Ndawi 12:3 - Ala Wone Peenok Peebi Mbanak

^3-4 “Nit ninoone agan nugwi mban abe o. Ninogoba nen, Ndogop yuurak mage o, yinuk, yo'niroorak ambi lek me, Yuurak mbakoorak mban agan nugu logogun o,” Yinuk, iniki wogoppatit nugwi, Inoone amburu ndik-ndik agan nugwi. Eekwi nogo Kaliku ALA nen inale'lok nggaruk togon nappiyet o.

Ndawi 12:3 ပူးပေါင်းရင်းမြစ်များ

Ndawi 116:11

“Nonggop eeri?” mbake logonet, “It aakumi abok ti, pilit pugungga aret o,” ari, Eekirak o.

Ndawi 140:12

It aap tebenak wonogwe nogo, At Aliku ALA nen inaana'le mbangge, Aap ineenggi lek nogo inawone liirogon mbangge, Eeke menggerak ti, neenu aret o.

Ndawi 17:10

Inabuwa mbaka'lek it inake mban koonggo'net nugwi, Wogoppako logonet, wone agan nugwi, Eeko menggaarak.

Ndawi 55:22

Aap iniki abe koonak iniki lek-lek aruwak nduk, Aliku ALA nen mbo piigeelik me, “Nonggop ee'ninabigin o?” yinuk, Kiniki piirik wonogwe nogo Abok aret waganogo at mban wogo'nuk logonip o. Togop eekwi kiinok, Aliku ALA nen unde wokkinake logogin o.

Wundeegwaarak 15:9

It aap ninawim nen yogo logonet, Muguren nogo logomonggoorik, pippiinok, Ninobaloowi nggiginogo nineenggi paga woppunuk inookwi, Inamendek ndinogo tumbukkologwe, Eeko logomonggoorik, Ninanini nen eeppiyoorak mbakwi nogo tayok yigin o.

Kini Wuppiige 18:21

Inoone agan nugwi ti nen aakumi ineenik eerogo piige, inoorogo piige, eeke menggerak me, It aap inoone agan nugwi inikilom mbakwi ti, irip paga inoone yemenggaarak onggo ndak-ndak aret kologo logogun o.

Kini Wuppiige 26:24

Aap aakumi maluk eeppiiga nen abet ari mbaruwak nduk oone abe agan nege menggerak kwe, Inikime perak, aakumi inambokan laganiyak mban kumaarak wonage menggerak.

Yetaya 10:10

O Yerutalem inom, Tamariya inom, inagugiwak ambik kwak lek it aap inendagembogut inabu'me piinok menggam inagugi ogut aago ambik lombok wonage nogo, An neenggi omaawi paga tebenogo piige nagagirak me,

Yetaya 59:4

Inowak loonggo logonet, “Eekerak ndak-ndak aret owak loonuwok o,” yinuk, yogwe, “Alom eekerak yi aret o,” yinuk, owak loonggwi, Eeka'lek ugun-ugun eeko ogotik o. Maluk eerulik kagak, “Abet aret eekerak o,” yinuk, pilit pugunogo yogwe, Kwe elege logombunuk ndake menggi kwak, kinoone paga aganggen kereembu eerogo owak loonggo logonet, irip paga maluk aret ndakwi, Eeko monggotak.

Yeremiya 12:6

Koreewi inom, kowe-kawot lombok inom, nen maluk eeppagarak koonggo logonet kwe, inoone yanggok-yanggok yokkugwi, Pikkabuwok nduk yonggo piinok, inoone yina-yina yokkugwi, Eekwi me, Inoone amburu ndik-ndik yokkugwi iinok, Yi abet aret yo'nogo agaarik o, yinuk, koneniyak mage,” yegerak o.

Yeremiya 9:8

It inamili ti, wim komenggabili kwak wonage me, pilit mban agan nugu menggaarak. Inambe paga nen, Nimbirak niniki ambit o, agan nugu menggaarak kwe, inikime perak, Pagi wariyak ta'na pugu kwak, inoreewi maluk eeppiyoorak koonogo pogo menggaarak.

