Ndawi 13:1 - Ala Wone Peenok Peebi Mbanak

¹ Kaliku ALA wae. An neebe komari eerogo mbo paninuk keegak, mondok-mondok logomunggun ilik? An keege neyo, kenete kumaappatinuk wonage keegak, Ne mande age,

Ndawi 13:1 ပူးပေါင်းရင်းမြစ်များ

Ayup 13:24

Alom nano paga kenete kumaakkolage, Ndi, Kat nawim o, yinuk, yo'nege, Eeke agandik?

Ndawi 10:12

Togop eeko menggaarak me, Kaliku ALA wae. Pilak yu o. It aakumi inagap ndakkoloorak meek mendek yi, Kobak eerogo mbo piyoorak mage o. Ala wae. Kat yeenggwaaret o.

Ndawi 35:17

Kaliku ALA wae. Kenegen neegendak kwe, Puk mban keegak, ne mande arigin o. It aap an maluk eerogo panugwi yi, It ineenggime nen nagap ndake, Singa kwak ineyak nggerembaninuk wonogwe me, Inambeme nen ndinogo wo'nake, Eeru o.

Ndawi 44:24

Nit aaninggin-paaninggin ninoba age, Aakumi tebenogo pinanugwi, Eekwi iigak, Kat nonggop nduk mari eerogo pinanege, Kenggaawak kumaappatinuk wonage, Eeke agandik?

Ndawi 6:3

Kaliku ALA wae. Niniki wakko'net unggwage tit neegak, Ne mande ari namenggi o?

Ndawi 74:1

Ala wae. Kat nonggop nduk mondok-mondok mbo pinanege, Kandomba kwak ndegenninake menggendak nit aret niigak, Nonggop nduk kanini ninoba pinanegak mban eeke, Eeke agandik?

Ndawi 80:4

Komaawi Lombok Menggendak Kaliku ALA wae. Nit kapuri tamban eekwi niinok, Ka'luk lagangge menggi kwak, Kanini aagi wungge keegak, ne mande ari nagin o?

Ndawi 85:5

Kanini mondok-mondok ninoba pinanege, Ninapuri nda'narit wundi woraagun nogo Kanini inoba piinet nage, Eeke logorak op a?

Ndawi 89:46

Kaliku ALA wae. Kat kumaarak mban wonage keegak, ne mande ari nagin o? Kanini kani kunik negen eerogo pinanege keegak, Ne mande arigin o?

Ndawi 90:14

Nit nda'nogogum eyom ari naga'lek kagak Niniki ale'nggen yogwe, ndawi lubuk yogwe, Eeko logowok nduk, Ninabuwa nen kiniki kunik ee'ninake nogo paga ko'lu-kii'me kubondendok ndonggok togon eeppinanegak mban eeke logot o.

Yetaya 59:2

Kinogoba Ala kinom ogoorogo pinagaga ti, kinomaluk aret. Ndi, kit nen Ala yogwi nogo at aruk konenggeelik ena nomonak menggerak alom ti, kinomaluk eerit nogwe ti paga aret o.

Leendawi 5:20

Kat nonggop nduk kobak eerogo pinanege, Nonggop nduk o maan togon mbo pinanege, Eereegindak o?

Pelaareegerak 31:17

Togop eekwi iinok ti, an nanini kani kunik negen inobaga kwippiige, eraanggi mbo piinok mbagangge, nambot iige, eeke neenok, ineebe lek ogwe, aaninggin-paaninggin inoba kwi'nage, inawi maluk age, eeke kenok, it nen yogo logonet, At ninogoba Ala ninom lek me, aaninggin-paaninggin ninoba age yi nogo lek a? yinuk, iniki aberemenggaarak kwe,