Ndawi 119:170 - Ala Wone Peenok Peebi Mbanak

¹⁷⁰ An nagap ndarenok nduk Nggino yokkege nogo karuk me unggwi woraawak o. Unggwi wage kenok, Eeppaniyak koonogo pereegindak nogo ndak-ndak An nagap ndarumunggun o.

Ndawi 119:170 ပူးပေါင်းရင်းမြစ်များ

2 Tamuwen 7:25

Togop aret me, Kaliku Kitok Menggendak nogoba Ala wae. An kayeloman inom, napuri-nombowologwe wigannarugun inom, eerogo pinaniyak wone koonogo yo'negendak nogo, a'me lik togon aret eeppinanege logomunggun o.

Ndawi 119:41

Kaliku ALA wae. Aakumi inabuwa nen Kiniki kunik mban aganake menggendak nogo An kunduk ee'nabi wage, Nagap ndariyak koonogo pereegindak nogo Ndak-ndak eeppani wage, Ee'nok lak, “Ao,” mbake agarik o.

Ndawi 119:94

Eeko logorak koone yugu nogo an mugurok nage, An neebe kat kamendek aret kombake, Eeke me, An nagap ndaru o.

Ndawi 28:2

“Yeenggwa niru o,” yinuk, noone nggwok yokkege, Mage Lombok Menggim pa'nggwe neenggi nappege, “Nabuwa mbaru o,” yinuk, tamban eeke, Eeke neegak, Karuk konengge logot o.

Ndawi 31:2

An yokkege neenok, karuk liirogon nggoongge, Mbet-mbet aret yeenggwa niri wage, Puut lunik abu'me mengga kwak An neebe op logorak togop aret eerogo panege, An nagap ndarak logokit nduk, Yugum pak wurogo pereegi pogom eerogo panege, Eeru o.

Yeremiya 37:20

Nogoba kendagembogut wae. An yokkirikit mbakirak yogondak yokkege yi, mbo puurak mage o. Ata, karuk liirogon konengge logot o. O apit inake liiru mbangga aap Yonatan ame niyokan nappanege keenok, kambigin aret me, time nappaniyak mage o.”

Yeremiya 42:2

Ala yoge kagak yoraga Yeremiya nogo ka wogo nogogwaarik, at yogo logonet, “Nit aa'nduk aakumi ambik aret wonogogurak kwe, nineebe we mbuuluk mban yumbunogo pinaneegwaarak wonogwe nogo kenegen abe nen niigendak me, nit yumbunik abok aret ninake nen kogoba Aliku Ala nggino yo'nok nduk, kat kowagam ari wogo o.