Yetikiyen 28:2

“Aakumi nen ndarak yi wae. At Aliku Itok Menggerak ALA yegerak nogo yi o, yinuk, aap endagembogut Tirut mendek yoriyak nogo yi aret. At iniki tiyappake logonet, An ti, Ala kwak aret o. An nen niyo laut oolome Ala kwak logonet, wone lengganogo yorage minggim kwi'ndak wonage, ari menggerak o. An niniki warak at Ala kwak wonage, mbake menggerak kwe, at nogo ti, an Ala kwak lek aakumi aret kagak ari menggerak o.

Yetikiyen 28:9

Ti eerogo pugwi iinok, it wakwi inenggaanom paga at nen, An Ala kwak aret o, yinuk, yigin ya? Waruwok nduk, ineenggime wonage me at Ala kwak logogin lek, aakumi kwak aret logogin o.

Yetikiyen 29:3

Aliku Itok Menggerak ALA nen yegerak nogo yi o, yinuk, yoroorak nogo yi aret o. O Metit niyo nage elaganggen inikime time waalo kole ndenen wappunuk wonage kwak, Aap o Metit mendek inowe endagembogut Pirawun ti, nimbirak ogoorak aret agarik o. At nen ari logonet, Niyo Nin nogo ti, nage logorak an nen aret eerogo pateegirak me, Niyo ti, an namendek aret o, yinuk, yereegerak kwe,

Ndaniyen 7:25

At nen at Tiyanak Lombok Menggerak nogo meek eerogo pege, at apuri alik leenak nogo aaninggin-paaninggin eerogo piige, eeke logonet, Ndi eyom paga ndogop eeriyak, wone yugu inom, eeko logorak wone yugu inom, mbo punuk, alik koongge logowak nduk wakkage, eeremenggerak me, at Tiyanak Lombok Menggerak apuri alik leenak nogo, eenggime piyamenggerak wonogwe iigak, tahun kenagan eeppunuk, ambi oolo aret eerigin o.

Ndaniyen 7:8

Eyak 10 nogo ti, nonggoti o? yinuk, awo liippit unggwage neegak, eyak 10 ti, enggela'me nen eyak mbuuluk ambi wungge logonet, eyak kenagan aa'nduk mendek nogo kinogo wumbege kagarak. Eyak mbuuluk ti, aakumi inigen negen wonage, ndi, ambe paga yi wone ndi wone ambik lombok ari logonet wogoppake, eeke kagarak o.

Maleyaki 3:13

Aliku ALA nen ari logonet, “Inoone andiigwi yo'nogo logonet kwe, Nit ninoone andiigwi ngge yogoorak me, yigi, yinuk, yogwe iigi o.

Yurat 1:16

It aap ti nen ineebi-ineeba yogwe, inoreewi meek inombakwi, eeriyak iniki nengge kenok eerit nugwi, “An aap nggwok o,” yinuk, wogoppatit nugwi, inamendek kolaawok nduk, inoone amburu ndik-ndik agan nugwi, eeko menggaarak o.

Wayu 13:5

At nggeewo anini warak niyome nen wundi wagaarak nogo tut 42 penengge kagak, wogoppake logonet, Ala miyuk-meya eerogo pege, ndi, wone lengganogo yorage, eeke logowak nduk, waalo nggwok nogo nen awone kilirege kagarak.

1 Tamuwen 2:3

Kaliku ALA kat aret me, yi wone ndi wone abok aret keenu age, Aakumi nen yi eekak ndi eekak eekwi nogo, inowak loongge, Eeke menggendak me, It aakumi nen, Nit iya o, yinuk, tiyappatit nugwi, Wi niruwak o, yinuk, inoone paga wogoppatit nugwi, Eerugwaarik o.