Ndawi 13:2 - Ala Wone Peenok Peebi Mbanak

² “Nonggop eeri?” yinuk, koonit mban unggwage, Ko'lu-kii'me niniki puru aago wonage, Eeke neegak, Ne mande ari nage, Ndi, ninom wim mbanak nen tebenogo panugwi iigak, Ne mande age, Eerigin o?

Ndawi 13:2 ပူးပေါင်းရင်းမြစ်များ

Nekemiya 2:2

at nen an yo'nege logonet, “Keebe andi lek kwe, nonggop nduk, kenete ogum eeppunuk agandik? Kat abet aret kiniki puru aago keegi o.” Yo'nege mbareegi, an nagabiti ambik mbareegirak.

Etet 7:6

Yoge mbareegi, at Etet nogo nen, “Eebi lombok ninomba'nuk, maluk eeppinaniyak eeke nogo ti, aap maluk abe iyagalo Kaman yi aret o!” Yoge mbareegi, at Kaman nogo ogut nggigik ari nagagerik, aap endagembogut Akatiwerot kwe nggwok Etet imbirak enegen laganogo pegiige mbareegi,

Ayup 10:15

An maluk eerigin kenok, nabuwa o! Ndi, eeka'lek obeelom aret wonage neenok perak, Nenggaawak pilarogon nege logorak op kwe, Neebe maluk agaarak paga nenggali mbakak nagin me, Nenggaawak pila yuurak meek ee'nabigin o.

Ndawi 116:3

Kanggwi ageele yerek-perek eerogo panege, Kambunuk nogo menggam nogwe iinok, Inagabolo ne agan nage nogo an noba ari wage, Eekerak o. Aaninggin noba age, niniki puru aago wonage, Eekerak paga Niniki lek-lek ee'nake mbaki,

Ndawi 31:18

It aap ti, iniki wogoppakwi, Aap abe kagak, “Abe lek o,” yinuk, meek eerogo piigwi, Eerit nugu logonet, We ugun pilit-pilit agan nugwi nogo inoone lek eerogo piyet o.

Ndawi 38:17

Niyogobit lik togon yigeebu wambuurak ee'nake, Niniki andi negen ee'nake nogo Lek aga'lek kundugu tit wonage, Eeke agarik o.

Ndawi 42:4

Aa'nduk lombok aakumi ambik inale'nggen paga Ala awi wurik me kuwak eeri nogwe me, An naa'nduk a'nuk ninom nage logonet, Ninale'nggen paga keekok yogwe, “Wa!” yogo logonet ndawi wakwi, Eeko nogogurak nogo Abeppunuk niniki abu puru agan nage agaarik o.

Ndawi 6:4

Kaliku ALA wae. It aakumi kambeegwaarak nen koba aberak wonogwe, Kambunuk nogo menggam wonogwe me nen kalut eekwi, Eekulik me, Nabuwa nen kiniki kunik ee'nabit wage menggendak me, Kole mbaganikit nduk eeppanege, nagap ndake, Eeru o.

Ndawi 7:2

Eeke lek keenok, singa nibininake menggi kwak eeppanugwi, Ndi, it ambi nen nili yogwe lek kenok, nibik-nobak eerogo panugwi, Eerugun o.

Ndawi 74:10

Togop aret me, Ala wae. Kat kawim nen meek eerogo pagit unggwogwe, Kinom ogoorak nen kendage miyuk-meya eerogo pagagwi, Eekwi iigak Ne mande ari nagin o?

Ndawi 74:18

Togop me, Kaliku ALA wae. It kinom wim mbanak nen meek eerogo pagagwi nogo maloppiige, It aakumi iniki kobak nogo nen Inanini kombakwi nogo liippiige, Eeru o.

Ndawi 8:2

Elege awo ngget ndarak inom, Elege awo inelak nunggwi inom, Nen kendage tiyappagagwi paga It tebenogo pagarak kinom wim mbanak inom, Iniki mabin lumbunuk wonogwe inom, Inoone lek aruwak nduk koonogo piige, Eereegindak o.

