Ndawi 119:9 - Ala Wone Peenok Peebi Mbanak

⁹ It wologwe tawe nogo, nano eekwi paga Maluk eeka'lek inobaabut obeelom mban logorak mbakop? Lek o. Koone yugu ndak-ndak eekwi paga nen aret o!

Ndawi 119:9 ပူးပေါင်းရင်းမြစ်များ

2 Mbinineegwaarak 6:16

Togop aret me, Kaliku aakumi Iterali inogoba Ala wae. Kat kayeloman an nogoba Ndawut yoge logonet, Kat an nenggaanom kiniki koonak obeelom mban eeke menggendak kwak, kapuri ndaganabemenggendak nen eeko logorak wone an yoragagirak nogo, ndak-ndak liirogon mban eekwi iinok, an nenggaanom paga aakumi Iterali inarum logonet, wone lengganogo yorage logorak nogo ti, kat kapuri mban aret inendagembogut logonet, eeko logogun o, yinuk, wone koonogo yoreegindak nogo, a'me nggelok yuwak nduk, liirogon aret eeke logomunggun o.

Ayup 1:5

Laago larit noorak mbakaatak nogo abu aret age yubunggwi iinok, Ayup nen iniki mbake logonet, “Napuri nen Ala meek eerogo pogo logonet, maluk eekaarak kero,” yinuk, ko'lu kuubondendok eenik a'nuk, apuri nogo wiiraanuk, wogwe iinok, inoba mbeenogo piyaakit nduk, ineengge ndak-ndak Ala ake warogo kani kungge nagagerak. At Ayup nen togop mban aret eeke nagagerak.

Ayup 13:26

Niniki andi-pandi ee'nake kagak Ndogop eekendak o, yinuk, liiru negen mbanogo pege, An wulaga awo paga maluk eeke nagagirak nogo onggo eeppanege,

Ndawi 119:11

Kat maluk eeppagukwak, koone yugu nogo woppunuk, Ninikime liirogon porogo minggirak o.

Ndawi 17:4

It aakumi eerit nogo menggaarak inawone o! It iniki worokot linik eerit nugwi iigak, An togop eeka'lek koone yo'nege menggendak ndak-ndak Niniki lombok arum wakkolage logonet,

Ndawi 25:7

An tawe logonet maluk eeke, Wone yugu taganogo pit nage, Eeke nagagirak nogo, Kiniki aberak logorak mage o. Ata, Kaliku ALA obeelom aret me, Aakumi kiniki kunik aganabit wundi wage menggendak ndak-ndak an noba abeke logot o.

Ndawi 34:11

Kit an napuri yi wae. At Aliku ALA kinagabiti mbako logobagip nduk An mamunggiraagin me, an nowagam wogwe, Kit kinaruk liirogon aret konenggwi, Eeko logonip o.

Kini Wuppiige 1:10

Naput yi wae. It aap maluk eeka nen kinikime manabi wogwe iinok, “E o,” yinuk, muguren noorak mage o.

Kini Wuppiige 1:4

Aap iniki yuundurak nogo iniki ngget paga wone koonggwi, Aap tawe nogo yi wone ndi wone ineenu ogwe, Iniki liippunuk eekwi,

Kini Wuppiige 2:11

Yi wone ndi wone kin kage keenok, wone ti nen kili eerogo pagage, Wone alom keenu age keenok, at nen unde wakkake, Eeke logogin o.

Kini Wuppiige 4:1

Napuri wae. An kinogoba nen wone mamunggirage yi, kinaruk konenggwi, Kit wone kineenu arumunggup nduk, an yokkirage yi, liippugwi, Eeko logonip o.

Kini Wuppiige 7:7

It wologwe iniki yuundurak negen inenggela'me wulaga ambi nenegen kage, Yi wologwe ndi wologwe inenggela'me wulaga ti, iniki awo kole aga'lek wonage liippege, Eekirak o.

Wone Alom Kibingga 11:9

Wulaga tawe yi wae. Kat awo tawe wonage logonet, kiniki ale'nggen mbake, Kat awo tawe paga kiniki ale'nggen nen eerit nage, Eeriyak eekkake nogo mugurok nage, Kenegen kenok eerit nage, Eeke logorak ti op aret kwe, Yi eekak ndi eekak eeremenggendak abok aret nogo paga Ala nen kowak loonigin mbake logot o.

Lukat 15:13

Wogorage mbareegi, nogo mbereeret yinuk, aput ambokan ndarak nogo nen ageerok ogoba wogoreegerak nogo abok kuwak eerogo onggo mbanggolage nagagerik, awu ko'nok o nda time nagagerak. Nagagerak time logonet, iniki liippega'lek ugun eerit nege logonet, awu nogo tigippateegerak.

Yaya 15:3

An wone yokkirage nagagirak nogo paga mbeenogo pinagareegirak wonogo ogotik.

Pelaareegerak 17:18

Aap ti, aakumi inarum mi'ndak logonet, eeke logorak ti, eeko logorak wone yugu yi inom, wone lengganogo an yokkirage yi inom, ambokan punuk, ena agigan age, ogugan age, eeke logonet, oreewi meek mba'nuk, iniki tiyappake kero, eeko logorak wone yugu liiru mbanak aap Ala unde porogo wonogwe nogo ndak-ndak mbuku yerek-perek paga liiru mbanggolage logomenggerik, at Aliku ogoba Ala ayuk wukwi eenu age, at inom, apuri ndaganabemenggerak inom, aakumi Iterali inenggela'me inarum abu logonuk aret kwi'nage, eeruwak nduk, mbuku mbanak ti owagam punuk, eebe kangga'lek eenik wonage logonet, kulinik-kalinik liirogon luunggolage logowak o,” yoragagerak.

2 Timotiyut 2:22

Wologwe tawe iniki nengge nogo kokwak, kat togop eekkake kero, mbo punuk mbagangge logot o. Abe kenok mban eekwi inom, iniki abet mbakwi inom, aakumi iniki kunik aganakwi inom, iniki ambit lambunik wonogwe inom, it aakumi iniki abe paga, “Ninogoba Ala aret o,” yinuk, yogwe nogo, kinom a'nuk it eekwi ti mendek mban mugurok nage logot o.

Yotuwa 1:7

Kat eerit nage nogo abe mban arit nage kaanok nduk, kena agigan agak, ogugan agak, eerugun o. Ata, kogogumbuk kiniki mondok nu'lek eeppatinuk logonet, eeko logorak wone yugu nayeloman Muta liiru mbanogo wokkireegerak nogo abok ndak-ndak liirogon aret eerit nage logot o.