Ndawi 119:2 - Ala Wone Peenok Peebi Mbanak

² Aliku ALA aberak logorak wone yugu liippugwi, Iniki ambit eeppunuk, at mugurok nogwe, Eeko menggaarak kenok, inale'nggen aret mbakwi, Eeko logogun o.

Ndawi 119:2 ပူးပေါင်းရင်းမြစ်များ

1 Endagembogut 2:3

Aap wakaa'ngget negen logonet, wone lengganak inom, Yogop ee'nu ndogop ee'nu, yugu inom, wone eeko logorak yugu inom, maluk eekwi iyo yorage menggerak inom, eeko logorak wone yugu mbuku Muta liiru mbaneegerak paga inom mbanak wonage nogo, abok aret nggirik-nggerok porogo logonet, at Aliku kogoba Ala nen eeke logorak yokkereegerak nogo abu liirogon eerit nage logonu o. Ti eeke keenok, yi o ndi o yi eekak ndi eekak eerit nege keegak, keenggime ngget-ngget aago mban wonage,

1 Mbinineegwaarak 22:19

yogondak aret kit kiniki inom, kineebe inom, waganogo Aliku kinogoba Ala wogo'nuk, At mban mugurok nogo logowok o, yinuk, abuk nggaruk togon koombunuk, mugurok nogo logonip o. At Aliku ALA aloobut mbanak me wone abuk nggaruk togon kooneegerak yonggolak nogo inom, yi mendek ndi mendek eekak Ala ake leenak nogo inom, Aliku ALA endage ki logorak awi wuruwam nogome mambi woraamunggup nduk, Aliku Ala alut eeko logowam aret wu'nip o,” yinuk, yoragagerak.

2 Mbinineegwaarak 31:21

Ndi, Ala awi wurik me eeke logowak nduk eeke, eeko logorak wone yugu liiru mbanak inom, “Yogop ee'nu ndogop ee'nu,” wone yugu inom, “Ndak-ndak eerikit o,” yinuk eeke, eeke kenok, “Ala ari kaakit o,” yo'nuk, iniki-eebe Ala wogo'nuk eerit nage nagagerak me, at eeriyak mbake nagagerak nogo a'me aret age nagagerak.

Ndawi 105:45

Ti eereegerak nogo ti, Eeko logorak wone lengganak nogo ndak-ndak eekwi, Ndi, wone, “Yogop ee'nu ndogop ee'nu,” yugu nogo Liirogon mugurok nogwe, Eeko logowak nduk, Eereegerak o. Aliku ALA tiyappogo logowok o.

Ndawi 119:10

Togop me, an niniki ambit eeppunuk, kat mukkeren wage minggirak me, Koone, “Yogop ee'nu ndogop ee'nu,” yugu nogo Teppunuk, nomo agan nage neyo, Eraangge mbo paniyak mage o.

Ndawi 119:101

Koone liirogon porogo logonet Eerit nage logokit nen maluk eeko menggam nookwak, Niyok awiirak minggirak o.

Ndawi 119:115

“Nogoba Ala oone, Yogop ee'nu ndogop ee'nu, Yugu nogo porogo logonet eerit nage minggirak me,” Kit aap maluk eeka yi, an wonage me nen mbaganinip o.

Ndawi 119:146

“Nagap ndaru o,” yinuk, Noone nggwok paga yokkege neenok, An nagap ndaremenggendak paga Aberak logorak koone yugu nogo Porogo logonet eerit nage, Eeke logogin o.

Ndawi 119:17

An neenik logonet, Koone yugu liirogon eeke logokit nduk, Kiniki obeelom paga an kayeloman yi, eeppanege,

Ndawi 119:22

Aberak logorak koone yugu nogo An liirogon porogo minggirak me, It aakumi an meek eerogo panugwi, Abeelik-abeelek eerogo panugwi, Eekwi nogo Yamburogo nappiige logot o.

Ndawi 119:33

Kaliku ALA wae. Koone lengganak nogo Mugurok nage logokit nduk, Alom liirogon mamunnake keenok, Porogo neegak, kambuurak kuli ari nagin o.

Ndawi 119:34

Koone yugu Muta liiru mbaneegerak nogo Alom neenu arikit nduk, eeppanege keenok, An wone ti liippege, Niniki ambit eeppunuk eerit nage, Eeke logogin o.

Ndawi 119:57

Kaliku Ala wae. An namendek punik kwak ti, Kaliku ALA keebe aret. “Kat koone yugu ti mban eerit nage logokit o,” Yinuk, nggaruk togon koonogo pateegirak o.

Ndawi 119:69

It aap iniki wogoppaka nen Inoone pilit noba lenggenogo panit nugwi kwe, Niniki ambit lombok eeppunuk, Eeko logorak koone yugu nogo porogo logonet, Eerit nage agarik o.

Ndawi 119:88

Nabuwa nen kiniki kunik ee'nake menggendak ndak-ndak An neenik logokit nduk, nili ari keenok, Wone lengganogo wumbereegindak nogo An porogo logonet, eerit nage logogin o.

Ndawi 25:10

Kat wone abuk nggaruk togon koonogo pege logonet, “Yogop ee'nu ndogop ee'nu,” yoragagindak nogo It aap liirogon woppunuk eekwi iinok, Kaliku ALA nen eeppiyoorak mbake nogo ti, Inabuwa nen kiniki kunik eeginabit nage logonet, Liirogon obeelom mban eeppiige menggendak aret o.

Kini Wuppiige 23:26

Napuluk yi wae. Kiniki an paga panggombege, An eerit nage nogo kenegen liippaninuk eeke, Eeke logot o.

Yeremiya 29:13

Iniki mbere lek ambit a'nuk, kwaa'nabit wogo logomenggaarik, an kwaa'neyaagun,” yegerak o.

Yetikiyen 36:27

An nen Naberiniki inikime mambiige, wone lengganogo yorage minggirak nogo mugurok nawak nduk, eeppiige, ndi, eeko logorak noone yugu nogo liippunuk eeko logowak nduk, eerogo piige, eerigin o.

Yaya 14:23

Yoge mbareegi, at Yetut nen, “Aap ambit ambi iniki kunik ee'nake kenok, an noone liirogon aret eeke logogin o. Ti eeke kenok, an nogoba nen at iniki kunik eerigin o. Ndi, an nogoba nimbirak at ka wogo logomonggoorik, ninom aret logogun o.

Pelaareegerak 4:29

Ndi, togop eeko logomunggup kwe, At Aliku ninogoba Ala ngga wonage agaarik o? yinuk, kiniki-kineebe apit aret nggaruk togon at kwaakwi kiinok, eebe aret kwaakkaamunggup o.

Pelaareegerak 6:17

Ndi, at Aliku kinogoba Ala nen, Yogop ee'nu ndogop ee'nu, wone yugu inom, eeko logorak wone inom, wone lengganak inom, yokkiragagerak nogo mban nggirik-nggerok porogo logonet, eerit nogo logonu.

Pelaareegerak 6:5

Togop aret me, kiniki inom, kineebe inom, kinomaawi inom, abok aret at Aliku kinogoba Ala mban kiniki kunik eeko logonip o.