Ndawi 119:57 - Ala Wone Peenok Peebi Mbanak

⁵⁷ Kaliku Ala wae. An namendek punik kwak ti, Kaliku ALA keebe aret. “Kat koone yugu ti mban eerit nage logokit o,” Yinuk, nggaruk togon koonogo pateegirak o.

Ndawi 119:57 ပူးပေါင်းရင်းမြစ်များ

Ndawi 119:106

“A'me nggelok eeko logorak koone yugu nogo An porogo logonet eerit nage logokit o,” yinuk, Kumbuk mbaneegirak me, ndak-ndak eerit nage agarik o.

Ndawi 119:115

“Nogoba Ala oone, Yogop ee'nu ndogop ee'nu, Yugu nogo porogo logonet eerit nage minggirak me,” Kit aap maluk eeka yi, an wonage me nen mbaganinip o.

Ndawi 119:2

Aliku ALA aberak logorak wone yugu liippugwi, Iniki ambit eeppunuk, at mugurok nogwe, Eeko menggaarak kenok, inale'nggen aret mbakwi, Eeko logogun o.

Ndawi 142:5

Togop me, Kaliku ALA wae. An noone nggwok paga yokkege logonet, “Neebe op logorak noba'naka ti, kat keebe aret o. Ineenik wonogo menggam o yime neegak, Keyate wo'niru kwak kat keebe aret o,” yinuk, ari minggirak o.

Ndawi 16:5

Kaliku ALA wae. Yate kwak mogonogo wo'nege, Togolowa'na amburu abe toolak kwak eeppanege, Eeke menggendak kat aret. An ee'naburak nogo abok aret Kat mban koongge menggendak.

Ndawi 66:14

Aaninggin noba ari wage mbareegi, “Yeenggwa nege kenok, ndogop wokkirigin o,” Yinuk, noone abuk nggaruk togon yokkege, “Nogoba Ala owak o,” yinuk kumbuk mbangge, Eereegirak nogo A'me lik yuwak nduk,

Ndawi 73:26

An neebe inom, niniki inom, abu ndeyak ee'nabit unggwage kwe, Nayugum lunik kwak an niniki Ala kat paga panggonak wonage, Neyate kwak kat paga niniki mondok lunik wonage, Eeke agarik o.

Yeremiya 10:16

At Yakup iniki kunik mbake nogo perak, togop lek o. At yi mendek ndi mendek apit aret wakkage nagagerik, Eyate kwak inanebunu Iterali mendek warak eerogo piyareegerak nogo ti, Endage, Omaawi Lombok Menggerak Aliku ALA aret o.

Leendawi 3:24

An niniki nen mbake logonet, “Yate kwak niniki kundugu ti, Aliku ALA aret me, At nen eeppaniyak nogo mban niniki lunik aret agaarik o,” yinuk, ari minggirak o.

Pelaareegerak 18:2

Ineyate kwak kologo logorak ti, at Aliku ALA nen wone abuk nggaruk togon koonogo yoragagerak nogo ndak-ndak at Aliku ALA eebe unde ti aret me, it inoreewi ineyate nggween kologwe time inom kologo logorak lek o.

Yotuwa 24:15

Ndi, kit nen at Aliku ALA mban mugurok noorak ti, kineebi mbakwi kenok, kinombomini nen niyo Eparat enebagan logonet, Aliku ALA mugurok nogwe obaane'me it kugi eeko nogogwaarak nogo, mugurok nogo logorak a, it aap Amori mendek inanggween paga kit wonogo logonet, Aliku ALA mugurok nogwe obaane'me inagugi mugurok nogo logorak a, nogo ti, o yogondak yi paga aret kit mban miikkolaanip o. An, nakwe, napurilogwe ninom perak, at Aliku ALA mban aret mugurok nogo logogun o,” yinuk, yoragagerak.

Yotuwa 24:18

Eeke nagagerik, yi aakumi ndi aakumi inanebunu lombok aakumi Amori mendek inom abok aret o yime wonogogwaarak nogo nit wumbiyaawok nduk, eekwi niigak, at Aliku ALA nen aa'nduk a'nuk, wumbiyareegerak me, at Aliku nogo ti, nit ninogoba Ala aret o, yinuk, nit kunduk, at mban mugurok nogo logowok o,” yinuk, yoreegwaarak.

Yotuwa 24:21

Yorage mbareegi, it nogo nen Yotuwa yogo logonet, “Lek o. Nit Aliku ALA mban aret mugurok nogo logogun o.”