Ndawi 119:34 - Ala Wone Peenok Peebi Mbanak

³⁴ Koone yugu Muta liiru mbaneegerak nogo Alom neenu arikit nduk, eeppanege keenok, An wone ti liippege, Niniki ambit eeppunuk eerit nage, Eeke logogin o.

Ndawi 119:34 ပူးပေါင်းရင်းမြစ်များ

1 Mbinineegwaarak 22:12

It Iterali wone lengganogo yorage logonok nduk, mippagage logomenggerik, Aliku kogoba Ala wone yugu liiru mbanak nogo, liirogon unde logonet eeke logonok nduk, Aliku ALA nen kiniki warak eeppagage, eeriyak liippunuk eeke logonok nduk, eeppagage, eeke logowak o.

Ayup 28:28

Aakumi yorage logonet, Kiniki warak ti, kinogoba Ala kinagabiti mbakwi, Yi wone ndi wone yelok kaga nogo ti, maluk kenok ogole nen mbaganggwi, Eeriyak ti aret o, Yinuk, yereegerak o,” yoragagerak.

Ndawi 111:10

Aap iniki warak mamunggolaawok nduk eekwi nogo ti, Aliku ALA inagabiti mbakwi ti aret. Ndi, aap abok aret at wone lengganogo yorage nogo, Mugurok nogwe iinok, Yi wone ndi wone abok ineenu eeppiige menggerak. Togop me, ninoone puk aga'lek mondok-mondok at tiyappogo logowok o.

Ndawi 119:10

Togop me, an niniki ambit eeppunuk, kat mukkeren wage minggirak me, Koone, “Yogop ee'nu ndogop ee'nu,” yugu nogo Teppunuk, nomo agan nage neyo, Eraangge mbo paniyak mage o.

Ndawi 119:100

Eeko logorak koone yugu nogo Porogo logonet, eerit nage minggirak me, Aakumi inoweewi yi wone ndi wone mbuuluk negen Ineenu iigak, an perak, iya negen neenu minggirak o.

Ndawi 119:104

Eeko logorak koone yugu nogo Liippit unggwage minggirak paga Abe eeriyak lek kagak eerit nugwi nogo An neebi lombok mbake minggirak o.

Ndawi 119:125

Ndi, aberak logorak koone yugu nogo Neenu arikit nduk, kayeloman an yi, Niniki ngget eerogo panege, Eeru o.

Ndawi 119:130

Koone ari menggendak waganggwi iinok, Inikime eya eerogo piige, It iniki yuundurak nogo ineenu eeppiige, Eeke menggerak o.

Ndawi 119:144

Aberak logorak koone yugu nogo ti, Wone abe abu koonak wonage me, Neenik logonet eerit nage logokit nduk, Neenu eeppanege logot o.

Ndawi 119:169

Kaliku ALA wae. Yeenggwa nirenok nduk, Noone yokkege nogo karuk me ari woraawak o. Ari wage kenok, Koone yugu ndak-ndak an neenu eeppanumunggun o.

Ndawi 119:2

Aliku ALA aberak logorak wone yugu liippugwi, Iniki ambit eeppunuk, at mugurok nogwe, Eeko menggaarak kenok, inale'nggen aret mbakwi, Eeko logogun o.

Ndawi 119:58

Nabuwa mbake logonok nduk, An niniki abu ambit eeppunuk yokkigirak me, Kat eeppaniyak koonogo pereegindak ndak-ndak Kiniki yanggonak logonet eeppanege logot o.

Ndawi 119:66

Koone, “Yogop ee'nu ndogop ee'nu,” yugu nogo, Niniki panggombunuk wonage me, niniki warak ariyak inom, Yi wone ndi wone liirogon neenu ariyak inom, an mamunnake, Eeke logot o.

Ndawi 119:69

It aap iniki wogoppaka nen Inoone pilit noba lenggenogo panit nugwi kwe, Niniki ambit lombok eeppunuk, Eeko logorak koone yugu nogo porogo logonet, Eerit nage agarik o.

Ndawi 119:73

Keenggi paga ogobakkigirogo paneegindak me, Neebe op logokit nduk, narum wonage keegak, Koone, “Yogop ee'nu ndogop ee'nu,” yugu nogo Mamunggolaakit nduk, neenu eeppanu o.

Ndawi 39:2

Noone yaga'lek puk wonage, Wone obeelom kunduk ambi yaga'lek wonage, Eeke logonet, Niniki andi nogo, abunuk nggwok lombok ee'nabit unggwage,

Matiyut 5:19

Ala nen, Yogop ee'nu, ndogop ee'nu, yereegerak wone nogo, aap ambi nen, Yi mbuuluk me, iya lek o, yinuk, taganogo punuk, wone alik mamunirage kenok, aap ti, at mbogut paga mendek abu'me piige menggim at endage abu lek tebenak aret logogin o. Ndi, aap ambi nen wone ti, woppunuk, liirogon eerit nage, ndi, liirogon mamunirage, eeke kenok perak, at mbogut paga mendek abu'me piige menggim endage warak mondok tiyanak aret logogin o.

Matiyut 7:24

Yorage nagagerik, ambinom yorage logonet, “Yi aap ndi aap an noone inaruk konembunuk, liirogon eeko menggaarak ti, aap iniki warak nen awi yugum paga wureegerak nogo pogom it aret.

Yaya 7:17

Ala nen eeriyak mbake nogo, Eeruwok, mbakwi kiinok, an wone mamunggirage nogo ti, Ala nen yo'nege kagak, mamunggirage a, an mbake paga mamunggirage a, nogo ti, kineenu arumunggup o.

Pelaareegerak 4:6

Aberogo liirogon aret eerit nogwe kenok, kit kiniki warak logonet, kiniki ngget paga eerit nogwe nogo it yi aakumi ndi aakumi inanebunu alik mendek nen kiigo logomenggaarik, at Ala nen wone lengganogo yokkiragagerak nogo inaruk konembunuk, yogo logonet, It aakumi ineebe nggwok wiganak yi, iniki warak iniki ngget lombok iigo o, yinuk, yogo logogun o.

Yakobut 1:25

Ala wone li'luk eerogo yo'niragagerak paga wondet agago pinanege menggerak wone nogo, li'lak pekkolage logomenggerik, kobak aga'lek liirogon woppunuk eeke logomenggerak kenok, Ala nen ale'nggen ambik aap ti, oba pege logogin o.

Yakobut 1:5

Kit nen eeriyak ambi kineenggo'lek kenok, “Ala yo'nip o.” Yogwi kiinok, at eebi mbakeelik yanggonak paga yi aakumi ndi aakumi abok aret kalo logonogo wogorage menggerak nogo nen ambi eerumunggup nduk, kineenu eeppinagage logogin o.

Yakobut 4:11

Nowe-nawot o. Nabok-kabok yuurak mage o. Kit nen kinowe-kinawot inabok mbanggwi, inowak loonggwi, eekwi ti, “Ala nen wone lengganogo yo'niragagerak ti maluk yereegerak,” mba'nuk, yogo logonet, Ala owak loonggwi negen eekwi me, kit wone lengganak eeka mendek lek o. Kit Ala owak loonggo monggotak mendek aret kinombakwi me, togop eerugup o.