Ndawi 120:4 - Ala Wone Peenok Peebi Mbanak

⁴ It aap wim wakaa'ngget nen Inomaale andiigwi paga kinookwi, Ndoolu kani kunik paga kinoba kwippinagi wogwe, Eeruwak nduk Yoraagin mbako logonip o.

Ndawi 120:4 ပူးပေါင်းရင်းမြစ်များ

Ndawi 45:5

Kendagembogut komaale engget nggabenak paga Kinom wim mbanak iniki polok togon inooke keenok, Yi aakumi ndi aakumi abok aret Kabu'me kaganak paga pirik-perek yi wogo logogun o.

Ndawi 52:5

Togop eerit nege menggendak me, Ala nen kat mondok lek eerogo pagage, Kawooliyana nen pippaganuk, nigogo wumbagage, Eyo alom kinogo nappogo mengga kwak, O nggween paga aakumi wonogwe inenggela'me nen Kat togop aret eerogo pagage, Eerigin mbake logot o!

Ndawi 57:4

Aakumi nen an nooruwok nduk eekwi ti, Singa aakumi nibininaburak kwak wonogwe, Ineyak ti, maale-wooluwak kwak wonogwe, Inamili ti, paloowi engget ambik kwak wonogwe, Eerak logonet, An wanggeppaninuk wonogo agaarik o.

Ndawi 59:7

It nen yogo logonet, “Nit yogwe yi, ta nen koneniyak? Lek me,” yinuk, Wone ugun-ugun kilirogo pit nugwi, Wooluwak paga inooko mengga kwak, Inoone paga nen inoorit nugwi, Eekwi yi, iyet o.

Ndawi 7:13

Aakumi inoorikit nduk awooluwak koonogo pege, Awim kani eyak paga nggeenogo pege, Eekerak o.

Kini Wuppiige 11:12

Aap iniki awo kole aga'lek nogo nen inoreewi meek eerogo piinet nugu menggaarak kwe, Aap iniki koleewak kenok perak, inoone yuurak aganake kenok, tebenogo pogo menggaarak.

Kini Wuppiige 11:18

It aap maluk mendek eerit nogwe onggo kologwe ti, lek ariyak mendek kologo menggaarak kwe, It aap awi yumbunit nogo mengga kwak, obeelom mban eerit nogwe onggo ti perak, mondok logorak mendek aret kologo menggaarak.

Kini Wuppiige 11:9

It Ala ineebi mbaka inoone paga it inom menggaarak ineebe nggelenogo piigo menggaarak kwe, It aap iniki abe koonak nogo perak, wone liippugwi paga inagap ndakkologo menggaarak.

Kini Wuppiige 12:22

Inoone pilit agan nugwi ti, Aliku ALA eebi lombok inombake menggerak kwe, Inoone abet mban agan nugwi iinok perak, inikilom inombake menggerak.

Kini Wuppiige 16:27

Aap maluk mendek nen ore ambi maluk eeppikit nduk wakkenet unggwage, Kani omoonuk nen nenet nage menggi kwak, at oone togop aret agan nage, Eeke menggerak.

Kini Wuppiige 18:21

Inoone agan nugwi ti nen aakumi ineenik eerogo piige, inoorogo piige, eeke menggerak me, It aap inoone agan nugwi inikilom mbakwi ti, irip paga inoone yemenggaarak onggo ndak-ndak aret kologo logogun o.

Kini Wuppiige 18:8

Aap ambe irip paga wonok nege ti, ombat tele kwak aret wonage me, Aap ambi wone ti konengge kenok, inikime mondok ya'nari wangge menggerak.

Kini Wuppiige 19:5

Aap ambi eeke enegen kegetak kwe, piliret, “Eeke koolik o,” ari nogo ti, onggo oba arigin lek ti lek, oba aret age, Ndi, aap ambi oone pilit mban pugunit nege kenok kunduk, onggo eeppigin lek lek, aret eeppege, Eerigin o.

Kini Wuppiige 19:9

Aap ambi eeke enegen kegetak kwe, piliret, “Eeke koolik o,” ari nogo ti, onggo oba arigin lek ti lek, oba aret age, Ndi, aap ambi oone pilit mban pugunit nege kenok, at eebe aret lek eerogo pake, Eeko menggaarak.

Yeremiya 9:7

Togop me, at Omaawi Lombok Menggerak Aliku ALA nen yegerak nogo yi aret. “An napuri ti, maluk mban eerit nogwe paga an nonggop eeri? Mili leennaruwak nduk, mbuti worako mengga kwak, napuri ti, togop aret eeginake, inabut mbangge, Eerogo piyaakit mbake agarik o.

Wayu 21:8

it Ala wone mugurok noorak inagabiti mbaka inom, abet mbariyak ineebi mbaka inom, maluk peyak wurik kagak ugun eerit nega inom, aakumi inooka inom, kumi ugun wurinaka inom, magagirak iyagalo inom, kugiwak amili kungga inom, pilit pugungga inom, it abok aret it logowam pipuk eerogo pereegim kani omoonuk wunuk mban ari menggim nogome mbo nappiyaagin o. Aa'nduk ineenik logonuk, kambemenggaarak kwe, kani omoonu'me nappiyoorak nogo ti, peebi ne ambi kanggwi nogo kokwak aret o,” yinuk, yo'nege kagarak.