Ndawi 122:4 - Ala Wone Peenok Peebi Mbanak

⁴ Aliku ALA nen wone lengganogo Iterali yoragagerak ndak-ndak At endage kunogo, “Wa,” yori wogo logowak nduk, Aliku ALA apuri inanebunu mendek Iterali inanebunu lombok nogo, Kota kat kowagam lagi wogo menggaarak o.

Ndawi 122:4 ပူးပေါင်းရင်းမြစ်များ

Ndawi 100:4

At Ala awi owa'nagat wurik Tu unggwi wogo menggam unggwi wogo logonet, Ndawi paga, “Wa!” yogwi, Oore'nggam unggwi wogo logonet, endage tiyappugwi, Eeko logonip o. At Aliku ALA ti, obeelom aret o. Ninabuwa nen iniki kunik ee'ninabit nage nogo ti, Lek ageelik mondok eeppinanege, Aa'nduk nda'narit wundi wogwe, Peebi nda'narit wundi nogwe, Eekwi niigak, At liirogon eeppinanege menggerak me, At, “Wa,” yogwi, endage tiyappugwi, Eeko logonip o.

Ndawi 118:19

At Aliku ALA owagam nogwe, It aap iniki abe koonak kenok, at owagam nogwe, Eekwi nogo Unggwogo menggam tu yi aret me, An Ala awi wurik me unggwi nage, Aliku ALA, “Wa,” yori unggwage, Eerikit nen, It aakumi iniki abe koonak unggwogo menggam tu ti, Paarogo paninip o.

Ndawi 132:13

Ti yoreegindak nogo ti, Kaliku ALA nen o Tiyon leenogo pege, “An o yime aret logokit o,” mba'nuk ari, Eeke logonet,

Ndawi 78:68

Eeke logonet kwe, Anebunu Yekura mendek perak, miikkolage, Puut Tiyon iniki kunik eereegerak nogo leenogo pake,

Ndawi 81:6

At nen ari logonet, “Aaninggin kinuumbaga wonage nogo an muk wagangge, Muun yarak kineenggime nen woppunuk, Kinuumbaga piyanggo monggotak nogo an mbo pege,

Wundeegwaarak 16:34

Aliku ALA nen Muta yoreegerak nogo ndak-ndak at Karun nen yonggologo punuk, waganogo Ala aloobut mbanuwam enaame time liirogon logowak nduk, pereegwaarak.

Wundeegwaarak 23:17

Tahun ambit eerak ne kenagan paga it aap mban abok aret Naliku Nitok Minggirak kinogoba ALA an nowagam wogo logowak o.

Wundeegwaarak 32:15

Ndi, at Muta nogo puut Tinayi paga wonage kagak, Ala nen wone, Yogop ee'nu ndogop ee'nu, lengganogo yugum tabak mbere paga abeenok-abeenok liiru mbanogo wogoreegerak nogo Muta eenggime wonok Yotuwa waganggak puut paga nen iyokan wambi wage logonet,

Pelaareegerak 12:11

at ake kani kuniyak mendek inom, warogo wogoriyak mendek inom, kinamendek ambi 10 wonage kenok, ambi yendenogo Ala ake puurak mendek inom, Ala wa, yinuk, wogoriyak nogo mendek inom, kinamendek abe, Kat Ala kake pi o, yinuk, kumbuk mbanogo puurak inom, wonok at Aliku kinogoba Ala nen, An wonage me yime nen mban nendage tiyappogo logowak o, yinuk, leenogo patemenggim nogome mban pi nogo logomunggup o.

Pelaareegerak 12:5

Ata, at Aliku kinogoba Ala nen kit aakumi Iterali kinanebunu abok aret kinenggela'me kinanggween ambi, An wonage me yime nen mban nendage tiyappogo logowak o, yinuk, leenogo patemenggerak kineenu a'nuk, ambit me time mban nogo logonet,

Pelaareegerak 16:16

Kit Iterali kinenggela'me aap mban abok aret tahun ambit eerak ne kenagan, ambi laago Oroti Piika'lek kagak lakwi paga inom, ambi laago Anggen Mbanak Kuwak Eekwi paga inom, ambi laago Ooliya Wureegwaarak aberogo lakwi inom, at Aliku kinogoba Ala leenogo pemenggim enggaanom paga woraawak o. Ndi, wogo logonet, ineenggime lek we wogo logorak mage o.