mbere, lek eerogo puurak lek mendek aret yoreegerak. Ti yoreegerak paga at Ala nen, “An alik eeriyak niniki koombunuk, yokkiraagin lek o,” yinuk, nit ninagap ndarak mendek, “Wo'niraagin,” yo'niragagerak niniki lunik mugurok nogo monggoorak nogo nen abet mba'nuk, mugurok nogo logowok nduk, abok yoreegerak me, nit mondok mugurok nogo logowok o.