Ndawi 119:145 - Ala Wone Peenok Peebi Mbanak

¹⁴⁵ Kaliku ALA wae. Niniki ambit eeppunuk Noone nggwok paga yokkege neenok, Wone onggo yo'nirimenggendak paga Koone lengganak woppunuk eerit nage,

Ndawi 119:145 ပူးပေါင်းရင်းမြစ်များ

Ndawi 102:1

Kaliku ALA wae. An tamban eeke yi, karuk konengge, Kat nen yeenggwa nirenok nduk Noone nggwok paga yokkege yi, liippege, Eeru o.

Ndawi 119:10

Togop me, an niniki ambit eeppunuk, kat mukkeren wage minggirak me, Koone, “Yogop ee'nu ndogop ee'nu,” yugu nogo Teppunuk, nomo agan nage neyo, Eraangge mbo paniyak mage o.

Ndawi 119:106

“A'me nggelok eeko logorak koone yugu nogo An porogo logonet eerit nage logokit o,” yinuk, Kumbuk mbaneegirak me, ndak-ndak eerit nage agarik o.

Ndawi 119:115

“Nogoba Ala oone, Yogop ee'nu ndogop ee'nu, Yugu nogo porogo logonet eerit nage minggirak me,” Kit aap maluk eeka yi, an wonage me nen mbaganinip o.

Ndawi 119:44

Kat koone Muta nen liiru mbaneegerak nogo An ko'lu-kii'me eeke, O yogondak nen peebi mondok-mondok eerit wundi wage, Eeke logogin o.

Ndawi 119:58

Nabuwa mbake logonok nduk, An niniki abu ambit eeppunuk yokkigirak me, Kat eeppaniyak koonogo pereegindak ndak-ndak Kiniki yanggonak logonet eeppanege logot o.

Ndawi 119:8

Wone lengganogo pereegindak nogo An liirogon aret eerit nage logogin me, Kat mbo paniyak mondok mage o.

Ndawi 62:8

Kit aakumi kinanebunu lombok yi wae. Nineebe op logorak abu'me ari unggwaga ti, Ala aret me, Neetik-neetak Ala paga panggonak wonogwe, Kiniki mbako monggotak nogo abok aret at enggaanom paganogo pugwi, Eeko logonip o.

Ndawi 86:4

Nogoba o. Yeenggwa nirenok nduk, Niniki kat paga lunik wonage me, Kayeloman an niniki ale'nggen kaakit nduk eeppanege,

Yeremiya 29:13

Iniki mbere lek ambit a'nuk, kwaa'nabit wogo logomenggaarik, an kwaa'neyaagun,” yegerak o.

1 Tamuwen 1:10

iniki abu puru yinuk, le ari logonet, Aliku ALA yoge,

1 Tamuwen 1:15

Yoge mbareegi, kwe nogo nen ari logonet, “Togop lek o, nogoba. An anggur amburu inom, amburu kumili aganaka inom, nenok ari lek o. Niniki abu puru agan unggwage logonet, niniki mbake nogo abok aret paganogo at Aliku ALA yoge me,