Ndawi 125:2 - Ala Wone Peenok Peebi Mbanak

² Puut-puut nen o kota Yerutalem yengget-wangget eeppunuk wonage menggi kwak, At Aliku ALA o yogondak nen nok, peebi Mondok-mondok apuri wanggeppiinok wonage logogin o.

Ndawi 125:2 ပူးပေါင်းရင်းမြစ်များ

2 Endagembogut 6:17

Yoge nagagerik, Elita tamban eeke logonet, “Kaliku nogoba ALA o. At enegen kaawak nduk, enegen tobo eerogo pu o.” Yoge mbareegi, at Aliku ALA nen ayeloman nogo enegen tobo eeppereegerak paga puut paga time kuda inom, nggweendo kani kunik negen inom, at Elita wonage me, enaagan-ambokan wanggeppunuk wonogwe iyareegerak.

Ndawi 121:8

Wundi nogwe, unggwi wogwe, eekwi kiigak, Aliku ALA nen o yogondak nen nok, Peebi kuli mondok-mondok kinarum aret wonage, Eeke logogin o.

Ndawi 34:7

It Aliku ALA inagabiti mbako menggaarak ti, Aliku ALA ayonggo malayikat nen Awooliya yendok-wandok wuppiinok, inarum wonage, It inagap ndake, Eeke menggerak o.

Yetaya 4:5

Ti eeppiige logomenggerik, Aliku ALA nen o puut Tiyon inom, aakumi abok o puut Tiyon paga kuwak eeremenggaarak nogo inom, liingge ndugwi eya paga nobarinake, ndi, oonikiya ndi wunanogo piige, eerigin me, it inirimbaga eya aago kagak ineebe obeelom aret logogun o.

Leendawi 4:12

Aap inendagembogut o nggween paga wonogwe inom, aakumi yi awi ndi awi wonogwe abok aret inom, nen “It o Tiyon inom wim mbanak kunduk, inom ogoorak kunduk, o Yerutalem tu unggwogo menggam ungguurak abu meek,” Mbako nogogwaarak kwe, kagak aret unggwogogwaarak o.

Takariya 2:5

We tene aret wonage me, yagat yendok-wandok wurik kani wunuk ari menggi kwak ti, an neebe aret wonage, ndi, akem time eya eerak kenok, aakumi nen, Wi! ugwi ti, an neebe aret wonage, eeke logogin, Aliku ALA nen yegerak o, yinuk, wulaga tawe ti, mbe agan yori nak o,” yinuk, at yoge kagarak.

Pelaareegerak 33:27

At itok menggerak Ala nen abu'me pinagage, At eenggi omaawi ambik itok menggerak paga nen pikkiren nage, Eeke logonet, At aa'nduk a'nuk kinawim mendek mugogo wumbiige, At nen, Inoo'nip o, yinuk, yokkirage, Eeke logogin o.