Ndawi 12:1 - Ala Wone Peenok Peebi Mbanak

¹ Kaliku ALA wae. It aap mukkeren nogwe nogo ineebe lek ogwe, It aap koone liirogon mugurok nogo menggaarak nogo Aakumi inenggela'me nen inenggaawak lek ogwe, Eekaarak me, kat nen aret yeenggwa niret o.

Ndawi 12:1 ပူးပေါင်းရင်းမြစ်များ

Wakkagagerak 6:12

Wonage kagak kwe, it aakumi nggween paga wonogwe nogo abok aret maluk eerit nugwi paga o nggween paga yime abok aret maluk etenggen wigak yereegerak at Ala nen kage nagagerik,

1 Mbinineegwaarak 15:21

it Matika inom, Elipele inom, Mikeneya inom, Obet-Erom inom, Yeyiyen inom, Atatiya inom, nggitat oone mbuuluk teberogon eekwi,

Ndawi 3:7

It ninom wim mbanak abok aret Ineegwak nenenogo nappiige, It maluk eeka ineyak langgunogo nappiige, Eeke menggendak me, Kaliku ALA wae. Kenegen an liippanege, Ndi, nogoba Ala wae. Kat nen an nagap ndake, Eeru o.

Ndawi 54:1

Ala wae. Kendage tiyanak menggendak me, nagap ndake, Komaawi lombok menggendak me, naana'le mbanogo panege, Eeru o.

Ndawi 6:1

Kaliku ALA wae. Kanini nombake logonet naruk wake, Kiniki aagi paga niniki koonogo panege, Eerugun o.

Ndawi 6:4

Kaliku ALA wae. It aakumi kambeegwaarak nen koba aberak wonogwe, Kambunuk nogo menggam wonogwe me nen kalut eekwi, Eekulik me, Nabuwa nen kiniki kunik ee'nabit wage menggendak me, Kole mbaganikit nduk eeppanege, nagap ndake, Eeru o.

Kini Wuppiige 20:6

Aakumi apit nen, “Nit mbo pinagagun lek o. Niniki mondok kunik eekkinako logogun o,” yogo menggaarak kwe, Aap ambiriluk ambi nen oreeluk mbo pegeelik iniki kundugu lombok eeke menggerak kenok ti, iya aret me, aap ti mendek ta nen kwaakkoorak op mbakop?

Yetaya 1:9

At Omaawi Lombok Menggerak Aliku ALA nen nit ambiriluk ambi yumbunogo pinaniyak mba'netak lek en O Torom inom, Nggomora inom, eerogo piyareegi kwak nit eerogo pinaninetak o.

Yetaya 57:1

It aap iniki abe koonak kanggwi iinok, aap ando nen, “Aap ti kanggi o,” yinuk, iniki liippakwi, It aap obeelom mban eerit nugwi nogo iniki nggigik togon wungge kenok, it ando nen yelok kogwe, Eekulik aret menggaarak o. Ko'lu maluk mendek ambi inoba age kero, it aap iniki abe koonak nogo iniki nggigingge ineenu aruwak nduk, Eeke menggerak kagak liippega'lek aret menggaarak o.

Yetaya 59:4

Inowak loonggo logonet, “Eekerak ndak-ndak aret owak loonuwok o,” yinuk, yogwe, “Alom eekerak yi aret o,” yinuk, owak loonggwi, Eeka'lek ugun-ugun eeko ogotik o. Maluk eerulik kagak, “Abet aret eekerak o,” yinuk, pilit pugunogo yogwe, Kwe elege logombunuk ndake menggi kwak, kinoone paga aganggen kereembu eerogo owak loonggo logonet, irip paga maluk aret ndakwi, Eeko monggotak.

Yetaya 63:5

Yeenggwa niriyak ambi wonogwe iyo, nenegen yamboninakirak kwe, lek aret iige, Yeenggwa niriyak lek iinok, Ai, mbake, Eeke nagarik, Nanini ninikime lik ari, Nanini kani kunik negen mi'nage, Eeke kagak, Nalik neenggi omaawi paga nen tebenogo piige logonet, It aakumi anggur anggen kwak niyok aambiranogo piige, Anggur amburu nenok kumili kunggo mengga kwak, nanini kaawak nduk eeppiige logonet, inamiya nggween paga kilirogo pit nage, Eekirak o,” yinuk, yo'negerak o.

Yeremiya 5:1

Aliku ALA nen ari logonet, “Kat o kota Yerutalem yiru-ndiru yime pekkanet nage, Pekkanet nage logonet, kenegen li'lak yambonit nage, Wone mbanggo menggam nggween aagome abok aret yambik-yambek eeke, Eerit nage logot o. Eerit nage logonet, aap ambi iniki abe koonak a'me nggelok mban eeke menggerak ambi wonage kage kenok, Aakumi o kota yime menggaarak ineebe lek eerogo piyaagin lek, inomaluk lek eerogo piyaagin kwe, lek me meek o.

Matiyut 14:30

Nage logonet, o wiya wake nogo enegen kage nagagerik, agabiti a'nuk, yi inikime yobok togon wambuurak eeke mbareegi, oone kwa ari logonet, “Ie, nogoba. Pi'nabi mok ubi!”

Matiyut 24:12

It aakumi nen Ala wone taganogo mbo punuk, maluk lombok eekwi ti, nggwok arigin me, aakumi ambik iniki aganggen paga Ala wone mugurok nogo logomenggaarak kwe, iniki miin age logonet, anggon aret aganabigin o.

Matiyut 8:25

Nogo yege wonage me, at oone waganggwi nogo, nogo nogogwaarik, eenik eeppogo logonet, “Ninogoba! Yi ndonggonninaburak eeke me, mbet-mbet ninagap ndaru o.”