Ndawi 13:5 - Ala Wone Peenok Peebi Mbanak

⁵ Kat nen mbo panegeelik kiniki kunik ee'nabit wundi wage paga Niniki panggombunuk wonage, Nagap ndareegindak me, niniki ale'nggen mbake, Eeke agarik o.

Ndawi 13:5 ပူးပေါင်းရင်းမြစ်များ

Ndawi 119:81

“At nen nagap ndari woraawak lak, ao,” Mbake logonet, niniki lek-lek ee'nake kwe, Kat koone yugu nogo niniki lunik mban wonage,

Ndawi 147:11

It aap at inagabiti ombakwi kenok perak, Aliku ALA nen inikilom mbake, Iniki kunik eeginabit wundi wage nogo Yi aap ndi aap iniki ti paga lunik wonogwe iinok, Ale'nggen inombake, Eeke menggerak o.

Ndawi 25:2

Nogoba Ala wae. Niniki kat koba panggombunuk wonage, Eeke agarik o. An nenggali eerogo panugwi, Nawim nen an tebenogo paninuk kunu waganggwi, Eekwi iyo, non mbanogo piyet o.

Ndawi 32:10

It aap maluk eeko menggaarak nogo ti, Andi-pandi inoba ari wagak mban eeke menggerak kwe, Aliku ALA oba panggombunuk wonogwe iinok perak, At nen iniki kunik aganabit nage menggerak o.

Ndawi 33:18

Togop aret kwe, It aap Aliku ALA inagabiti mbakwi nogo Iniki kunik mban eeginake menggerak me, “Nit kunduk iniki kunik ee'nabigin o,” yinuk, Iniki at paga lunik wonogwe ti, It kanggwi iyo, inagap ndake, Mbi noogelo wonogwe kwe, Ineebe op logowak nduk eeppiige, Eerikit nduk, Aliku ALA nen enegen wogonake menggerak o.

Ndawi 36:7

Aakumi kiniki kunik eeginake menggendak nogo ti, Abu iya lombok wonage me, Inendage warak inom, warak lek inom, abok aret Towe aagalogwe a'naabit abu'me piinok menggi kwak, Ineebe op logowok nduk, Kat kabu'me unggunuk wonogo menggaarak o.

Ndawi 38:17

Niyogobit lik togon yigeebu wambuurak ee'nake, Niniki andi negen ee'nake nogo Lek aga'lek kundugu tit wonage, Eeke agarik o.

Ndawi 51:12

Nagap ndarogo paneegindak paga Nale'nggen mbake lek agaarak nogo obaane'me eeppanege, Kat eeriyak mbake nogo Niniki nen, Eerikit, mba'nuk, eerit nage logokit nduk, eeppanege, Eeru o.

Ndawi 52:8

Togop yugun kwe, an perak, Eyo tayitun mili kwit agan lagangge menggi kwak Ala awi wurik me logonet, togop aret agarik o. Ala iniki kunik ee'nabit wundi wage menggerak nogo paga Niniki mondok-mondok panggonak aret logogin o.

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Abakuk 3:18

An perak, Aliku ALA paga nale'nggen nggwok mbake, Nagap ndaka nogoba Ala aret me, nale'nggen nen ndawi lubuk ari, Eeke logogin o.

Lukat 1:47

Nagap ndaka Ala nen eeppanegerak kenok, ninikime ale'nggen ambik kage agarik o.

Lukat 2:20

Ndi, it aap ndomba ndegeninaka nogo iniyok paga nogo logonet, malayikat nen it yorogogwaarak nogo ndak-ndak aret inaruk konenggwi, inigen kogwe, eereegwaarak me, Ala endage alut eerogo wogoppit nogogwaarak.

1 Tamuwen 2:1

Eeko nogogwaarik, kwe Kana nogo tamban eeke logonet, “Kaliku ALA nen eeppanegendak paga Niniki ale'nggen ambik mbake agarik o. Kaliku ALA nen yeenggwa nege keegak, An nomaawi tiyak yigi o. Ninom ogoorak tebenogo piinok, Nagap ndareegindak me, Nale'nggen nen wogoppake agarik o.