Ndawi 127:2 - Ala Wone Peenok Peebi Mbanak

² It aap Aliku ALA iniki kunik eeginake nogo, Nogo yugwi iigak, inambi wogorage menggerak me, Kit kinambi noorak kwaakkologo logonet, O kuubondendok kineenik a'nuk, Yabu ta'liila eekwi tit kiigak, O kiip age kenok, kiname nogo yi unggwogwe ti, We aanom warogo aret eeko monggotak o.

Ndawi 127:2 ပူးပေါင်းရင်းမြစ်များ

Ayup 11:18

Kiniki mondok lunik ambi wonage me, Kiniki ugun tayenak eerogo pagage, At Ala karum wonage me, Kiniki ugun yonggonggolaanok nduk, eeppagage,

Ndawi 3:5

An nogo yikit nduk winnage, ti'nuk, neenik age, Eeke neegak, Kaliku ALA nen niniki eyak wappanege menggendak o.

Ndawi 4:8

Togop aret me, Kaliku ALA wae. Niniki ugun tayenak logokit nduk, Kat nen mban eeppanege menggendak me, Niniki ugun aret winna'nuk nogo yege logogin o.

Ndawi 60:5

Nit aap kiniki kunik ee'ninake menggendak nogo Ninagap ndarak logowok nduk, “Yeenggwa niret,” yokkugwi yi, karuk konembunuk, Kat keenggi abe'nggan paga ninagap ndaru o.

Kini Wuppiige 10:22

Aliku ALA ale'nggen inoba piige paga it aakumi ineenggi warak ogo menggaarak o. Ndi, eeppiige logonet, aaninggin-paaninggin kaawak nduk, inom eeppiigeelik o.

Wone Alom Kibingga 1:14

It aakumi oonegen abu'me menggaarak nen yi mendek ndi mendek eekwi abok aret nenegen liippereegirak me, ti abok aret ti, o wiya mugurok nogwe kwe, pigoorak meek kwak we aanom warogo mban eekwi iyareegirak.

Wone Alom Kibingga 4:8

Aap ambi aput wulaga inom, awot wulaga inom, wonogwe lek iigak, alik mban wonage logonet, Amendek wonage nogo, “Abu aret wonage,” yinuk, kuli pega'lek yabu nggwiirit-nggwaarit eerit nage nagaatik, iniki mbake logonet, “An aap ta ake nggwiirit-nggwaarit eerit nage, Ndi, nonggop nduk nale'nggen lek kagak eerit nage, Eeke agarik o?” yereegerak. Ti eereegerak ti kunduk, aaninggin eerogo patiyak kagak aanom warogo eerit nage kagagirak.

Wone Alom Kibingga 5:12

Aap yabu eeka nen ambi mbuuluk nenok a, nggwok nenok a, iniki teberogon nogo yege menggerak kwe, Aap eenggi warak nogo perak, amendek ambik wonage ti paga iniki koonit nage menggerak me, nogo teberogon yegeelik iniki woonik mban menggerak.

Wone Alom Kibingga 6:7

Aakumi ligak wuundamo eekwi ti, inaanogum ake aret eekwi kwe, nonggo nagaatik, ina'me wakeelik namen-namen mban aganake menggerak.

Yeremiya 31:26

Ti ari mbaki, neenik age nagarik, “Nogo aberogon yigirak kagi,” mbakirak.

Yetikiyen 34:25

It nandomba ti, ninom lambunik logorak wone ninom koonogo pigin o. Ndi, o karume time iniki ugun tayenak wonogwe, eyonggaame ugun nogo yit nugwi, eeko logowak nduk, an nen mba'ngge inanini warak nogo, o nggween ti paga nen inenggaawak lek eerogo piyaagin o.