Ndawi 125:1 - Ala Wone Peenok Peebi Mbanak

¹ It aap Aliku ALA oba panggombunuk wonogwe nogo ti, Puut Tiyon nu'lek mondok-mondok menggi kwak Wonogo menggaarak o.

Ndawi 125:1 ပူးပေါင်းရင်းမြစ်များ

1 Mbinineegwaarak 5:20

Eeko logonet, “Yeenggwa niret o,” yinuk, inoone nggwok paga Ala yogo mbareegwa, iniki Ala oba panggombunuk, tamban eereegwaarak nogo, at Ala nen aruk konembunuk, yeenggwaarage logonet, it Kagari mendek inom ogogwaarak nogo abok aret ineenggime piige mbareegi,

2 Mbinineegwaarak 20:20

Ti'nuk, ko'lu kuubondendok it aakumi karume Tekowa nawok nduk, eeko mbareegwa, at Yotapat nen mi'na'nuk, wone yorage logonet, “Kit aakumi Yekura mendek inom, Yerutalem mendek inom, an wone yokkirage me, kinaruk logonip o. At Aliku kinogoba Ala kiniki oba panggombugwi kiinok, kiniki nu'lek eerogo pinagage, ndi, it aap Ala nen yorage kagak yoraga nen wone yokkirogo nogogwaarak nogo abet aret mbakwi kiinok, eeriyak mbakotak nogo a'me nggelok ari, eeke kaamunggup o,” yinuk, yoragagerak.

Ndawi 120:1

An aaninggin noba age kenok, Noone nggwok paga Aliku ALA yoge neenok, At nen yeenggwa nege menggerak o.

Ndawi 121:1

Yeenggwa niri woroorak nduk Puut-puut nena ni'nage agarik o. Ngga nen an yeenggwa niri woraagin mbakop? Lek o!

Ndawi 122:1

It aakumi nen an yo'nogo logonet, “Nit Aliku ALA awi wurik me lagi nawok o,” Yo'nogo mbaka, nale'nggen alik negen ee'nakerak o.

Ndawi 123:1

Kat wone lengganogo yorage menggenom Mbogut paga menggendak nogo An nenegen nikkeya wage agarik o.

Ndawi 124:1

It aap ninoori wogwe, Inanini kani kunik negen ninoba pinaniyak eekwi, Eekwi iinok, “Aliku ALA ti, ninom wonage lek,” yogwe, It Iterali abok aret nen togop aret, “Aliku ALA ti, ninom wonage lek,” yogwe, Ee'netak en, Ninawim nen nineenik ngge-ngge inambeme yonggo'ninakwi,

Ndawi 147:11

It aap at inagabiti ombakwi kenok perak, Aliku ALA nen inikilom mbake, Iniki kunik eeginabit wundi wage nogo Yi aap ndi aap iniki ti paga lunik wonogwe iinok, Ale'nggen inombake, Eeke menggerak o.

Ndawi 20:8

It ti, inengga wandinik ninabu'me tebenak wonogwe kwe, Nit perak, ninengga pilanak mondok mi'ndak nu'lek wonogo ogoorik o.

Ndawi 25:2

Nogoba Ala wae. Niniki kat koba panggombunuk wonage, Eeke agarik o. An nenggali eerogo panugwi, Nawim nen an tebenogo paninuk kunu waganggwi, Eekwi iyo, non mbanogo piyet o.

Ndawi 25:8

Kaliku ALA kiniki obeelom koonak mban wonage me, It maluk eeko menggaarak nogo Tu abe paga nawak nduk, titik irage menggendak.

Ndawi 27:1

At Aliku ALA ti, Eya eerogo panega, nagap ndaka, At aret wonage me, Aap ta paga nagabiti mbake, Neenik logokit nduk, nomaawi eeppanega ti, Aliku ALA aret me, Ta paga naganak wake, Eeriyak mbakop? Lek aret o.

Ndawi 34:22

At Aliku ALA nen, At ayeloman mini nogo wondet eerogo piige, Ndi, ineebe op logowok nduk abu'me ari unggwogwe nogo Aaninggin inoba kwippiiga'lek teppiige, Eeke menggerak o.

Ndawi 46:5

At Ala o kota time aret menggerak me, Kota ti, pup eerogo pugun lek o. O weerikit nduk eeke kagak, maluk eeppi wogwe iyo, Ala nen o ti, ili eeppunuk logogin o.

Ndawi 46:6

Yi aakumi ndi aakumi abok aret Inagabiti nen noone-koone agan nogwe, Aap inendagembogut inabu'me piinok menggam iniki a'nggan wo'nogwe, Eerugun o. Ndi, Ala oone nggwok ari kenok, O nggween yi, yigirik-noonom nagin o.

Ndawi 62:2

Nayugum nu'lek menggi kwak inom, nagap ndaka inom, pak wurik kwak inom, Ti, Ala mban aret me, Niniki mondok kwi'ndak nu'lek aret agarik o.

Ndawi 62:3

Aap ambi oba kwi'narumonggotak mugurok nugwi kiigak, Ne mande ari nagin o? An neebe yi, O kobat langgo agan nage kwak, Yugum yagat langgu-langgu wangge menggi kwak, Wonage neegak, Kit abok nen an lek eerogo paniyak eekwi kiigi o.

Ndawi 62:6

Nayugum nu'lek menggi kwak inom, Nagap ndaka inom, pak wurik kwak inom, Ti, Ala mban aret me, Niniki mondok kwi'ndak nu'lek aret agarik o.

Ndawi 62:7

At Ala nen mban nagap ndake, At nen mban nendage tiyappanege, Eeke menggerak o. Nayugum omaawi mendek nu'lek menggi kwak, Neebe op logorak abu'me ari unggwaga kwak, ti Ala aret.

