Ndawi 119:73 - Ala Wone Peenok Peebi Mbanak

⁷³ Keenggi paga ogobakkigirogo paneegindak me, Neebe op logokit nduk, narum wonage keegak, Koone, “Yogop ee'nu ndogop ee'nu,” yugu nogo Mamunggolaakit nduk, neenu eeppanu o.

Ndawi 119:73 ပူးပေါင်းရင်းမြစ်များ

1 Mbinineegwaarak 22:12

It Iterali wone lengganogo yorage logonok nduk, mippagage logomenggerik, Aliku kogoba Ala wone yugu liiru mbanak nogo, liirogon unde logonet eeke logonok nduk, Aliku ALA nen kiniki warak eeppagage, eeriyak liippunuk eeke logonok nduk, eeppagage, eeke logowak o.

2 Mbinineegwaarak 2:12

Ari nagagerik, ambinom yoge logonet, “Wulaga ambi iniki warak inom, iniki ngget inom, liippunuk, koongge logorak mendek inom, nogo mendek wonage menggi kwak, liippunuk, ndaruwak nduk, Ala nen aap endagembogut Ndawut eeppege mbareegi, Ndawut ndareegerak nogo nen Aliku ALA awi wurogo pege, ndi, kat kawi o nggwok abe wurogo pake, eeriyak kooneegindak me, at mbogut nggween wakkagagerak aakumi Iterali inogoba Aliku Ala endage alut eeke agarik o.

Ayup 31:15

At nagalo inikime ogobakkigirogo paneegerak nogo nen It kunduk inagalomini inikime ogobakkigirogo piyoolik mbakop? Ninagalomini inikime ogobakkigirogo pinaneegerak ti, Eebe ambit Ala aret nogo lek a?

Ayup 32:8

Nineenu ariyak alom nogo ti, Niniki nen koonogo yo'nirage, Omaawi Lombok Menggerak nen ninikime mambinangge, Eeke menggerak me,

Ndawi 100:3

At Aliku ti, Ala aret me, kineenu a'nip o. At nen aret nineebe ogobakkigirogo pinaneegerak me, Nit at mendek aret ogoorik o. Ndomba ndegeninako mengga kwak, Ndegenninake menggerak at apuri nit aret o.

Ndawi 111:10

Aap iniki warak mamunggolaawok nduk eekwi nogo ti, Aliku ALA inagabiti mbakwi ti aret. Ndi, aap abok aret at wone lengganogo yorage nogo, Mugurok nogwe iinok, Yi wone ndi wone abok ineenu eeppiige menggerak. Togop me, ninoone puk aga'lek mondok-mondok at tiyappogo logowok o.

Ndawi 119:125

Ndi, aberak logorak koone yugu nogo Neenu arikit nduk, kayeloman an yi, Niniki ngget eerogo panege, Eeru o.

Ndawi 119:144

Aberak logorak koone yugu nogo ti, Wone abe abu koonak wonage me, Neenik logonet eerit nage logokit nduk, Neenu eeppanege logot o.

Ndawi 119:169

Kaliku ALA wae. Yeenggwa nirenok nduk, Noone yokkege nogo karuk me ari woraawak o. Ari wage kenok, Koone yugu ndak-ndak an neenu eeppanumunggun o.

Ndawi 119:34

Koone yugu Muta liiru mbaneegerak nogo Alom neenu arikit nduk, eeppanege keenok, An wone ti liippege, Niniki ambit eeppunuk eerit nage, Eeke logogin o.

Ndawi 138:8

Kaliku ALA wae. Aakumi inabuwa mbake ti, itok kunik menggerak me, Keenggi paga ogobakkigi'nabeegindak an nogo Mbo paniyak mage o. Ata, Kaliku ALA nen an eeppaniyak koonogo paneegindak nogo Li'luk eerogo panege logomunggun o.

Ndawi 95:6

Ninogoba Ala at aret o. Ndi, nit ti, aakumi at mendek aret me, At nen ndegenninake kagak wonogwe, Ndomba wogoren nogo mengga kwak, Wo'niren nege kagak wonogwe, Eeko monggoorak me, Ninendobanggun yindumbunuk at alut eekwi, Ogobakkigirogo pinaneegerak at Aliku ALA abu'me tebe yi unggwogwe, Eeruwok o.

2 Timotiyut 2:7

An yokkege yi nogo ti, yi wone ndi wone yelok kaanok nduk, ninowe nen keenu eeppagagin me, liippege logot o.

Yakobut 3:18

It aakumi iniki lambumbiinet nega nogo nen awi anggen yako mengga kwak, aakumi iniki lambunik logowak nduk eeppiinet nugu nagaatik, ti'nuk, anggen kole age kenok, mbanggologo mengga kwak, aakumi obeelom mban eerit nugwi paga iniki ugun tayenak ale'nggen paga wonogwe iigo menggaarak o.

1 Yaya 5:20

At Ala aput wambi wage nagagerik, Ala ambit alik lombok menggerak nogo nit liippuwok nduk nineenu eeppinaneegerak o. Ndi, at alik lombok menggerak Ala aput Yetut Keritut imbirak ninom niniki ambit kunik aret ogoorik o. At Yetut Keritut ti, at alik lombok menggerak Ala nogo aret me, nineenik mondok logorak unde eeppinanege menggerak alom at aret o.