Ndawi 12:6 - Ala Wone Peenok Peebi Mbanak

⁶ Nggween nggabok worako menggam Mbuti perak leennaruwak nduk, ne 7 worappunuk, Abu obeelom age kogo mengga kwak, Kaliku ALA koone ari menggendak nogo Mbeyok ariilik, a'me lik togon aret age menggerak o

Ndawi 12:6 ပူးပေါင်းရင်းမြစ်များ

2 Tamuwen 22:31

Kat nogoba Ala perak, Eerit nage menggendak nogo ti, abu abe mban aret o. Kaliku ALA koone ti, Pilit lek abet mban ari menggendak o. Ineebe op logorak kabu'me wonogwe iinok, Keebe nggeemu kwak nobappiirogo menggendak o.

Ayup 28:1

Mbuti perak nogo ti, nggween kabunogo waganggo menggam wonage, Mbuti emas nogo woraako menggam wonage, Eeke menggerak o.

Ndawi 119:140

Wone koonogo pereegindak nogo, “Abet aret ilik?” yinuk, wakkagak eeke, An kayeloman nen koone ti, niniki kunik eeke, Eeke minggirak o.

Ndawi 18:30

Kat nogoba Ala perak, Eerit nage menggendak nogo ti, abu abe mban aret o. Kaliku ALA koone ti, Pilit lek abet mban ari menggendak o. Ineebe op logorak kabu'me wonogwe iinok, Keebe nggeemu kwak nobappiirogo menggendak o.

Ndawi 19:8

Kaliku ALA nen eeko logorak wone yo'nirage nogo ti, A'me nggelok mban age menggerak me, Aakumi inale'nggen mbaruwak nduk eeppiige, Kaliku ALA kawone, “Yogop ee'nu ndogop ee'nu,” yugu nogo Tabarak lek kin paga wonage me, Aakumi iniki eya eerogo piige, Eeke menggerak o.

Ndawi 66:10

Ala wae. Kat nen ninabut mbanogo pinanege, Mbuti perak abinak aruwak nduk, Kani worako mengga kwak eerogo pinanege,

Ndawi 76:10

Kat kanini aakumi inoba piige nogo, Aakumi inigen kenok, kendage tiyappugwi iigak, Kanini ando nogo ti, kagabee'le kwak yikkolage menggendak o.

Ndawi 9:13

Ndi, Kaliku ALA wae. It an ineebi nombakwi nogo nen Andi-pandi eerogo panugwi yi, iyet o. An o Tiyon Aagalukwe kota tu unggwogo menggam logonet, Kat eeke kabok paganogo yorage, Nagap ndaremenggendak paga nale'nggen mbake, Eerikit nduk, Kambunuk tu unggwi nogo menggam pani wanggwi me, Nabuwa mbake, waganogo nippani wage, Eeru o.

Wundeegwaarak 3:7

Nobakkolage mbareegi, at Aliku ALA nen at yoge logonet, “An napuri o Metit wonogwe nogo it aap Metit mendek nen inayeloman eeppiinok, aaninggin-paaninggin inoba piigwi iinok, yagan wako logonet, inoone nggwok paga nggino yo'nugwi nogo, muk naruk konenggirak me, Yeenggwaaraakit, mbake agarik o.

Wundeegwaarak 3:8

Yeenggwaarage logonet, an napuri nogo aakumi Metit mendek ineenggime nen ndininabunuk, wogoren it aakumi Kanan mendek inom, Ket mendek inom, Amori mendek inom, Perit mendek inom, Kewi mendek inom, Yebut mendek inom, inanggween nggwok mili obeelom lombok yilak amburu inom, nggiin amburu inom, niyo eneeri negen kila-kila wungge menggim time piya naakit nduk wagi o.

Wundeegwaarak 6:1

Yoge nagagerik, Ala nen Muta ambinom yoge logonet, “Naliku ALA an aret o.

Kini Wuppiige 30:5

Ala yegetak ambiriluk ambi alik ageelik a'me aret age menggerak. It at abu'me ari unggwogwe iinok, inanggeemu kwak mulunogo piige menggerak.

Yetaya 14:22

At Omaawi Lombok Menggerak Aliku ALA nen ari logonet, “An mi'nage logominggirik, o Mbaben endage lek eerogo pege logonet, It aakumi eegu yumbunik inom, Inombowologwe inom, it inapuri inom, Mondok inenggaawak lek eerogo piige,

Yetaya 33:10

At Aliku ALA nen ari logonet, “Yogondak aret an pilak ari, Yogondak aret an abu tiyanak neyaawak nduk mi'nage, Yogondak aret nomaawi ambik neyaawak nduk nu'lek mi'nage, Eerigin o.