Ndawi 119:97 - Ala Wone Peenok Peebi Mbanak

⁹⁷ Koone yugu Muta nen liiru mbaneegerak nogo Niniki kunik lombok minggirak me, Ninikime mbininit nage neegak, Kubondendok nen nok oonikiya ari nage menggerak o.

Ndawi 119:97 ပူးပေါင်းရင်းမြစ်များ

Ndawi 1:2

At aap ti nen Aliku ALA wone yugu nogo inikilom mbake, Ala wone ko'lu-kii'me inikime koonit nage, Eeke menggerak o.

Ndawi 119:113

It aap iniki mbere wonogwe nogo Neebi lombok inombake minggirak kwe, Koone yugu Muta nen liiru mbaneegerak nogo perak, Niniki kundugu minggirak o.

Ndawi 119:127

Togop me, mbuti emas inom, Mbuti emas at mendek mban inom, ti, Niniki kundugu negen kwe, “Yogop ee'nu ndogop ee'nu,” koone yugu ti perak, Niniki kundugu lombok wonage,

Ndawi 119:15

Eeko logorak koone yugu nogo an aberit nage, Eerit nogo logorak mbake menggendak an liippit nage,

Ndawi 119:159

Kaliku ALA wae. Eeko logorak koone yugu nogo Niniki kunik lombok minggirak yi, pe'neege, Nabuwa nen kiniki kunik ee'nake me, An neebe nili eerogo panege, Eeru o.

Ndawi 119:165

Kat koone yugu Muta liiru mbaneegerak It iniki kundugu wonogwe nogo Iniki ugun mondok tayenak menggaarak me, Iniyogobit lik togon yigeebu wambugun lek aret o.

Ndawi 119:167

Aberak logorak koone yugu nogo Niniki kunik lombok minggirak me, Liirogon porogo logonet, eerit nage,

Ndawi 119:47

Koone, “Yogop ee'nu ndogop ee'nu,” yugu nogo Niniki kunik minggirak me, Eerit nage logorak ninikilom mbake minggirak o.

Ndawi 119:48

Koone, “Yogop ee'nu ndogop ee'nu,” yugu nogo Niniki kunik minggirak me, Ayuk wuke logonet, neenggi nippege, Koone lengganak nogo ninikime mbininit nage, Eeke minggirak o.

Kini Wuppiige 18:1

Aap ambi oreewi inom ogoorak logonet, at eeriyak uugwe mbake nogo mban eerit nage, Aakumi iniki koleewak nen eeriyak op mbakwi nogo yogwi iinok, anini mi'nage, Eeke menggerak.

Kini Wuppiige 2:10

Kiniki warak lombok eekkake, Yi wone ndi wone keenu age keenok, wone ti nen kinikilom eerogo pagage,

Yotuwa 1:8

Eeko logorak wone yugu mbuku paga liiru mbanak yi, kat nen aakumi yoroorak ti, Neebi o, yinuk, mbo pugun o. Ata, mbuku yi paga yi wone ndi wone liiru mbanak wonage abok aret kat mondok ndak-ndak liirogon aret eerit nage logonok nduk, liingge-kiyoma mondok aberit nage logot o. Ti eeke keenok, yi mendek ndi mendek eerit namenggendak nogo a'me nggelok arit nage kagak, ambi kolage logomunggun o.