89 Kaliku ALA wae. Koone ti, lek arigin lek mondok itok wonage, Mbogut paga mondok nu'lek aret wonage, Eerak menggerak o.
At eenggi paga eerit nage nogo Abe liirogon mban eeke, a'me nggelok mban eeke, Eeke menggerak. Eeko logorak wone yugu nogo, “Eerigin aret o,” Yinuk, iniki panggombunuk logorak op aret o.
At iniki mondok liippunuk yorage, Iniki koonak paga lengganogo yorage, Eeke menggerak me, Mondok-mondok nu'lek aret wonage menggerak.
O aa'nduk nen aberak logorak koone yugu nogo Liippege logonet, “Wone ti, mondok-mondok eeko logowak nduk koonogo pereegindak,” An neenu agagirak o.
Koone ari menggendak abok ti, abet aret o. Eekaatak a'me nggelok eeppiigo logorak wone Koonogo pereegindak nogo ti, Lek arigin lek mondok-mondok aret logogin o.
Kat aakumi inabuwa nen kiniki kunik aganake nogo, lek ageelik mondok-mondok aret aganake, Yo'niraga'ndak li'luk eeppinanege nogo, mbogut nu'lek menggi kwak eeppinanege, Eeke menggendak nogo An yorage logogin o.
Iri'ngga mbuk age, iri'ngga anggen mono-mono wangge, eeke menggerak kwe, Ninogoba Ala oone perak, mondok itok aret menggerak me, yoret o,” yinuk, yo'negerak o.
Mbogut-nggween awo lek aga'lek kagak, Ala wone yugu Muta liiru mbaneegerak ando mbuuriluk ambi awo a'me lik yega'lek kagak, lek arigin lek o. Ata, mondok ndak-ndak aret arigin o, yinuk, abet aret yokkiragi o.
At Ala nen, “Mbogut-nggween ngget mendek ogobakkigirogo punuk, aakumi obeelom eeko menggaarak kenok mban time logowak nduk, unde eeppiyaagin o,” yinuk, abok yo'niragagerak nogo unde eeppinanuwak nduk, tokkogo ogoorik o.