Ndawi 119:3 - Ala Wone Peenok Peebi Mbanak

³ It nogo ti, maluk eekulik At eeriyak mbake nogo mban eerit nogo menggaarak o.

Ndawi 119:3 ပူးပေါင်းရင်းမြစ်များ

Ayup 36:11

Yorage konembunuk, at mugurok nogwe iinok, It nda'nogogwaarak eyom ari wage kagak, Ineebe obeelom inale'nggen paga wonogwe, Yi tahun ndi tahun eeke kagak, Iniki ugun tayenak wonogwe, Eeko logogun kwe,

Yeremiya 7:23

Ata, wone eeko logorak lengganogo yoragagirak nogo yi aret. An noone ari inaruk liirogon konembunuk eekwi iinok, an it inogoba age, ndi, it an napuri ogwe, eeko logogun o. Ndi, ineebe obeelom inale'nggen paga logowak nduk, an nen, Yogop ee'nu, ndogop ee'nu, yorage nogo ndak-ndak eerit nogo logowak o, yinuk, yoragagirak kwe,

Yetikiyen 18:17

Maluk eeka'lek mbo pege, Eeke menggerak o. At awu porogo wonogwe onggo ambik nabenggolage, Ambinom wo'niru o, yinuk, oone omaawi paga yorage, Eeka'lek logonet, Eeko logorak nawone yugu nogo aret eeke, Wone lengganogo yorage minggirak nogo mugurok nage, Eeke menggerak. Aap ti nen togop aret eeke kenok, ogoba omaluk paga nen kambigin lek at mondok eenik aret logogin kwe,

1 Yaya 3:9

Aap ambi Ala nen ndake kenok, at Ala obaabut aret wagangge me, at maluk eeke logogin lek o. At Ala nen aret ndaremenggerak me, at maluk eeke logorak ti meek o.

1 Yaya 5:18

Aap ambi Ala nen ndareegerak kenok, at maluk eerit nageelik ti, nineenu aret o. Ala aput Yetut nen aap ti, liirogon aret porogo menggerak me, at maluk eeka nogo nen aap ti, maluk eeppuurak mondok meek aret o.