Ndawi 119:98 - Ala Wone Peenok Peebi Mbanak

⁹⁸ Koone, “Yogop ee'nu ndogop ee'nu,” yugu nogo An mondok-mondok ninikime porogo minggirak me, Nawim iniki lek negen iigak, an perak wone ti paga Niniki warak lombok eerogo panege menggerak o.

Ndawi 119:98 ပူးပေါင်းရင်းမြစ်များ

Ndawi 119:11

Kat maluk eeppagukwak, koone yugu nogo woppunuk, Ninikime liirogon porogo minggirak o.

Ndawi 119:30

Kat ari menggendak nogo Liirogon eerit nage logokit nduk, miikkolage, Eekaatak ndak-ndak eeppiigo logorak koone yugu nogo Ti mban nengga loolo punuk eerit naakit mbake,

Kini Wuppiige 28:5

It aap maluk mendek nen a'me nggelok eekwi nogo liippugulik kwe, It aap Aliku ALA mugurok nugu menggaarak kenok perak, wone ti abok aret liippogo menggaarak.

Pelaareegerak 4:6

Aberogo liirogon aret eerit nogwe kenok, kit kiniki warak logonet, kiniki ngget paga eerit nogwe nogo it yi aakumi ndi aakumi inanebunu alik mendek nen kiigo logomenggaarik, at Ala nen wone lengganogo yokkiragagerak nogo inaruk konembunuk, yogo logonet, It aakumi ineebe nggwok wiganak yi, iniki warak iniki ngget lombok iigo o, yinuk, yogo logogun o.

Pelaareegerak 4:8

Ndi, an nen wone lengganak inom, eeko logorak wone inom, a'me aret nggelok ari menggerak kit unde wonogwe nogo, an yogondak kin eerogo mamunggirage yi kokwak, it inanebunu nggwok ngge nen wone togop ambi unde agaarik mbakop? Lek aret o.

Kolote 3:16

Keritut ari nagagerak wone abok aret kiniki me mondok yagabit eerogo waganggo logonip o. Waganggo logomonggotik, kiniki warak a'nuk, Ala wone mamunirogwe, kiniki eyak wat-wat yogwe, ndi, Ala keyage wako logonet, “Nogoba wa,” yinuk, Ndawut nen ndawi pereegerak inom, ki wone ndawi inom, Ala eeke menggerak ndawi inom, abok aret warit nogwe, eeko logonip o.

Yakobut 1:25

Ala wone li'luk eerogo yo'niragagerak paga wondet agago pinanege menggerak wone nogo, li'lak pekkolage logomenggerik, kobak aga'lek liirogon woppunuk eeke logomenggerak kenok, Ala nen ale'nggen ambik aap ti, oba pege logogin o.

1 Tamuwen 18:14

Nappege mbareegi, at Aliku ALA nen imbirak wonage me, yiru-ndiru nege logonet, eeriyak mbake nogo a'me nggelok mban eerit nage nagagerak.

1 Tamuwen 18:30

Ndi, it Pilitin mendek ineegin warak inoweewi nen wim namburiyak nduk, wundi wogo nagaatik, Iterali inom wim eekwi iigak, at Tawun awuri inom nen we ambitak mban inookwi, ndi, at Ndawut awuri inom perak, ambik lombok inookwi, eeko nogogwaarak paga at Ndawut endage tiyak yereegerak.

1 Tamuwen 18:5

Ndi, at Tawun nen Ndawut, “Yogop eeri nak o,” yinuk, nappegetak nogo nage nagaatik, op mban ee'nuk wagak eeke kenok, at Tawun nen at ineegin warak inowe logowak nduk, mippereegerak. Mippege mbareegi, it aakumi Iterali mendek inom, at Tawun inom yabu eeko menggaarak inom, abok aret, “Op aret kogo o,” mbareegwaarak.