Ndawi 125:5 - Ala Wone Peenok Peebi Mbanak

⁵ Ndi, it aap obeelom eekwi nogo mbo punuk, Nomo agan tu alik paga nogwe iinok perak, Aap maluk eeka inenggaawak lek eerogo piige logonet, It inom aret lek eerogo piige, Eeke logot o. It aakumi Iterali iniki ugun tayenak aret logowak o.

Ndawi 125:5 ပူးပေါင်းရင်းမြစ်များ

2 Tamuwen 22:22

Nogoba Ala mbo punuk maluk eerit naga'lek Aliku ALA eerit nage mban mugurok nage,

Ayup 23:11

At iyok pit nage me, an niyok time aret pit nage, Nena agi-ogu agak eeka'lek tu at nage menggim mban nage,

Ndawi 101:3

An neegak maluk eeriyak ti, “Mage o,” yorage, Eeke logogin o. It aap an noone liippuurak ineebi mbakwi nen Eerit nugwi nogo an neebi inombake, It an ninom kunik logorak lek aret inombake, Eeke logogin o.

Ndawi 40:4

Aap ambi it aap, “Nit iya,” mbakwi nogo paga iniki panggombege, Aakumi inoone pilit agan nugwi nogo paga iniki panggombege, Eekeelik Aliku ALA oba panggombege kenok, At ale'nggen aret mbake logogin o.

Ndawi 92:10

Ndi, an perak, Lembu nggwiya eyak pilanak menggi kwak, an nomaawi togop aret eerogo panege, Amburu ngget toolak paga noba kilirogo panege, Eereegindak o.

Ndawi 92:7

Iri'ngga awi mbilangge menggi kwak, Aap maluk mendek nogo togop aret awi mbilanit nugwi, It maluk eeko menggaarak abok nen Maluk wone mban wiganit nugwi, Eeko menggaarak kwe, Ineebe lek eerogo piyamenggerak mondok aret logogin o.

Ndawi 92:8

Kaliku ALA wae. Kat perak, Mondok-mondok tiyanak lombok menggendak o.

Ndawi 94:4

Iniki wogoppako logonet, “Nit mban iya o,” yinuk, agan nugwi, It maluk eeka ti, “Nit eekwi mban iya,” yogwe,

Kini Wuppiige 14:14

It wone yugu mbo pega nen anggen maluk mendek aret mbanggologwe, Ndi, it aap abe mendek nen anggen abe mendek aret mbanggologwe, Eeko menggaarak.

Kini Wuppiige 21:16

Aap ambi nen it ineenu logonet eeko menggaarak inaru nogo mbo punuk nomo agan Aakumi kambunuk nogo menggam kuwak eerak wonogwe me, nggelok yi nage menggerak.

Yetaya 54:10

O puut-puut na'ndo-wa'ndo eeke, Puut-puut teberogon wonage nogo ya langgok eeke, Eeke logonet kwe, Niniki kunik eeppegak mban eeke nogo perak, lek arigin lek kundugu aret wonage, At nimbirak lambunik logorak wone koonogo pereegirak nogo, mbeyok yaga'lek mondok aret wonage, Eeke logogin o,” Yinuk, at kabuwa mbake menggerak Aliku ALA nen aret yegerak me yokkigi o.

Yetaya 54:13

Aagalogwe wologwe abok ti, Naliku ALA an aret mamunirage logogin. Inambi-inambiingga abe mendek mban nunggo logonet, iniki ugun tayenak aret logogun o.

Yetaya 59:8

Aakumi iniki ugun tayenak logowak nduk eeppiinet nugu logorak wone liippugwi, Eeppiinet nogo logonet, eekaatak ndak-ndak eeppiinet nogwe, Eeka'lek Maluk eerit nugwi paga kinaru nomok-komok eerogo pit nogotak me, Aakumi tu ti paga wogwe iinok, iniki ugun tayenak logogun lek aret o.

Yeremiya 2:19

It maluk eekwi nen aret maluk eeginake, It an noone ineebi mbakwi nen aret ineebe andi-pandi eerogo piige, Eerigin o. Togop me, it nen, Ninogoba Aliku Ala mbo pugwi, At ayuk wukwi, eeka'lek niinok, Abu maluk aret eekwi, niniki andi eekkoloorak mendek eekwi, eeko ogoorik kogo o, yinuk, Ineenu ogwe, iniki liippugwi, eeko logowak o,” yinuk, at ninogoba Omaawi Lombok Menggerak Aliku ALA nen yegerak me, yokkiragi o.

Yetikiyen 37:26

It wone ambi inoba aga'lek iniki ugun tayenak logowak nduk, it ninom wone abuk nggaruk togon koonogo pigin o. Ninom wone abuk nggaruk togon koonogo pigin nogo ti, lek arigin lek mondok-mondok logowak nduk, koonogo pigin o. An nale'nggen inoba piige, ineebe ambik eerogo piige, nalut eeko menggam alik leenak it inenggela'me mondok-mondok logowak nduk, inake koonogo pege, eerigin o.

Oteya 2:18

Ne ti eyom paga ndiimbu-nggwiya o karume nugu menggaarak inom, Yi towe ndi towe wiga agan nugu menggaarak inom, Yi mendek ndi mendek inaanogum nggween mbaanggagak nugu menggaarak inom, nen At ineyak mbanggwi iyo, it ninom wone mbanigin o. Yigin inom, wooluwak inom, wim eekak inom, o time nen abok aret lek eerogo pigin me, It abok aret iniki ugun tayenak logonet nogo yogo logogun o.

Matiyut 7:23

Yo'niremenggaarak kwe, an nen it yorage logonet, Kit maluk eeko monggotak yi, an mondok neenggo'lek me, an wonage me nen mbaganinip o, yinuk, yoraagin o,” yoragagerak.

Lukat 11:25

unggwi wage nagaatik, wundi nagagim nogome liirubu koorak ndigik-ndegek aago kenok,

Yaya 14:27

Kiniki piirik logonet, kinagabiti yugup o. Kiniki ugun tayenak logobagip nduk, eeppinaganuk nage agarik o. It aakumi o nggween paga yime menggaarak nen inoreewi inogut limbiigo mengga kwak, an togop eeppinagage lek o. Ata, an niniki ugun tayenak minggirak nogo aret eeppinagage agarik o.

Nggalatiya 6:16

It wone ti paga panggombunuk, eerit nugwi nogo inom, ndi, Iterali mendek kwe, it abet mbakwi paga Ala apuri ogwe nogo inom, yi aakumi ndi aakumi abok aret Ala nen inabuwa mbake logonet, inomaluk mbo nappunuk iniki ugun tayenak ale'nggen logowak nduk, eeppiige logogin o.

1 Peterut 1:2

At Yetut Keritut yereegerak wone nogo woppunuk ndak-ndak eekwi kiinok, at amiya paga kookkinake logowak nduk, at ninogoba Ala nen peebi eeko logorak abok aret koonogo pege menggerak me, maan kooneegerak nogo ndak-ndak, Aberiniki nen eeppinagage kagak kit at apuri kikak naka'lek ake leenak logobagip nduk, miikkinabeegerak me, at Ala iniki kunik nen wokkirage, kiniki ugun tayenak ale'nggen logobagip nduk eeppinagage, eeke nogo, ambinom eeppinagagak mban eeke logowak o.