Ndawi 119:94 - Ala Wone Peenok Peebi Mbanak

⁹⁴ Eeko logorak koone yugu nogo an mugurok nage, An neebe kat kamendek aret kombake, Eeke me, An nagap ndaru o.

Ndawi 119:94 ပူးပေါင်းရင်းမြစ်များ

Ndawi 119:146

“Nagap ndaru o,” yinuk, Noone nggwok paga yokkege neenok, An nagap ndaremenggendak paga Aberak logorak koone yugu nogo Porogo logonet eerit nage, Eeke logogin o.

Ndawi 119:170

An nagap ndarenok nduk Nggino yokkege nogo karuk me unggwi woraawak o. Unggwi wage kenok, Eeppaniyak koonogo pereegindak nogo ndak-ndak An nagap ndarumunggun o.

Ndawi 119:173

Eeko logorak koone yugu nogo ti, Mugurok nage logorak miikkolagagirak me, Keenggi nggorek paga yeenggwa nege logot o.

Ndawi 119:27

Eeko logorak wone mamunnake menggendak nogo Alom liippikit nduk, eeppanege keenok, Kat iya tit eeke menggendak nogo Ninikime mbininit nage logogin o.

Ndawi 119:40

Eeko logorak koone yugu nogo, An eeke logokit lak, “Ao,” mbake minggirak o. Kat obeelom a'me nggelok eeke menggendak me, An aa'nduk wonagagi kwak eerogo panu o.

Ndawi 119:45

Eeko logorak wone yereegindak nogo An mugurok nage minggirak me, Niniki ugun tayenak aret nege,

Ndawi 3:8

Kaliku ALA ninagap ndari wage menggendak me, Kale'nggen kapuri ninoba pinanege logot o.

Ndawi 86:2

An nen kat koone liirogon eerit nage me, narum wonage, Nogoba Ala kat aret me, Niniki koba panggonak an kayeloman yi, nagap ndake, Eeru o.

Ndawi Iya 6:3

An niniki kunik eeke ti, eebe an mendek wonage, ndi, An neebe ti, at mendek aret wonage, eeko ogoorik o. Waambi anggen yugu enggela'me ndomba ndegeninake agaarik o.

Yetaya 44:2

Ogobakkigirogo pege, eenggi-iyok warak eerogo pege, yeenggwaage, Eereegirak an Naliku ALA nen wone ambi yori o. An nen nggween mbuk kenok, niyo kilirogo pege, Nggween woloonak wonage me, mayu lubu-lubu wuppi wage, Eerigin me, At paga wiganak an Naberiniki inoba wuppi wage, Ndi, ombowologwe paga nale'nggen inoba piige, Eerigin o. An nayeloman Yakup ti, An leenogo pereegirak Yetiyurun ti, agabiti mbarugurik o.

Yetaya 44:5

It ambi nen, An Aliku ALA amendek o, yinuk, ari, Ore ambi nen, An Yakup paga wiganak aret, ari, Ndi, it alik ambi nen, An Aliku ALA aput aret o, yinuk, eenggi paga liiru mbambunuk, Nendage Iterali mendek aret agi o, yinuk, toonggolage, Eerugun o,” yinuk, yegerak me, yokkigi o.

Yeremiya 17:14

Kaliku ALA wae. Kat tiyappagaga an aret me, Obeelom eerogo panege keenok, an obeelom aret age, An nagap ndake keenok, nagap ndarak aret wonage, Eerak aret logogin o.

Tepaniya 3:17

Aap wim wakaa'ngget nen inawuri inagap ndako mengga kwak, Aliku kogoba Ala kenggela'me logonet, kagap ndake, Iniki kunik lombok eekkake, Kabuwa mbake paga kiniki kwippagage, Kale'nggen nen ndawi wake, Eerigin o,” Yinuk, yogo logogun o.