Ndawi 121:4 - Ala Wone Peenok Peebi Mbanak

⁴ At Iterali inarum menggerak nogo, Nogo lomok ari, nogo yege, eeka'lek kinarum wonage, Eeke menggerak o.

Ndawi 121:4 ပူးပေါင်းရင်းမြစ်များ

1 Endagembogut 18:27

Wone onggo yoraga'lek mban kagak o liingge ari wage mbareegi, at Eliya nen it meek eerogo piige logonet yorage, “At Mba'an ti, kinogoba nogo lek a? At awo iniki koongge, iniki taganak eerit nage, o ambime nage, nogo yege me, eenik eeppuurak nduk, tokkiige, eeke kero, kinoone omaawi togon wii'nip o.”

Ndawi 127:1

Aliku ALA nen o wuriyak mbaka'lek kagak, It aap o wuka nen o wukwi nogo Aanom warogo wuko menggaarak o. Aliku ALA nen o kota arum wonageelik kenok, It aap o arum waka nogo, We aanom warogo aret tum menggaarak o.

Ndawi 27:1

At Aliku ALA ti, Eya eerogo panega, nagap ndaka, At aret wonage me, Aap ta paga nagabiti mbake, Neenik logokit nduk, nomaawi eeppanega ti, Aliku ALA aret me, Ta paga naganak wake, Eeriyak mbakop? Lek aret o.

Wone Alom Kibingga 8:16

Iniki warak alom neenu age, ndi, aakumi o nggween paga yime o liingge oonikiya wu nogo yega'lek eerit mban nogo menggaarak nogo maloppiige, eerikit nduk, liippit unggwage nagagirik,

Yetaya 27:3

Anggur anggen abe mendek yaremenggerak nogo ti, Naliku ALA an aret unde wake, Kulinik-kalinik niyo kilirogo pit nage, Aap ambi nen maluk eeppege kero, ko'lu-kii'me arum wonage, Eeke logogin o.

Wayu 7:15

Wone lengganogo yorage menggim Ala enggaanom time logonet, Ko'lu-kii'me Ala awi wurik me ake eekwi iigak, At wone lengganogo yorage menggim eyo ndoonak paga kwi'ndak wonage ninogoba Ala nogo nen maluk inoba age kero, abu'me piirogo wonage agaarik o.