Ndawi 126:3 - Ala Wone Peenok Peebi Mbanak

³ Ti yogo nogogwaarak ti, Abet aret Aliku ALA nen mondok iya lombok eeppinaneegerak kenok, Ninale'nggen mban yogo ogoorik.

Ndawi 126:3 ပူးပေါင်းရင်းမြစ်များ

Ndawi 18:50

Nendagembogut mippaneegindak nogo Neegin tiyak yuwak nduk eeppanege, Amburu eerogo mippaneegindak nogo An Ndawut inom, napuri-nombowologwe inom, Ninabuwa nen eeppinanit wundi wage tit logomunggun o.

Ndawi 31:19

Kat mondok obeelom logonet, It aap kayuk wukwi inake pipuk eerogo piige, Aakumi inigen iigak, Ineebe op logowok nduk kowagam nogwe nogo eeppiige, Eeke menggendak nogo ti, Mondok iya nggwok lombok eeppiige menggendak o.

Ndawi 68:22

Nogoba Ala nen ari logonet, “It kinawim inamiya paga kiniyok kookkologwe kiigak, Kinanggeewo nen inamili penak nunggo logowak nduk, An kinawim o Mbatiyan nen iniyokan wogoren wage, Yi nggwok laut kiiniki paga nen Iniyokan wogoren lagi wage, Eerigin,” yereegerak o.

Yetaya 25:9

Ne ti eyom paga it aakumi nen yogo logonet, “Eeppinanege yi ti, ninogoba Ala nen aret o. Ninagap ndaruwak nduk, tokkogo nogoorak nogo at aret. At tokkogo nogoorak nogo Aliku ALA yi aret me, ninale'nggen mbakwi, Ninagap ndakerak me, ninale'nggen nen ndawi lubuk yogwe, Eeko logowok o,” yinuk, yugun o.

Yetaya 66:14

Ti eekkinake nogo kogo logomonggotik, kiniki ale'nggen nggwok lombok mbakwi, Iri'ngga awo lagangge logonet, mondok kwit agan lagangge menggi kwak kit kineebe togop aret ogwe, Eerumunggup o. At Aliku ALA eenggi omaawi ayeloman mini kaawak nduk, eeppiige logogin kwe, At inom ogoorak nogo perak, anini inoba kwippiige logogin o.

Yowen 2:20

It wim eeka ambik aago o omarip paga pa'nggwe nen woramenggaarak nogo ti, kit wonogwe me nen wumbiinok, Pelek iranet o karume eerilek paga nda time piya nage logonet, Inaa'nduk nogwe nogo ti, niyo yenggenak laut oonegen lagi wage menggim pa'nggwe wonage me nogome nappiige, Ndi, inambokan age wobok nogwe nogo ti, niyo yenggenak laut oonegen kilu yi nage menggim pa'nggwe wonage me nogome nappiige, Eerigin o. Eeke neenok, Ineebe kambit namenggaarak nogo pili ogwe, inobari ndi wuke, Eerigin o, yinuk, yegerak me, yokkiragi o. At Aliku ALA nen abet aret mondok iya tit eereegerak me,

Yowen 2:21

Kat nggween yi wae. Kagabiti mbariyak ti mage o. Ata, kale'nggen mbake, ndawi lubuk ari, eeke logot o. Aliku ALA nen abet aret mondok iya tit eereegerak o!

Lukat 1:46

Yoge mbareegi, at kwe Mariya nogo nen ari logonet, “An niniki paga nogoba Ala tiyappege agarik o.

Lukat 1:49

At Omaawi Lombok Menggerak nogo nen iya tit eeppaneegerak o. At endage mondok abe alik leenak aret menggerak.

Wayu 12:10

Mbelenogo wuppiya wogo mbaka, oone nggwok ambi mbogut paga nen ari logonet, “At Ala enggaanom paga ninoreewi Ala apuri ko'lu-kii'me pilit wone inoba piige menggerak nogo, muk wuppi wagaarak me, At Ala omaawi paga Tile tebenogo punuk, apuri inagap ndake, Ninogoba Ala nen it yi aakumi ndi aakumi abok at abu'me piige, Ndi, Kinowe endagembogut yi aret o, yinuk, leenogo pereegerak Keritut nogo, oone mban konenggwi, Eeke logorak eyom ari waga o.