Ndawi 119:91 - Ala Wone Peenok Peebi Mbanak

⁹¹ Wone lengganogo pereegindak paga Yi mendek ndi mendek ogobakkigiri'nagagerak kayeloman mini negen aret wonogwe me, Lek aga'lek o yogondak wonogwe aret o.

Ndawi 119:91 ပူးပေါင်းရင်းမြစ်များ

Wakkagagerak 8:22

Yogondak o nggween yi, Lek aga'lek awo wonage kagak, Mbi puut age, lek age, O kibi age, mayu wage, O togwi age, aganggen age, O kiip age, o weege, Togop aret eeke logogin o,” yinuk, yereegerak.

Yetaya 40:26

Kit kina mbogut paga nikkaanip o. Mbogut paga wonage abok aret ti, ta nen ogobakkigirogo pereegerak mbakop? Lek o! Laaluguragan mbogut paga menggerak abok aret inendage kunogo mbo wiirage kenok, Ambit nggigik wumbiya wage menggerak nogo nen aret ogobakkigirogo pereegerak o. At abu tiyanak mondok omaawi menggerak nogo nen aret eeke me, it ambi kobak arugun mondok lek aret o.

Yetaya 48:13

An lombok neenggi paga nen nggween alom kwippege, Neenggi abe'nggan paga mbogut mbiganogo pege, Eereegirak me, Inendage kunogo wiirage neenok, kin ari wundi wogo menggaarak o.

Yeremiya 33:25

Naliku ALA nen o liingge age logorak koonogo pege, oonikiya age logorak koonogo pege, ndi, mbogut-nggween imbirak eeko logorak koonogo pege, eereegirak nogo mondok nu'lek logonet eeko logowak o, yinuk, koonogo puulik nombariyak meek ti kokwak,

Matiyut 8:9

An kunduk, noweewi inabu'me logonet, inoone konengge, ndi, an nawuri yigin unde an nabu'me logonet, an noone konenggwi, eeko monggoorak me, an nen nawuri ambi, Nak o, yoge neenok ti, nage, ambi, Mok o, yoge neenok ti, wage, ndi, an nayeloman, Ti eeru o, yoge neenok ti, eeke, eeko menggaarak o.”

Pelaareegerak 4:19

Ndi, oonegen inom, tut inom, laaluguragan inom, mbogut paga wonage abok aret ti, yi aakumi ndi aakumi o nggween paga yime menggaarak abok aret at Aliku kinogoba Ala nen terak ninake wo'niragagerak me, kit nen oonegen inom, tut inom, laaluguragan inom, mbogut paga wonage abok aret kinigen nikkogo logomonggotik, inayuk wukwi, inalut eekwi, eeko logobagip nduk, aakumi nen kiniki nomongginabi worookwak, Mage, yokkirage agarik o.

Owak Loongga 5:20

Laaluguragan mbogut paga nen inom a'nuk nambukwi, It wonogo menggam nen aap Titera inom nambukwi, Eekwi iinok,