Ndawi 121:5 - Ala Wone Peenok Peebi Mbanak

⁵ At Aliku ALA nen kinarum wonage, Eyo abu'me ngguna'me mengga kwak, Aliku ALA togop aret eeppinagage, Eeke me,

Ndawi 121:5 ပူးပေါင်းရင်းမြစ်များ

Ndawi 16:8

Kaliku ALA mondok-mondok Nenggaawak paga punuk nege minggirak. Kat Ala an nimbirak wonage menggendak me, An mondok nu'lek aret minggirak o.

Ndawi 91:1

Aap ambi eebe op logokit nduk, at Tiyanak Lombok abu'me wonage kenok, At Omaawi Lombok Menggerak angguna'me logogin o.

Wundeegwaarak 13:21

Wogwe iigak, at Aliku ALA nogo aa'nduk a'nuk, o liingge kenok, ndugwi paga mugurok wogo logowak nduk mippege, o kiip age kenok, ndi eya paga wogo logowak nduk, ndi wuninogo mippege, eereegerak paga aakumi Iterali nogo liingge-oonikiya aret wogo nogogwaarak.

Yetaya 25:4

Aakumi it nen eekkoloorak meek mendek nogo ineebe op logowak nduk, inarum wonage, It aap ineenggi lek mendek nen, “Nonggop eeruwi?” yinuk, lin wakwi nogo kat nen ndegeninake, Eekendak o. It aap iniki worokot linik inanini ti, O mayu woroorak eeke logonet, wiya omaawi wake menggi kwak, O karume mo tele-tele ari menggi kwak, Togop aret menggaarak me, O mayu nen inooke kero, ooliya wurik kwak eerogo piige, Mo andi inooke kero, ngguna'me eerogo piige, Eekendak o. It aap inambik inoone ya-kwa agan nugwi nogo inoone lek eerogo piige, Mo andi keket ari me, ndugwi lamunogo pege menggi kwak, It iniki worokot linik logonet, inale'nggen nen ndawi warit nugwi nogo inoone mbanogo piige, Eeke menggendak o.

Yetaya 32:2

O wiya warit wage kagak yugum nen mulumbiinok menggi kwak, O wiya nabuninuk wage kagak, ineebe op logowam nobappiinok menggi kwak, O karume niyo eneeri ambik wundit wage menggi kwak, Karu kole nonggolak me mo andi nen yugum kole abu'me ari unggwogo mengga kwak, It aap ti, inalitak lombok togop aret eeppiinok logogun o.

Matiyut 23:37

Wone ambinom yorage logonet, “Kat kota Yerutalem ao! Kota Yerutalem ao! Kat nen it Ala yorage kagak yokkiraga nogo inooke, it aap Ala nen yonggo nappiya wage kenok, yugum paga toguurit-tagaarit eerogo inooke, eeke menggendak me, ao. An ta, towe ayam iyagalo nen oo'nuwe a'naabit abu'me tebembiirogo menggi kwak, kaagalogwe kuwak eeppiyaakit lak ao, mbakitak kwe, Neebi, ari menggendak nogo o.