Kini Wuppiige 10:25

O wiya warit wage nagaatik, nage kagak, aap maluk eeka ineebe lek aret iigo menggaarak kwe, It aap iniki abe koonak nogo perak, mondok nu'lek wonogwe iigo menggaarak.

Yetaya 12:6

Kit o Tiyon monggotak yi wae. At Kikak Nakeelik Alik Leenak kit Iterali kinogoba kinenggela'me wonage ti, mondok iya me, Kiniki ale'nggen nen keekok yogwe, ndawi wakwi, Eeko logonip o,” yinuk, yorogo logomunggup o.

Yetaya 14:32

It eeppiyamenggaarak nogo aakumi ambi nen, Pegiya nanip o, yinuk, Yoramenggaarak it yora wogwe iinok, It nen onggo ngge yoraagun? Lek o. Aliku ALA nen o Tiyon alom kwippereegerak me, nit at apuri yagan wako nogogurak nogo O time nineebe op logowok nduk, eeppinanggerak, yorogo logogun o, yinuk, ari kagarak me, yokkiragi o,” yoragagerak.

Yetaya 26:3

Aap ambi Aliku ALA oba panggonak wonage kenok, iniki nu'lek wonage nogo, Iniki ugun mondok tayenak logowak nduk, Aliku ALA nen eeppege menggerak o.

Yetaya 26:4

At Aliku ALA, nit ninogoba Ala nogo ti, Yugum Nu'lek mondok itok menggi kwak aret me, Kiniki at paga mondok-mondok panggonak logonip o.

Yetaya 51:11

Kaliku ALA nen aakumi wondet eerogo piyareegindak mendek nogo iniyokan wogwe, O Tiyon unggwogo logonet, ndawi warit unggwogwe, Inale'nggen mondok kogo logorak mendek nen inete i'ndok nggi agan unggwogwe, Inale'nggen nggelok ari logonet, keekok agan unggwogwe, Eerugun me, Iniki puru ari, iniki aaninggin ndugu aago wonogwe, Eeko nagaarak nogo Lek aret arigin o.

Yetaya 51:16

O nggween alom kwippege, mbogut mbiganogo pege, Eeke nagagirik, Kit an napuri aret o, yinuk, It o Tiyon wonogwe yorage minggirak nogo ti, an aret o. Noone yorage logonok nduk, kinikime mambege, Ngguna'me mengga kwak neenggi tabak paga nobappaganuk wonage, Eereegirak o,” yinuk, yegerak o.

Yetaya 51:8

Kutaabak nen yum nibinogo pege menggi kwak it aap ti togop aret eerogo piigwi, Yininuwo nen ndomba agabolo mbelanak leenogo nenet nage menggi kwak it ti, ineebe togop aret eerogo piigwi, Eerugun kwe, An aakumi obeelom eerogo piige neenok, mondok obeelom aago aret wonogwe, Ndi, inagap ndake neenok, inagap ndarak iigak, inapuri-inombowologwe wiganit wundi nogwe, Eeko logogun o,” yinuk, yorage kagarak o.

Yetaya 52:1

O Tiyon yi wae. Pilak yu o. Pilak yu o! Yum yiko mengga kwak komaawi eekkolage, O kota abe alik leenak Yerutalem yi wae. Kayum abe yirik keenok, “Wi,” kugwi nogo aret yikkolage, Eeke logot o. It aap inagabolo mbanak lek maluk inoba lenggenak wonogwe nogo nen kinikime ambinom unggwi woraagun lek aret o.

Obaya 1:21

It Etawu mendek menggam puut nggelok-nggobok me wonogwe nogo, Inabu'me piinok wone lengganogo yorogo logowok nduk, Inagap ndaka puut Tiyon paga lagi nagun o. Ndi, lagi nanuk, it wone lengganogo yorogwe iigak, inarum logonet, Inowe endagembogut ti, Aliku ALA aret logogin o.

Mika 4:2

Aakumi inanebunu lombok apit aret wogo logomenggaarik, yogo logonet, “Eeko logorak wone yugu nogo o Tiyon nen wundi wage, Aliku ALA ari menggerak nogo o Yerutalem nen wundi wage, Eeke me, Aliku ALA eerit nage menggerak nogo, nit ndak-ndak eerit nogo logorak mamunninake logowak nduk, Nit Aliku ALA abuut paga lagi nogwe, Yakup ogoba Ala awi wurik me unggwi nogwe, Eeriyak me, lagi nawok o,” yinuk, yogo logogun o.

Takariya 1:14

Kage mbaki, at malayikat an yo'nege nogo nen ari logonet, “Wone yorage logorak nogo yi aret o. At Omaawi Lombok Menggerak Aliku ALA nen ari logonet, O Yerutalem inom, puut Tiyon inom, niniki kundugu lombok eeke logonet, obeelom eerogo pigin kwe,

Takariya 1:17

Ndi, ambi yoroorak nogo yi aret. At Omaawi Lombok Menggerak Aliku ALA nen ari logonet, An nawi kota-kota paga yi mendek ndi mendek ambik abe mban kalo logonak ngginu-ngginu wangge kagak, Naliku ALA nen it Tiyon mendek iniki eyak wappiige, ndi, an name o Yerutalem logokit nduk unde eekkolage, eerigin, yegerak, yoret o,” yinuk, yo'nege kagarak.

Wayu 14:1

Yo'nege kage nagarik, wonage me, it aap ineebe apit seratus empat puluh empat ribu nogo Ndomba Aagaluk endage inom, at ogoba endage inom, inalitak lombok inenggaawak paga liiru mbanak Ndomba Aagaluk nogo inom puut Tiyon nogo paga mi'ndak wonogwe nenegen nagiigirak.