Ndawi 130:3 - Ala Wone Peenok Peebi Mbanak

³ Kaliku ALA wae. Ninomaluk nogo kat liiru mbanogo pege logonetak en, Aap ta nen oone ambi yenetak mbakop? Lek aret kwe,

Ndawi 130:3 ပူးပေါင်းရင်းမြစ်များ

Etara 9:15

Togop lek aret kwe, kat Iterali ninogoba Kaliku ALA wae. Kat abu obeelom a'me nggelok mban eeke menggendak me, ninooka'lek ando iluk yumbunogo teppinaneegindak o yogondak wonogwe nit yi aret o. Maluk eekoorak kagak nit ambi kat kenggaanom paga ya'i mi'ndak logorak meek aret kwe, maluk ninoba lenggenak kagak mi'ndak ogoorik o,” yinuk, tamban eereegirak.

Ayup 10:14

An maluk eeke neyo kenegen wo'neren nege, Ndi, eeke neenok teppanege lek eekirak onggo ndak-ndak eeppanege, Eeke menggendak me,

Ayup 15:14

Aap kikak naka'lek abu obeelom wonogwe, It kumi nen inaagalogwe nogo, iniki abe koonak aret ndaganakwi, Eeko menggaarak mbaken?

Ayup 9:20

An aap obeelom aret kwe, Noone yikkolage ti paga nen kat aap abe lek maluk aret, yo'nege, Ndi, an maluk eeka'lek aret kwe, Wone yiminggirak ti paga nen, Kat maluk aret, yo'nege, Ee'netak o.

Ndawi 143:2

It aakumi o nggween paga wonogwe inenggela'me Aap ambiriluk ambi iniki abe koonak kat kageelik me, Kayeloman an yi, nowak looniyak mage o.

Ndawi 76:7

It aakumi abok aret kat keenok, Inamineeri ne agan nage menggerak me, Kat kanini inoba piige keegak, Aap ta nen ko wappunuk logogin mbaken? Lek aret o.

Yetaya 53:6

Nit abok aret ndomba kobak aago negen wonogo logonet, tu abe kagak alik paga nogwe, Ninalitik-ninalitak niniki koombunuk eerit nogwe, Eeko nogogurak paga Nit abok aret maluk eekwi onggo, “At nen aret mbanuwak o,” yinuk, Aliku ALA nen at oba pereegerak.

Nakum 1:6

Aliku ALA anini nen eeppiige nogo, aap ta nen ko wappunuk, logogin mbakop? At anini kani kunik negen eeke kagak, aap ta nen ogogumbuk puk arigin mbakop? Lek aret o. At anini kani kunik negen yumbunogo wuppi wage nagaarik, Enegen kagak, puut-puut yanggu-yanggu wambit wage kagagirak o.

Maleyaki 3:2

Woraagin aret me, aap mbuti at mendek mban aruwak nduk kani woraka kwak, aap yum kooka erabun omaawi ambik kwak, eerogo piyaakit nduk woraagin me, wage ti eyom paga aap ta nen ko wappunuk wonage, kin ari wage eyom ti paga aap ta nen ogogumbuk mi'ndak puk wonage, eerigin mbakop? Lek aret o.

Pelaareegerak 9:27

Kat kayeloman mini Abarakam inom, Itak inom, Yakup inom, nogo inoba kiniki aberu o. Abeppunuk, it aakumi yi, inobaabut abu maluk lombok inanobak yugum pogom wonogwe inom, it iniki worokot logonet, maluk eekwi inom, kat nen liippiyoorak ti mage o.