Ndawi 9:6

Ninom wim mbanak maluk inoba ariyak koonak nogo Muk aret inoba agaarak me, mondok aret logogin o. It wonogo menggam kota-kota abok aret Eyo omanggen negen kinogo piigendak me, Inoba kunduk, aberak logogun mondok lek o.

Kini Wuppiige 15:13

Aap iniki ale'nggen wonage paga etenggen eya eerak wonage menggerak kwe, Iniki andi wonage paga perak, lambi-lambe aago menggerak o.

Wone Alom Kibingga 5:17

Inale'nggen lek yumaak aago logonet, iniki piirik wonogwe, andi-pandi kogwe, inanini mban mbakwi, Eerit wogwe iigak, It nda'nogogwaarak ne nogo lek aret ari nage menggerak.

Yeremiya 15:18

An andi-pandi mban eerogo panugwi yi, lek aga'lek kunik aret wonage, Ndi, nawin mondok kunuk nenet unggwage nogo, Obeelom aga'lek kundugu tit wonage, Eeke ti nonggop nduk o? Niyo nage menggerak kwe, poronak wonage, Yi eneeri wungge menggerak kwe, wungga'lek wonage, Eeke menggi kwak Kat ti kwak me, eeppanega'lek agandik ya?”

Yeremiya 45:3

Kat nen ari logonet, An niniki wakko'net unggwage neegak, Aliku ALA nen, Abunuk iniki wakkolaawak, nomba'nuk, aaninggin ambinom noba panege paga, niniki aaninggin nen koonit nage logonet, nomaawi lek age, niniki tayok ari lek piirik mban wonage, eeke me nabuwa o, yinuk, yagandak o.

Yeremiya 8:18

An niniki abu puru aago wonage, Neebe andi negen ee'nabit unggwage, eeke me, Obeelom ee'naburak meek aret o.

Leendawi 1:5

At inom ogoorak nogo ogobamini negen agaarak wonogwe me, iniki ale'nggen mbako agaarik o. At maluk eerit nage nagagerak paga Aliku ALA nen iniki wakkolaawak nduk, eerogo pereegerak o. At inom ogoorak nen aagalogwe keele maarogo inaa'nduk piinok, wogoren o nda time mbo piya nogogwaarak wonogo agaarik o.

Leendawi 1:9

Omaluk nogo ayum irip paga lenggenak wonage, “Peebi ndogop eeppaniyak,” iniki liippega'lek wonage, Eereegerak me, At tebenogo pereegwaarak nogo ti, mondok iya aret o! It ambi nen iniki eyak wappega'lek aret wonogogwaarak me, “Kaliku ALA wae. Nawim ineegin tiyak yegerak paga eerogo panugwi yi, kenegen pe'neyet o,” yinuk, yoge agaarik o.

Leendawi 5:20

Kat nonggop nduk kobak eerogo pinanege, Nonggop nduk o maan togon mbo pinanege, Eereegindak o?

Matiyut 26:38

Age nagagerik, “Wologwe wae. An niniki puru ari logonet, kambuurak ee'nake me, kit yime logonet, tum wakwi, ndi, an togon tum wakkola nage, eeruwok o.”

Lukat 22:53

Ko'lu-kii'me Ala awi wurik me ninom neegak, pi'nabulik kwe, at o yumaak unde menggerak nogo kinom ee'naburak eyom yogondak yi aret me, ee'nip o,” yinuk, yoragagerak.

Yaya 16:6

An wone ti yokkiragarak nogo paga kiniki abu puru yogo ogotik kwe,

Pilipi 2:27

At andi kambuurak abet aret eereegerak kwe, Ala abuwa mbake logonet, obeelom eeppereegerak. At mban abuwa mbareegerak lek o. At andi eereegerak nogo paga an togon niniki ambinom aaninggin logonet, wakko'net unggwage logokwak, niniki teeluk logokit nduk, obeelom eeppereegerak.

1 Tamuwen 18:29

at Tawun nogo Ndawut paga abunuk agabiti mbake logonet, imbirak ogoorak mban kagak, kambuurak kuli aret ari nagagerak.