Ndawi 119:154 - Ala Wone Peenok Peebi Mbanak

¹⁵⁴ Nawone amburu mbanogo wondet eerogo panege, Eeppaniyak koonogo pereegindak ndak-ndak Aa'nduk nale'nggen wonagagi kwak eeppanege, Eeru o.

Ndawi 119:154 ပူးပေါင်းရင်းမြစ်များ

Ayup 5:8

An aaninggin noba a'netak nen Ala nggino yoge, Ndi, an ee'nabenetak nen, Yogop ee'nakerak o, yinuk, paganogo yoge, Ee'netak o.

Ndawi 119:25

An liirubu enggela'me ndenen warak wonage me, Wone koonogo pereegindak nogo ndak-ndak An aa'nduk wonagagi kwak eerogo panu o.

Ndawi 119:38

It aakumi kayuk wuko logowak nduk, An kayeloman yi, wone koonogo yo'nireegindak nogo Ndak-ndak eerogo panege,

Ndawi 119:40

Eeko logorak koone yugu nogo, An eeke logokit lak, “Ao,” mbake minggirak o. Kat obeelom a'me nggelok eeke menggendak me, An aa'nduk wonagagi kwak eerogo panu o.

Ndawi 35:1

Kaliku ALA wae. It aap an tebenogo panuwok nduk wogwe yi, Kat nen it aret tebenogo piige, Ninom wim eeruwok nduk wogwe yi, Kinom aret wim eeke, Eeru o.

Ndawi 35:23

Kat pilak ari logonet nawone mbanogo panege, Kat nogoba Ala aret me, naana'le mbangge, Eeru o.

Ndawi 43:1

Ala wae. Naana'le liirogon mbangge, Aakumi koone liirogon mugurok nogolik mendek nen inoone maluk noba panugwi iinok, Kat nawone amburu mbangge, Aap maluk mendek aakumi inambokan lagangga nogo Ineenggime nen nagap ndake, Eeru o.

Yeremiya 11:20

Togop eeppaniyak yagaarak kwe, eekaatak a'me nggelok eeppiige logonet, inowak loongge, Nit niniki mbakwi, Ndogop eerikit, niniki koonggwi, eekwi nogo ninabut mbangge, Eeka Komaawi Lombok Menggendak Kaliku ALA wae. Nawone amburu mbanenok nduk, neebe aret wokkigirak me, kanini nen it eeppiige keyaakit o.

Yeremiya 50:34

Togop eerogo piinok wonogwe kwe, an Wondet Eerogo Piiga ti, nomaawi wonage, Nendage ti, Nomaawi Lombok Minggirak Naliku ALA aret o. An nen aret it Iterali inanggween paga wonogo logonet, inabolok lek logorak eerogo piige, Ndi, it o Mbaben wonogwe perak, inabolok mban yogo logorak eerogo piige, Eeruwak nduk, Iterali inawone liirogon amburu mbanogo piige logogin,” yegerak o.

Yeremiya 51:36

Togop aret me, Aliku ALA nen yegerak nogo yi aret. “An nen napuri Iterali inawone mbanogo piige, It maluk eeppiigwi onggo eeppiige, O Mbaben aniyo laut yenggenak nogo woloonogo pege, Aniyo eneeri nogo poronogo pit nage, Eeke neyaagun o.

Mika 7:9

Nit Ala abet aret maluk eeppogoorak me, Aliku ALA ninawone mbangge, “Eekaarak onggo ndogop eeppiyoorak o,” yinuk, a'me nggelok eerogo pinanege, Eeka'lek kagak, At anini eeppinanege nogo, “Op aret o,” yinuk, waganggo logogun o. Nit o apit me nen wo'niren o eya paga pinani wage, A'me nggelok eeppinanege, Eeke kaagun o.

1 Yaya 2:1

Napuri o. Kit an niniki kunik me, maluk eekwi kiyo, wone yi, liiru mbanggiragi o. Togop kwe, nit ambi nen maluk eekwi niinok, at a'me nggelok eeke menggerak Yetut Keritut nogo nen nit ninake wone wonok ninogoba yori nagak eeke menggerak o.

1 Tamuwen 24:15

At Aliku ALA nen ninowak loongge, nawone mbanogo punuk onggo ndak-ndak eeppinanege, naana'le mbangge logonet, kat keenggime nen ndinogo nagap ndake, eeke logowak o,” yinuk, yoreegerak.

1 Tamuwen 24:16

At Ndawut nen wone nogo abok aret Tawun yoge mbareegi, at Tawun nen, “Kat naput Ndawut koone aret a?” Ari nagagerik, le oone nggwok paga yereegerak.