Ndawi 119:87 - Ala Wone Peenok Peebi Mbanak

⁸⁷ It aap ti nen o nggween paga yime nenggaawak Lek eerogo paniyak eereegwaarak kwe, Eeko logorak koone yugu nogo an mbo puulik o.

Ndawi 119:87 ပူးပေါင်းရင်းမြစ်များ

2 Tamuwen 17:16

kit Ndawut wonage me wone mbet-mbet agago nappumunggup nduk, yokkira o. At Ndawut inom, aakumi at inom wonogwe nogo inom, inoorogo piyookwak, yogondak oonikiya yibaga o karume wunda nogo menggam niyo yibagan nggwe nogo yuurak mage o. Ata, mbet-mbet aret niyo enebaga wunda nawak o,” yinuk, wone eerogo nappiyaawak nduk yoragagerak.

Ndawi 119:51

It aap wogoppako menggaarak nen Meek eerogo panegak mban eeko menggaarak kwe, Kat koone Muta nen liiru mbaneegerak nogo An mbo punuk, alik eerit nageelik o.

Ndawi 119:61

Aap maluk mendek nen yilunogo panuwak nduk, Keele pit nogo menggaarak kwe, Koone yugu Muta nen liiru mbaneegerak nogo An kobak eerogo pigin lek o.

Yetaya 58:2

It aakumi ambi mendek nen obeelom mban eerit nugwi, Inogoba Ala kwak nen, Yogop ee'nu ndogop ee'nu, yorage nogo mbo pega'lek aret eerit nugwi, Eeko mengga kwak, Eerit nugwi negen eeppunuk logonet, Ko'lu-kii'me an eeke minggirak ineenu aruwak nduk an kwaa'nabit nugwi, Ninawone amburu liirogon mbambunuk eekoorak onggo ndak-ndak eeppinaniyak o, yinuk, yo'nugwi, Ndi, inikilom negen eeppunuk logonet, nalut eeri unggwogwe, Eeko logonet,

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

1 Tamuwen 20:3

Yoge mbareegi, at Ndawut nen ari logonet, “Kat an niniki kunik wonage nogo kogoba abu eenu aret me, at nen ari logonet, An nen Ndawut eeppuurak mbake nogo Yonatan iniki wakkolookwak, eenu eeppuurak lek, mbake me, kat yokkega'lek kagak, an niyok ambi punuk, Ambi pi, ari paga aret noorigin o, yinuk, Aliku ALA eenu me, kat togon keenu a'nok nduk abet aret yokkigi o.”

1 Tamuwen 26:24

O yogondak yi paga an nen, Nogoba aret me, yinuk, kat koorulik keenik teppagagirak ndak-ndak, an maluk noba age kero, at Ala nen, Naput aret me, yinuk, nagap ndarogo nili yuwak o,” yoreegerak.

1 Tamuwen 26:9

Yoreegerak kwe, at Ndawut nen ari logonet, “At Aliku ALA nen leenogo piige kenok amburu eeppiigaatak aap ambi nen wake kenok, aaninggin oba arigin lek ti lek, arigin aret me, wariyak mage o.