Ndawi 119:149 - Ala Wone Peenok Peebi Mbanak

¹⁴⁹ Kaliku ALA wae. Kat nabuwa nen Kiniki kunik ee'nake menggendak me, noone konengge, Eekaatak a'me eeppiigo logorak koone yugu ndak-ndak Aa'nduk nale'nggen paga wonagagi kwak eerogo panege, Eeru o.

Ndawi 119:149 ပူးပေါင်းရင်းမြစ်များ

Yetaya 63:7

At Aliku ALA ninabuwa nen liirogon eeppinanege nogo paganogo yorage, At endage tiyappuwak nduk, eerogo pinanege menggerak nogo yoranet nage, Eeke logogin o. Aliku ALA nen eerogo pinanege, Nit at apuri Iterali paga wiganak obeelom mendek eeppinanege, At ninabuwa nen liirogon obeelom eeppinanege, Eereegerak abok aret nogo ndak-ndak at endage tiyappuwak nduk agan nage logogin o.

Ndawi 119:40

Eeko logorak koone yugu nogo, An eeke logokit lak, “Ao,” mbake minggirak o. Kat obeelom a'me nggelok eeke menggendak me, An aa'nduk wonagagi kwak eerogo panu o.

Ndawi 109:21

Kaliku Kitok Menggendak ALA wae. Kat perak, kendage abe mban logowak nduk eeppanege, Nabuwa nen obeelom eeppanege menggendak me, nagap ndake, Eeru o.

Ndawi 55:2

Karuk liirogon konembunuk, onggo yo'nege, Eeru o. It ninom wim mbanak inoone yogwe, It maluk eeka inigen lo nirit unggwogwe, Eekwi nogo nen aaninggin-paaninggin noba panugwi, Ineebi nomba'nuk inanini nen maluk eeppanugwi, Eekwi iinok, “Nonggop eekkola?” yinuk, Niniki piirik-paarik ee'nake agaarik o.

Ndawi 51:1

Nogoba Ala wae. Aakumi inabuwa lombok mbarit wundi wage menggendak ndak-ndak an nabuwa mbake, Aakumi kiniki kunik aganake menggendak me, Wone yugu taganogo punuk maluk eekirak yi, Lek eerogo panege,

Ndawi 119:156

Kaliku ALA wae. Kat mondok iya ninabuwa mbake menggendak me, Eekwi ndak-ndak eeppiigo logorak koone yugu ndak-ndak Aa'nduk nale'nggen wonagagi kwak eerogo panu o.

Ndawi 119:25

An liirubu enggela'me ndenen warak wonage me, Wone koonogo pereegindak nogo ndak-ndak An aa'nduk wonagagi kwak eerogo panu o.

Ndawi 69:16

Kaliku ALA wae. Aakumi kiniki kunik lombok aganake logonet, Obeelom eeppiinet wundi wage menggendak me, Noone yokkege nogo karuk konembunuk onggo yo'nege, Nabuwa nen kena koonogo pe'neege, Eeru o.

Ndawi 119:154

Nawone amburu mbanogo wondet eerogo panege, Eeppaniyak koonogo pereegindak ndak-ndak Aa'nduk nale'nggen wonagagi kwak eeppanege, Eeru o.

Ndawi 64:1

Ala wae. An eeppanege neebi mbake logonet, Wone yokkege yi, karuk konengge, Nawim nen noori wogwe iinok, Nagabiti lombok mbake me, narum wonage, Eeke logot o.

Ndawi 119:88

Nabuwa nen kiniki kunik ee'nake menggendak ndak-ndak An neenik logokit nduk, nili ari keenok, Wone lengganogo wumbereegindak nogo An porogo logonet, eerit nage logogin o.