Ndawi 124:7 - Ala Wone Peenok Peebi Mbanak

⁷ Towe keele pugu paga nggerenggetak kwe, perak togon mbagangge menggi kwak, Nit togop aret nggerenninakaarak kwe, Peranogo piinok, mbaganggoorak o.

Ndawi 124:7 ပူးပေါင်းရင်းမြစ်များ

2 Tamuwen 17:2

Yo'nege keenok, an nawuri ninom nen Ndawut kwaappunuk, mugurok nappegak-wappegak eerit nogwe niinok, ogowa lek aremenggerak enegen keme ari wonage me, ogut nak-nak pippunuk, endagembogut Ndawut mban wakwi niigak, at inom nugwi nogo abok aret inalitak mbaganit nagun o.

Ndawi 129:4

At Aliku ALA nen a'me nggelok eeke menggerak me, It aap maluk mendek nen keele maarogo paneegwaarak kwe, Inageele nogo mbanogo punuk, wondet eerogo paneegerak o,” yinuk, yogo logowak o.

Ndawi 25:15

Keele pugu kwak niyok yilinogo panugwi iinok, Kat Kaliku ALA nen mban Piinogo panege menggendak me, Kat nengga loolo paganuk agarik o.

Ndawi 91:3

Towe nggerok yuwak nduk keele pugume kat kenggaanok nggerok ari, Kugilengga iyak wuremenggerak paga keebe kangge, Eeke keyo, At abet aret kagap ndake,

Kini Wuppiige 6:5

Nggwiya pigaganggaatak ineenggime nen perak togon mbagangge, Towe pigaganggaatak ineenggime nen perak togon wungge, Eeke menggi kwak Wone ti paga yilinik logukwak perak togon wungge logot o.

Yeremiya 18:22

It aap ti, an pi'nabuwok nduk labu kabunogo panugwi, Niyok yilunnabuwok nduk, keele pit nugwi, Eekaarak me, Inawi oonda mbanogo inooruwak nduk yonggo nappiyamenggendak wa'nuk yirik-wurik inoba kwi'nogwe iinok, Iname nen inoone ya-kwa yogwe konenuwak nduk eeppiyet o.

Yeremiya 5:26

It an napuri inenggela'me time aap maluk eeka mendek wonogwe me, Keele pugume towe ineenik ngge-ngge yiluninake menggi kwak aakumi yilunogo piigwi, Pagi wariyak ta'na pogo mengga kwak aakumi maluk eeppiigwi, Eeruwok nduk, Toriigo menggaarak.

2 Timotiyut 2:26

Ala nen togop eeppiige kenok, Ibilit mbake menggerak eeko logowak nduk, keele maarogo piyareegerak kagak, iniki warak a'nuk, keele nogo piinggo'nok wundi wogo logogun o.

1 Tamuwen 23:28

Yoge mbareegi, at Tawun nen Ndawut mugurok nege nagagerak nogo mbo punuk, it aap Pilitin mendek inom wim namburuwok nduk, wagagerak me, ti eereegerak paga puut ti endage, Kole Mbaganggo Menggam o, yinuk, yogo nogogwaarak.

1 Tamuwen 25:29

Aap ambi nen kat kooriyak nduk, mukkeren woramenggerak kwe, aap ambi amendek nggerenogo kumaappatinuk menggi kwak, yi aap ndi aap iigak, at Aliku kogoba Ala nen togop aret kumaappaganuk wonage, ndi, aap ambi yugum keele paga nabembunuk, namburogo nappege menggi kwak, kawim togop aret mugogo nappiige, eeke logogin o.