Ndawi 119:144 - Ala Wone Peenok Peebi Mbanak

¹⁴⁴ Aberak logorak koone yugu nogo ti, Wone abe abu koonak wonage me, Neenik logonet eerit nage logokit nduk, Neenu eeppanege logot o.

Ndawi 119:144 ပူးပေါင်းရင်းမြစ်များ

Ndawi 119:138

Aberak logorak koone yugu ti, Eekaatak a'me nggelok eeppiigwi, Niniki ti paga panggombunuk eerit nugwi, Eeko logorak op aret o.

Ndawi 119:151

Kaliku ALA wae. Kat perak, Nimbirak koorok aret wonage me, Koone, “Yogop ee'nu ndogop ee'nu,” yugu ti, Pilit lek abet aret o.

Ndawi 119:152

O aa'nduk nen aberak logorak koone yugu nogo Liippege logonet, “Wone ti, mondok-mondok eeko logowak nduk koonogo pereegindak,” An neenu agagirak o.

Ndawi 119:169

Kaliku ALA wae. Yeenggwa nirenok nduk, Noone yokkege nogo karuk me ari woraawak o. Ari wage kenok, Koone yugu ndak-ndak an neenu eeppanumunggun o.

Ndawi 119:17

An neenik logonet, Koone yugu liirogon eeke logokit nduk, Kiniki obeelom paga an kayeloman yi, eeppanege,

Ndawi 119:34

Koone yugu Muta liiru mbaneegerak nogo Alom neenu arikit nduk, eeppanege keenok, An wone ti liippege, Niniki ambit eeppunuk eerit nage, Eeke logogin o.

Ndawi 119:66

Koone, “Yogop ee'nu ndogop ee'nu,” yugu nogo, Niniki panggombunuk wonage me, niniki warak ariyak inom, Yi wone ndi wone liirogon neenu ariyak inom, an mamunnake, Eeke logot o.

Ndawi 119:73

Keenggi paga ogobakkigirogo paneegindak me, Neebe op logokit nduk, narum wonage keegak, Koone, “Yogop ee'nu ndogop ee'nu,” yugu nogo Mamunggolaakit nduk, neenu eeppanu o.

Ndawi 19:9

Aap Kaliku ALA inagabiti mbakwi nogo ti, Kikak naka'lek abu obeelom aret me, Mondok-mondok aret logogin o. Alik eekwi niinok Kaliku ALA nen Onggo eeppinaniyak kawone yugu nogo ti, Ndak-ndak eeppinaniyak nduk wonage, A'me lik togon eeppinaniyak nduk wonage, Eeke menggerak.

Kini Wuppiige 10:21

Aap iniki abe koonak inoone paga nen aakumi ambik iniki kole eerogo piigo menggaarak kwe, Aap iniki lek wi nogo perak, iniki lek me, we aret kanggo menggaarak.

Kini Wuppiige 4:4

Wonage neegak, nogoba nen wone mamunnege logonet, “An nen yokkege yi, kinikime liirogon woppunuk porogo wonage, Yogop ee'nu ndogop ee'nu, wone yokkege yi, liirogon aret eerit nage, Eeke keenok, Keenik mondok aret logomunggun o.

Kini Wuppiige 7:2

“Yogop ee'nu ndogop ee'nu,” an yokkege nogo mugurok nage kenok, keenik aret logomunggun o. An nen wone mamunggege yi, kenegen awuluk unde wakkolage menggendak kwak unde wakkolage,

Yetaya 27:11

Ndi, eyo eno'mbak ti mbuk age kenok, it kumi nen wogo logomenggaarik, Kalembunuk, wonok nanuk, kani kunggo logogun o. It aakumi yi ti, iniki lek kobak aret wonogwe me, at ogobakkigirogo piiga nen inabuwa mbake, At ogobakkigirinaka nen obeelom eeppiige, Eerigin lek aret o.

Yeremiya 4:22

At Aliku ALA nen ari logonet, “An napuri ti, wi negen aret wonogwe, it an liippanega'lek wonogwe, Elege iniki lek pogom wonogwe, op ariyak maluk ariyak ineenggo'lek kobak aret wonogwe, Obeelom eeriyak mendek kobak logonet kwe, maluk eeriyak kenok perak, Iniki penenak logonet, aganggen kerek togon eerit nugwi, Eeko menggaarak,” yegerak o.

Ndaniyen 12:10

It aakumi apit aret iniki abe koonak wonogwe iyaawak nduk eeppiigwi, iniki kikak naka'lek iyaawak nduk eeppiigwi, iniki kole aruwak nduk inabut mbanggwi, eekwi iigak kwe, it maluk eeka nen perak, maluk aret eerit nogo logogun o. It maluk eeka ambiriluk ambi nen wone yi liippugun lek kwe, it aap iniki warak nen perak, wone yi, yelok kaagun o.

Oteya 4:6

Ndi, it an napuri kunduk, neebe liippanega'lek me, ineebe lek aret arugun o. It neebe unde nen an liippaniyak wone nogo, it yoraga'lek mbo pereegwaarak paga an nen it mbo piige, Eeko logorak wone an inogoba Ala nen yoragagirak nogo, Mari eerogo pereegwaarak paga an nen it inapuri liippiyaagin lek mbo piige, Eerigin o.

Matiyut 13:19

Awi tu paga wambit nagagerak nogo ti, it aakumi Ala abu'me piyoorak wone inaruk konembunuk, liippega'lek iinok, at abu maluk lombok nogo nen wage nagaatik, wone it inikime yarak nogo ndininuk nage menggerak aret.

Matiyut 5:18

Mbogut-nggween awo lek aga'lek kagak, Ala wone yugu Muta liiru mbaneegerak ando mbuuriluk ambi awo a'me lik yega'lek kagak, lek arigin lek o. Ata, mondok ndak-ndak aret arigin o, yinuk, abet aret yokkiragi o.

Yaya 17:3

It aakumi mondok-mondok ineenik logorak nogo ti, kat Ala abet aret kalik menggendak inom, ndi, kat nen nappani wagagindak an Yetut Keritut inom, ineenu ogwe ti aret o.

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.